يا تعبي العشگته

البارت١٣

١٣_______

" تعبتُ من كل مره أعاتب بها قلبي

لماذا يهواك .. وأنتَ تجرحهُ

كيف تولع بكَ..

وأنت تقابله بجفاء

لا أبتسامة لا نظره حانيه..
ليؤسر..

دوماً أتفكر
في لغز حبي لك المُحير..

ربما في مشاعر الخلل
تركت الجميع
وأحبتكَ ..
ليت حبك ذنب
فأتوب ويُغفر..

قلبي جعلهُ فرض كالصلاة لايترك ولا يتأخر.. "

.

ربى..

انداريت عليه و رسـمت ابتسامة على ملامحي
عاگد حواجبو و يدحگ لـ ايوب الي ما اعرف شلون جا و اي جراءه عندو تا يگف گدامي و يحـچي..رغم انطيتو الرفض المطلق

تقـدم سلطان الحـاط ايدي بجيبو من جاوبو ايـوب

- ترا انـي من سكان هاي المنطقة ؟

- ما يـهمني..بس شعندك تحاچي خواتي

رفعت تك حاجب و گلت بگلبي
اشتعلو اهلك..منين صرت اختك..هو دحگلي بطرف عينو و رجع گال موجه كلامو لأيوب

- ها ؟

سكت ايوب و دحگلي و أني تجاهلتو
هذا شبي لـطش ؟

- أني.. أني چنت اريد احچي وي ربى كلمتين

- لا كـلمة و لا كلمتين
ابن عم ابن خال ؟ شوفني عرض اكتافك و ولي من هين

صاح بيها سلطان..و اني جفلت
دحگت لـ رونق الجتي اطب بخاصرتي و هي تتلزگ بيه و اتمتمت

- اليوم يذبحـنا سلطان

- اخوچ بعيد الاضحى ما يضحي تريدنو يذبحنا ؟

حچيتها و شفتو تقدم عليه
اندار علينا و گال

- روحن

رونق گامت تسحب بيه تريد تاخذني و أني صنمت
اخر شي رجع التفت و هو يخزر بيه و يگـول

- امشي من هين ؟

خزرتو همين و هزيت راسي..و أني اتوعد بي
مشيت و أني ادردم و كل شوية التفت عليهم
شفتو يحچي ويا..

وصلنا للفـرع بس ما رحـت لبيتنا
طبيت وي رونق لبيتهم..و ظلـيت بالحوش اروح و ارجع
اريد اعرف شحچه ويا ؟ و منها اريد شوية اهول الـوضع و اكذب كذبات بيض

تقريباً عشر دقايق و فات
من شافني أني و رونق گاعدات بالحوش حط ايدو على خاصرتو و گال

- چم مرة گتلچ لا تگفين وي احد ؟

- و لا مرة گلتلي

حچيتها و هو دحگلي و رفع حاجبو و گـال

- ترا گاعد احچي وي رونق ؟

- والله هو قطع علينا طريقنا !
ما لحگ يحچي و انت جيت

حچتها رونق و أني ضجت من حچايـتو
طنگرت و گمت على حيلي و أني اگـول