Unicode
ဖူရှန်းကတော့ လူမိသွားတာကိုမသိသေးဘဲ ခေါက်ဆွဲပြုတ်ဖို့ပြင်နေရင်း ခုနကထန်ကျိုးရဲ့အသွင်အပြင်က သူ့ခေါင်းထဲပြန်ပေါ်လာသည်။
သူက လိင်မှုရေးရာတက်ကြွသူမဟုတ်တဲ့အပြင် ဒီအရွယ်ထိ တစ်ဦးတစ်ယောက်ကို တစ်ခါမှမတပ်မက်ဖူးပေ။
လိင်မှုရေးရာမဆိုထားနဲ့၊သူ့အနေနဲ့ အချစ်ဆိုတာတောင် ဘာမှန်းမသိပေ။
အခုတော့ သူကိုယ်တိုင်တောင်မသိလိုက်ခင်မှာပဲ 'ထန်ကျိုး' လို့ခေါ်တဲ့၀ဲဂယက်ထဲ သက်ဆင်းမိပြီးနေပြီဖြစ်သည်။
ထန်ကျိုးဆိုတာ အခွံခွာရခက်တဲ့ ချိုမြိန်လှတဲ့သကြားလုံးလေးလိုပင်။
သူ့ကိုအရသာမခံရသေးရင်တောင် ချိုမြမြအနံ့လေးနဲ့အရင်စွဲလမ်းမိမှာဖြစ်သည်။
ရေပွက်ပွက်ဆူနေတဲ့အသံကြောင့် ဖူရှန်းအသိပြန်၀င်လာပြီး ခေါက်ဆွဲခြောက်တွေကိုသင့်တင့်တဲ့ပမာဏအတိုင်းထည့်ချလိုက်သည်။
သူမီးဖိုချောင်ထဲမှထွက်လာတော့ ထန်ကျိုးက ထမင်းစား စားပွဲတွင်ထိုင်နေနှင့်ပြီဖြစ်သည်။
"ကျေးဇူးပဲ"
ဖူရှန်း-"ဒါ ကျွန်တော့်အနေနဲ့ လုပ်သင့်တဲ့အရာပါ"
ထန်ကျိုးအနဲငယ်တွေဝေသွားသည်။
သူမှတ်မိသလောက်ဆိုရင် အိပ်မက်ထဲမှဖူရှန်းက သူ့လက်ထောက်အနေနဲ့ရှိနေတုန်းကတောင် အေးတိအေးစက်နေသူတစ်ယောက်ဖြစ်တဲ့အပြင် သူတို့၂ယောက်ကြား စကားလည်းသိပ်မပြောဖြစ်ခဲ့ကြပေ။
အခုချိန်မှာတော့ တစ်ခုခုကွာခြားနေတယ်လို့ခံစားနေရသည်။
"ငါ ဒီရက်ပိုင်းအတွင်း အိမ်ပြောင်းတော့မယ်"
ဖူရှန်းက အလျင်စလိုနဲ့
"စီနီယာ ဘွဲ့မရသေးဘူးလေ"
ထန်ကျိုးက လေသံခပ်နိမ့်နိမ့်ဖြင့်
"ဘွဲ့ကရတော့မှာလေ...တက္ကသိုလ်ကိုသွား...စာတမ်းဖတ်..ပြီးတာနဲ့ ဘွဲ့နှင်းသဘင်အခမ်းအနားတက်ပြီးရင်ရပြီကို"
ထန်ကျိုးနဲ့မျက်နှာချင်းဆိုင်ထိုင်နေတဲ့ဖူရှန်းက တည်ငြိမ်ချင်ယောင်ဆောင်ကာ လက်ချောင်းတွေပွတ်သပ်နေရင်း
"ဘယ်နေရာကိုပြောင်းသွားမလို့လဲ"
"ဒါတော့ မစဥ်းစားရသေးဘူး"
ထန်ကျိုးက ခေါက်ဆွဲစားနေရင်း
"မင်းမှာကိစ္စရှိရင် ငါ့ကိုခေါ်လိုက်လေ"
YOU ARE READING
ချိုမြိန်မှုကိုနှစ်သက်တဲ့ ဗီလိန်လေး(မြန်မာဘာသာပြန်)
RomanceThis is not my own story. It is my translation work. All Credits to original author. Associated name- 反派天生嗜甜 Type-Web novel Author-封玖 Status in COO-Completed{51 chapters+extra 6 chapters} Original Publisher-jjwxc Start date-8.4.2022
