"ကြီးနု...ရုန်းခတ်ယောင်းကိုထမင်းလာစားဖို့သွားခေါ်ပေးပါ.."
ရိုးရောင်ရဲ့စကားအဆုံးရုန်းခတ်ယောင်းရှိရာရောက်လာသောကြီးနု...
*ဒေါက်...ဒေါက်*
"သားရုန်းခတ်...နောက်မှာထမင်းစားဖို့အကိုလေးတို့စောင့်နေတယ်..."
"ကျစ်.."
အခန်းရှေ့ကတံခါးခေါက်သံကြောင့်ယောင်းစုတ်သပ်ပြီး...
"မဆာသေးဘူးလို့ပြောပေးပါ..ကြီးနု..."
ယောင်းပြောလိုက်တော့ပြန်ဆင်းသွားပြီထင်ပါရဲ့..
အင်း....
(မောင်....အခုချိန်ဘာများလုပ်နေမလဲမောင်...ကျွန်တော်မောင့်ကိုလွမ်းလိုက်တာ...မောင်မရှိတော့ဘယ်အရာမှကျွန်တော့်အတွက်နေသားမကျဘူးဗျာ...)
မောင်ဟာတကယ်နေနိုင်တဲ့လူပါ....ကျွန်တော်ဒီကိုပြန်လာရမဲ့နေ့..အင်း...လွန်ခဲ့တဲ့သုံးရက်ကပေါ့...မောင်ဟာကျွန်တော့်ကိုအိမ်မပြန်ဖို့အကြည့်နဲ့တောင်မတားခဲ့ဘူး....ကျွန်တော့်ကိုအစစအရာရာဂရုစိုက်ဖို့တဖွဖွမှာတဲ့မောင်...သူမြတ်နိုးတဲ့ဆံပင်တွေကိုဘာအကြောင်းပြချက်နဲ့မှမညှပ်ပစ်ဖို့မှာတဲ့မောင်...သူ့ကိုအခွင့်ကြုံရင်လွမ်းပေးဖို့တောင်းဆိုတဲ့မောင်...သူလက်ထပ်ခွင့်တောင်းတုန်းကဝတ်ပေးခဲ့တဲ့လက်စွပ်နှစ်ကွင်းကိုလည်းလုံးဝမချွတ်ဖို့မှာတဲ့မောင်...ကျွန်တော်ပြန်လာရင်ရွာချောင်းကလေးဆီသေချာပေါက်ပြန်လိုက်ပို့မယ်လို့ကတိပေးခဲ့မောင်...သူ့ဆီသေချာပေါက်ပြန်လာဖို့မှာတဲ့မောင်က....သူစောင့်နေစရာမလိုအောင်ကျွန်တော့်ကိုမထွက်သွားဖို့တစ်ခွန်းမပြောခဲ့ဘူး...ကျွန်တော့်ဘက်ကမောင်မှာလိုက်တဲ့အရာတွေကိုတခုမကျန်လိုက်နာမှာမို့လို့ကျွန်တော့်ကိုစောင့်နေပါ....
ယောင်းတယောက်တုမောင်မှာလိုက်တဲ့အရာတွေကိုတွေးမိပြီးမရည်ရွယ်ဘဲမျက်ရည်တွေကျလာခဲ့တယ်...
လက်ကလက်စွပ်နှစ်ကွင်းကိုဖွဖွလေးထိကြည့်ပြီးယောင်းနှုတ်ကဖွင့်ဟာလာတဲ့စကားက....
(ကျွန်တော်သန်မာတော့မယ်...မောင်...ကျွန်တော်မောင့်ရှေ့မှာဘဲနူးညံ့တော့မယ်...အဘိုးကိုကျွန်တော်ပေးခဲ့တဲ့ကတိလည်းတည်ရအုန်းမယ်ဆိုတော့ကျွန်တော်ပြန်လာဖို့နည်းနည်းအချိန်ယူမယ်နော်...ဒါပေမဲ့မောင်စိတ်ချပါ...ကျွန်တော်မောင့်ဆီပြန်လာရင်အရင်ကယောင်းပုံစံနဲ့ပြန်လာခဲ့ပါ့မယ်....ချစ်တယ်မောင်...)
YOU ARE READING
ရုန်းခတ်ယောင်း
Romanceကျေးရွာရသလေးခံစားစေမဲ့fiction လေးပါ☀️🌻💙 #ဥတုမောင်#ရုန်းခတ်ယောင်း #boylove #gay #romance#drama#myanmarbl#owncreation
