يا تعبي العشگته

البارت38

#يا تعبي العشگته

البارت الاخير

وخَلي نمشي بالطَريق سِوه حتى  لو ماله نَهاية المهم نبقى أيد بـِ أيد

.

ربر..

من حـچه عمـاد، سكتت و ما رديت
حسيت نفسـي للحظة وحـده انـانية، اعرف خوفهم
و قلقـهم عليه، حيـرتهم بالعيون من بس يريـدون راحتي بأي طريقة

وافقت على روحتهم وامـي گـامت غيرتي ملابسي
و اني ساكـته، حچت وياي و طمـن بيه
راح يكـون كلشي بخير بس خـلي املچ بالله چبير
و هو ما ينـساچ حاشاه
الي يـرعى نمـلة بجـوف الارض، شـلون ما يرعـاچ

طـلعنا متوجهين لـبغداد، طول الطـريق چنت ساكته
اسـمعلهم و اجاوب على گد السـؤال، يم الشبـاك گـاعده
و انـي سانده راسي على الجـام
امي غفـت، لأن تتعب بسرعة من الطـريق الطويل
سلطان كل شوية ينـدار عليه، يطـمن عليه بمجرد نظرة
و انـي ابتـسم بهدوء

وصـلنا لبغداد و تغـدينا بمطعم
و طلعنا للـدكتور، ما انكـر صارت رجـفة بگلبي و خفت بس سلطان وگـف يمي و هو يطمـني

انتظرنا چثير يلا اجـا سـرانا
دخلنا للمكان الي يسوون بـي الجـلسات الفيزيائية و علاج الطبيعي
كلـشي چـان متفق عليه
لان الدكتور الي سـوالي العملية متفق وياهم
دخلـوني و طلبوا من الـكل انو يطلع
چـانت بنية و ولد اثـنين
بدا العلاج الطبيـعي و اني ساكـته ما حچيت

من طلعوني حسيت وجع بظـهري
گـالت البنية هالشي عادي لان تحركتي..

رجعنـا من بغداد و هـما يحچون عن الموضوع
و هـيچ مر شهـرين اني على العلاج الفيزيائي، تقريباً سويت ثـمن جلسات

ما صـار فرق چبير بس احسـن من قبل، دخلنا بالـشهر الثالث من سنة 2020، الي واضـح من بدايتها الله يستـر
چـنت بالغرفة گـاعده و يمـي طيبة مطلعه رجليه لحد ركبي و هي تسـوي مساج مـثل ما طـلب منا صاحب الجلـسات
تأففت و گـلت بضوجة

- طـيبة عوفي ما يفـيد

- ها ربى رجعـنا؟

حچـتها و اني جاوبتها

- اي نرجـع لأن ما اشوف شي يفـيد

- ليش ما يفيد انتي ما تحـسين بتحسن

سكـتت و وخرت ايدها عن رجلي و غطيتهن
و گـلت باستياء من الوضع

- صار 3 اشـهر و كلشي ما فرق، غير نسبة حيل قليلة
والله انـي ما مقتنعه بجلسـاتهم

دحـگتلي و گامت گعدت بصفي مسحت على شعري و گالت بهدوء

- حتلو المهم صار اكـو فرق

- طيبة ما مقتنعة بيهم..و ما طـول ما مقتنعة فـ تأكدي كلشي ما راح يتحسن

زمـت شفايفها بعـدم رضا
اندگ البـاب و فات سلطان
سلم علـى طيبة، و گـعد على مقربة مني
ظـليت ادحگلو و عيني تعلقت بـي و هو يسولف وي طيـبة علمود المسـاج