ضربات قلب تدق بعنف بين جنبات اضلعها .... الاحباط قد تمكن من كل خليه في جسدها و هي تراه يشير بهدوء تجاه باب منزله ببساطه كادت تسبب لها سكته دماغيه .
ما ان وصلت اتجاه الباب و مدت يدها لمقبضه حتي تخرج منه .... حتي التفت له بعنف و وضعت يديها بخصرها و تحدثت بحنق شديد و صرامه اصاباه بالذهول الشديد .
آيه : هو انت مش هتنادي عليا و تقولي استني يا هبله انتي فاكره اني ممكن اتخلي عنك بالبساطه دي .
نظر لها صامتاً مدعياً الجهل لما تقول فأزداد حنقها منه و ازداد احمرار وجهها و انتفخت اوداجها من الغضب .... ضيقت عينيها و هي تلتفت متراجعه في اتجاهه من جديد و وقفت علي مسافه قريبه منه و هي تقول .
آيه : المفروض علي فكره تمسك ايدي و تقولي مش هسمحلك تواجهي الوحوش دول لوحدك و طمني انك في ضهري و مش هتسبيني .
ضيق عينيه هو الاخر و هز رأسه بخفه و استغراب لما تقوله فاكملت بعصبيه مفرطه .
آيه : طب مش هتكتب عليا رسمي و تقنعني انه جواز علي الورق لحد ما نحل المشكله في اهلي و بعدين ننفصل .
يعلم الله كم كان يجاهد جهاد المحاربين في تلك اللحظات حتي يتحكم في قهقهاته حتي لا يترك لها العنان و ينفجر ضاحكاً حتي يسمعه أهل الأرض و السماء ..... منذ ان انتهت من اخباره بقصتها و عقله يعمل بلا توقف في حل لتلك المعضله التي تواجههم و الف فكره و فكره قد راودته حتي يعيد لها و لو جزء بسيط من حقها المهدور و سنواتها الضائعه في عذاب بسبب ما قامت به عائلتها المختله جميعهم ... حتي انه لم يشعر بنفسه و هو يشير لها إلي الباب لتغادر بسبب انغماسه الشديد في افكاره الهائجه بعقله ..... لتخرجه هي ببساطه شديده ملقيه عليه عده افكار كادت تصيبه بسكته قلبيه من كثره الضحك .... تلك المختله الرائعه قد اضاعت عقلها الروايات الدارجه بين الشباب.
وقف امامها وائداً ابتسامته بصعوبه شديده حتي لا يفقد هيبته امامها ببساطه و تحدث بجديه محاولاً كسب بعض الوقت .
جواد : هو انا فعلا عندي عرض ليكي بس طبعاً مالوش علاقه بالفكره الخرافيه الاسطوريه بتاعه الجواز المؤقت اللي مش عارف جبتيها منين دي ب.....
قاطعته بجديه شديده هي الاخر و مازال الحنق يطوف فوق ملامحها .
آيه : من الروايات و علي فكره في افكار تانيه ممكن اقولهالك علش....
قاطعها هو تلك المره ساخراً و هو يرفع حاجبيه للأعلي فها هي تؤكد افكاره تجاهه ... قد اضاعت الروايات عقلها ... إن كان يوجد لديها من الأساس.
جواد : و انا هتوقع منك ايه غير كده .... اسمعي ... انا شغلي في مصر يعتبر خلص و المفروض الفتره الجايه اسافر فرع شغلي في امريكا ... ايه رأيك تيجي معايا بصفتك المساعده الشخصيه بتاعتي ... و اهو فرصه تشوفي الاوضاع هنا هتخلص علي ايه .
أنت تقرأ
عشقت مصريه ( بقلم/ آيه محمود)
Short Storyالحياه بئر عميق مليئ بالاسرار .... المحظوظ فقط من يخرج من البئر ..... دون ندم ..... دون خسائر .
