အညာဒေသ၏နွေကိုကားငြီးငြူ၍ပင်မဆုံးနိုင်ပါ...မည်မျှပင်ပူပြင်းနေကာမူ 'ပုလွေဝေးရွာ' မှရွာသူရွာသားများတော့ဝမ်းရေးအတွက်ရုန်းကန်ရစမြဲပင်...
"ဗျို့...ကိုကြီးတုမောင်...ထမင်းစားမနားသေးဘူးလားဗျ"
ဖိုးလုံး၏အမေးအားဘူးခင်းထဲပေါက်တူးတလက်၊ချွေးတလုံးလုံးဖြင့်အလုပ်ရှုပ်နေသောအသားအရေခပ်လတ်လတ်ခန္ဓာကိုယ်အချိုးအစားခပ်ကောင်းကောင်း၊အရပ်မြင့်မြင့်နှင့်ရွာ၏လုံမပျိုတို့အသဲဆွဲ ဥတုမောင် တယောက် မကြားနိုင်ပါ။
"ဗျို့ ကိုကြီးတုမောင်"
ဖိုးလုံးနောက်တကြိမ်အသံမြင့်ကာပြန်ခေါ်ကာမှ
"ဝေး...."
နဖူးမှတစက်စက်ကျနေသောချွေးကိုလက်ဖမိုးဖြင့်ဖိသုတ်ကာပြန်ထူးလာသောဥတုမောင်...
"ထမင်းစားမနားသေးဘူးလားလို့လှမ်းမေးတာဗျ"
"မနားသေးဘူး။ငါ...အဝေးပြေးလမ်းနားကအခင်းထဲသွားကြည့်အုန်းမှာ"
"ကျွန်တော်တို့တော့နားပြီ....ကိုကြီးအလုပ်သရဲရေ..."
ဖိုးလုံး၏ရွန့်နောက်နောက်စကားအားတုမောင်တယောက်အပြစ်တော့မမြင်ခဲ့ပေ။အလုပ်သရဲ...အမှန်ပင်ဤအသုံးအနှုန်းကသူ့ကဲ့သို့တစ်ကိုယ်တည်းသမားအတွက်ကိုက်ညီမှုရှိရိုးပါ...သူ့အားမှီခိုနေသူသာမရှိတာတုမောင်တို့ကအလုပ်ကြိုးစားမြဲ။
အဝေးပြေးကပ်ရပ်တွင်ရှိသောအခင်းထဲတွင်တုမောင်တယောက်ဟိုရှင်းဒီရှင်းဖြင့်ချုံအနည်းငယ်ထူနေသောနေရာအရောက်...
"ဟင်!!!!!"
လူ...လူတယောက်...အတိအကျဆိုဆံပင်ရှည်ရှည်နဲ့မိန်းကလေးတယောက်...
တုမောင်တယောက်ထိုမိန်းကလေးနားသွားသင့်မသွားသင့်ကိုအတန်ကြာစဉ်းစားပြီးနောက်...သူ့လိုအရာရာမှာကူညီချင်တဲ့သူအနေနဲ့မိန်းကလေးတယောက်ထဲချုံကြားထဲလှဲနေသည်ကိုမြင်လျက်မျက်နှာလွှဲခဲပစ်တော့မလုပ်နိုင်ပေါင်။
"ဟေး...ဒီကအမ...ဟေး.."
တုမောင်တယောက်ညအိပ်စပန့်အဝါနုရောင်ဝမ်းဆက်ဖြင့်ကောင်မလေးကိုမည်မျှပင်လှုပ်ရမ်းခေါ်နေစေကာမူမနိုးပေါင်..
YOU ARE READING
ရုန်းခတ်ယောင်း
Romanceကျေးရွာရသလေးခံစားစေမဲ့fiction လေးပါ☀️🌻💙 #ဥတုမောင်#ရုန်းခတ်ယောင်း #boylove #gay #romance#drama#myanmarbl#owncreation