Unicode
ထန်ကျိုးက သူ့နေရာသူပြန်ရောက်တော့လိုင်းဖွင့်ကာ 'ဆန်ကြိုက်တဲ့ကြွက်လေး' နာမည်နဲ့လူကိုဆက်သွယ်လိုက်သည်။
[ဆန်ပြုတ်ချိုချိုလေး-ငါပြောတဲ့အလုပ်ကိုလက်ခံမှာလား]
[ဆန်ကြိုက်တဲ့ကြွက်လေး-ကျိန်းသေတာပေါ့]
ထန်ကျိုးကဓာတ်ပုံ၂ပုံပို့ပေးလိုက်ပြီး
[မနက်ဖြန်မနက်ပိုင်းလောက်ဆို အချက်အလက်တွေရလောက်လား]
[ဆန်ကြိုက်တဲ့ကြွက်လေး-ရပါတယ် စရန်ငွေလေးသာချေပေးပါ]
သူဓာတ်ပုံတွေ လိုချင်တဲ့အချက်အလက်တွေပြောပြီးပေမယ့် တစ်ဖက်လူကသူ့ကိုစာပြန်ရန်နှောင့်နှေးနေသည်။
ထန်ကျိုး တဖက်လူကိုမေးတော့မယ့်အချိန်မှ တဖက်ကစာပြန်ပို့လာသည်။
[ဆန်ကြိုက်တဲ့ကြွက်လေး-လွန်ခဲ့တဲ့နှစ်၂၀က ကိစ္စကိုပြန်ခြေရာခံရမှာဆိုတော့ ခက်တော့ခက်သား....မနက်ဖြန်မနက်ပိုင်းလောက်နဲ့ အချက်အလက်အားလုံးမရလောက်ဘူး...ပြီးတော့ စျေးလည်းအရင်ကထက်ပိုမြင့်မယ်နော်]
[ဆန်ပြုတ်ချိုချိုလေး-အချိန်တစ်ပတ်ရမယ်...ပိုက်ဆံပမာဏက ပြဿနာမရှိဘူး]
[ဆန်ကြိုက်တဲ့ကြွက်လေး-အိုခေလေ]
၂ယောက်အပြန်အလှန်စကားပြောပြီးနောက် ထန်ကျိုးကလိုင်းပေါ်မှဆင်းလာသည်။
သူဒီလောကထဲမှ 'ဆန်ကြိုက်တဲ့ကြွက်လေး' ရဲ့ဂုဏ်သတင်းကိုကြား၍ အလုပ်အပ်ရန်ဆုံးဖြတ်လိုက်ခြင်းဖြစ်သည်။
ကျန်းချင့်တက္ကသိုလ်၏ယောကျာ်းလေးအဆောင်၌မူ ဖူရှန်းက ရေချိုးပြီးထွက်လာတာနဲ့ သူ့အခန်းဖော်၂ယောက်က သူ့ဘေးမှာ၀န်းရံလာကြသည်။
"နတ်ဘုရားထန်က ငါတို့နဲ့တွေ့ပြီးဆွေးနွေးမယ်လို့ လျန်ချင်းပြောတယ်ဟ"
ဖက်တီးကစိတ်လှုပ်ရှားစွာနဲ့ပြောလာသည်။
"အင်း မနက်ဖြန်ည၆နာရီချိန်းထားတာ...အတူတူသွားကြမယ်လေ"
"ကောင်းတယ် ကောင်းတယ် မနက်ဖြန်ဘာ၀တ်သွားရင်ကောင်းမလဲ ရွေးလိုက်ဦးမယ်ကွာ"
တစ်ယောက်က ပီကာချူးအရုပ်ပါတဲ့အင်္ကျီတစ်ထည်ထုတ်ပေးကာ
"ဒါလေးဆိုရင် ဘယ်လိုလဲ"
YOU ARE READING
ချိုမြိန်မှုကိုနှစ်သက်တဲ့ ဗီလိန်လေး(မြန်မာဘာသာပြန်)
RomanceThis is not my own story. It is my translation work. All Credits to original author. Associated name- 反派天生嗜甜 Type-Web novel Author-封玖 Status in COO-Completed{51 chapters+extra 6 chapters} Original Publisher-jjwxc Start date-8.4.2022
