يا تعبي العشگته

البارت ٢٩

٢٩__________

.

رونق..

گـاعده بغرفتي و انـي اسمع النقاش بين امي و سلـطان..و الي واضح انو الاثنين بنفس الرايي و ماكو اعـتراض من احد

ذبيت حسرة و سنـدت راسي على تاج التخت
و تذكرت الصـار
من اجـا يوسف..و سألني سلـطان

بهـذيچ اللحظة تمـنيت اختفي مـا اكون موجوده گـدامو
عيونو بيهن نظرة تسأل
توترت و خفت..شلون احچي
اخاف اسولف و ترجع علاقتـو بـعماد متوتره

اشرلي يمـوو رحت گعدت
اطگطگ باصابيعي و هو كرر كلامو..رفعـت راسي الو و بمستحى گلت

- بس الله يخليك لا تعـصب

- ما اعصـب واللـه احچي

حچـه هيچ و عاف الكوب على الگاع
بلعّت ريگي و اني افكر منين ابـدي..بس اكيد ما اگـلو على سالفة الرسائـل غير تگب بينهم

- هـو..هو قبل فترة چنت يمهم
و گال اني اريـدچ

حچيتها بتوتر و سرعة..و ضيق سلطان عيـونو و اني دنگت

- اي؟
و يوسف شعـليه

بللت شفتي و اني اريد ابچـي..بهالحظة والله احتاجيـت ربى
چان اكيد هسا لگت منـفذ لو حل

- مو چان واگف ويانا..احنا وربى

انتبـهتلو كتف ايديه و هو يرجع يسأل بهدوء
مثل ما وعدني

- و انتي شنو گـلتي

- اني رفضـت

حچيتـها وضغطت على ايديه بقوة
و دمعة تعلقت بطـرف اهدابي

- رونق لا تظمـين عليـه..احچي كلشي

رفعـت راسي و گلت بغصة

- والله ما كذبت

- ما گـتلچ تكذبين..گتلچ لا تظمين عليه

حچـاها بلهجة حاده..بس سرعان ما زفر و هو يمسح على گـصتو و يكمل بهدوء

- احچي لا تخافين

- مو اذا احچي..تصيـر مشكلة بسببي

و بعقدة حاجب سأل

- مشكلة شنـو؟

- مشكلة بينـك و بين عماد..
يعني اخاف ترجعون تتكاونون

عضيـت على شفتي من داخل
الحـمدلله ما جفصت و گـلتلو دزلي رسالة

تنهد سلطان و مسـح على لحيتو و رجع يسأل

- و هـو ليش ما جا و حچه؟ ليش گالچ

رفعت اكتافي بعـدم معرفة
و هو هز راسو و تمتم

- خـوش عميد..اني الك

- لا عفية سلطان ترا والله العظيـم هو لا تعرضلي و لا من البالك بس حچه وياي و بحظور ربى