يا تعبي العشگته

البارات الخامس

٥_________

.

ربى..

چـنت گاعده على الكرسي و أني لامه رجليـة لصدري
انتظر طلعت الدكتور من غرفة العمليات
يـمي امي الي تبچي و تنوح على طيـبة

و گدامي سلطان الساكـت على غير العادة
كل ما ادحگ علية يخزرني و ينزل عينو بس ما درت بـال
فاتوا مجموعة شباب لابسين صداري الممرضين
يمكن هذوله گاعد يطبقون
بس راحوا هو تقدم عليه..رفعـت رأسي عليه و گال بصوت ناسي

- حدري رجلينچ..الرايح و الجاي يدحگ على گعـدتچ

عگدت حاجبي و گلت

- ما مسويه شي غلط

تنهد و گال

- رجليچ طـالعه

من حچه هيچ دحگت على رجلية و گبل نزلتهن
لأن صـدگ طالعات هن و نعالاتي التك وتك
صديت عنو و هو رجع لمكانو
دحگت لأمي الي گالت ببكاء

- يمه سلطان دگ على عماد

دحگت عليه مسح على لحيتو و گال

- والله اعذريني بس التلفون ما شلتو
طلعت ركض

- هسا اذا جا و ما لگانا ان شاء الله خالـتي تگولو

حچيتها
و انفتح باب غرفة العمليات و طلع منو الدكتور
و وراه ممرضين يدفعون بالسدية الي متمدده عليها طيبة
كلنا حفزنا و رحنـا باتجاهم
و سألنا على حالها
تنهد الدكتور و گال

- الحمدلله المريضة حالتها استقرت
جيبتكم الها بالوكت المناسب خلانا نسيطر على الوضع

كلنا تحمدنا بالسلامة..و هو دحگ علينا ثواني و گال
بتشكيك

- المريضة محاوله تنتحر

امي جتي تحچي و هي تگول " لا "
بس اني سبقتها و گلـت

- اي نـعم محاولة انتحـار

- الله يشافيها
ديروا بالكم عليها..مبين على اثار وجهها و ايديها لاقية تعنيف

- متعنفة من قبل طليقها

حچيتها و ابتسمت و گلت

- و هو هسا مذبوب بالسجن

حسيتو ما صدگ كلامي خصوصاً من شاف نظرات امي وسلطان

وراها اخذوها للغرفة و هي توي گامت تصحى
تفتح عين و تغمض الأخرى..گعدت يمها و كمشت ايدها و گلت

- طيوبة تسمعيني

- ما متت ؟

حچتها بنبرة خافتة و مبحوحه
ضحكت بقهر وگلت

- بسبع ارواح ما تموتين..

امي وخرتني و گعدت بمكاني
و گامت تبچي وتحچي..
ظليت واگفة ادحگلها و سلطان يم الباب واگف تحمدلها بالسلامة و سكت..