သူ့ကိုမှချစ်မိခိုက်
အပိုင်း(21)
မှုံး အိမ်ပြန်ရောက်ပြီးသကာလ
"အန်တီလေး မှုံး ပြန်ရောက်ပြီ"
TVဇာတ်လမ်းတွဲကြည့်နေသည့် ဒေါ်မြတ်လေးက မှုံးကိုအကဲခတ်ကြည့်ရှုလျှင်
"ဒီနေ့ပင်ပန်းလာတယ်ထင်တယ်"
"အများကြီးတော့မဟုတ်ပါဘူး မှုံးအိပ်တော့မယ်နော်"
"အေးအေး အနားယူလိုက်"
သူမ ရဲ့အခန်းကျဉ်းလေးထဲက တစ်ယောက်အိပ် ကုတင်လေးပေါ်သို့ ထိုင်ချလိုက်ရာ
သူမရဲ့အ၀တ်အစားတွေကိုပင်မလဲရသေး။
"message တစ်ကြောင်းတည်းနဲ့ ဖြတ်ခဲ့တာ"
သူမ လေသံတိုးတိုးနဲ့ရွတ်လိုက်မိသည်။
"သူအဲ့အချိန်တုန်းကအရမ်းခံစားရမှာပဲ ၄နှစ်တောင် အတူရှိနေခဲ့ပြီးမှ messageတစ်ကြောင်းလေးနဲ့ "
သူမ မျက်နှာညှိုးနေသည်ကအမှန်ပင်
ရုတ်တရက်ဖုန်းကထမြည်လိုက်ရာ
သူ့ဆီကဆိုတာသိလိုက်၏။ ဖုန်းကိုနားနားကပ်လိုက်သည်က လေးတွဲ့လွန်းသည်။
"မှုံး အိပ်နေပြီလား"
"ဟင့်အင်း"
"ဘာလုပ်နေလဲ"
"ဒီတိုင်းပဲ "
"မတွေးပါနဲ့ အဲ့အကြောင်းတွေ အလကား စိတ်ရှုပ်မခံနဲ့"
"မတွေးနဲ့ဆိုပေ မဲ့ နင်အဲ့ချိန်မှာ တော်တော်ခံစားခဲ့ရမှာပဲ"
"အဲ့ဒီအကြောင်းတွေကိုထပ်မပြောရင်ကောင်းမယ် မင်း ငါ့အကြောင်းပဲတွေးပြီး ငါ့ကိုပဲချစ်နေပေးပါ အခုချိန်မှာ ငါ့နှလုံးသားထဲမှာ မင်းကလွဲပြီးမရှိဘူး ဘယ်သူ့ကိုမှ၀င်ခွင့်ပေးမှာလည်းမဟုတ်ဘူး အဲ့တာကြောင့် မင်း ငါ့ကိုသူ့ဆီထွက်သွားမှာစိတ်ပူနေရင်လည်း စိတ်ချလိုက် "
"ဟင့်အင်း ငါ နင်ထွက်သွားမှာကိုစိတ်မပူဘူး ငါယုံတယ် နင် ငါ့ကိုခွဲမသွားဘူးဆိုတာ "
"
အဲ့တာဆို စိတ်ညစ်စရာတွေ ခေါက်ထားလိုက် ငါ့ကိုချစ်နေပေး"
"ဘယ်သူကမချစ်နေလို့လဲ"
"သေချာတာမှမဟုတ်တာ "
