يا تعبي العشگته

البارت ٣٤

#البارت الرابع و الثلاثون

.

عماد..

فجـاة تحس الدنيا تظلم بعينـك
شايف من انـت بقمـة عالية..و فجاة تجـيك رياح قوية تخلي احلامك و افراحـك تتساقط وحده وحـده..و اولهن انـت..

هيچ حسيت بشعور يخنـگ..ما ادري شلون گدرت رجليه تحمـلني و اني اركض باتجاه المطـبخ بعد ما صاحت ربى..الف فكرة و فكرة براسي انـرسمت

طول عمري اتحلى بالقوة..ما خفت من احد بس ربـي..عشت و تربيـت انو لازم الخوف انـزعو من گلبي شلون انزع قميصي..بس الطـريق بين المطبخ و الصالة حسيـتو اميال بعيـده
هيچ الخوف و القلق يستعمـرنك و انت ترسم بالك تخيلات تنحرگ..

دخلت للمـطبخ..و لگيتها بالگاع متمدده
اسمـع ريهام و امها تصـيح و اني كل فكر ما ظـل عندي
شلتها و حسيت بـرطوبة جواها..گلبي خفق و حسيت برعشة ايديه و اني اشـوفها تـنزف
اريد اتمالك نفسي ما گـدرت..احس نفسي ضاگ

اختل توزاني و انـي اريد اسند نفسي تا الحگ بيها للسـيارة بس ما گـدرت
ما اعرف شلون تقدم سلطان و اخـذها من ايـدي و هو يصيح افتحـو البابريهام طلعت تركض و فتحت الباب و يوسف وراها طاروا على السيـارة
اسمع خالتي تصيح و تبـچي
اني سندت نفسي على الكـاونتر و اختنگت و ايدي بيها دم
رفعت راسي فجاة على صوت ربى و هي تحظن وجهي و تگول

- عـماد اصحـى شبيك الله يخليك رد

جيت احـچي بس ما گدرت
خالتي تريد تلحگها بس ما گدرت تبچي و تصيح..

- عماد

صاحت بيه ربى و هي تخضني..و عبالك صحيت من غيـبوبة
مسحت ايدي بقمـيصي و طلعت ركـض للباب بش توقفت من صاحت ربى
و هي ادنگ و تنطيني حذاء
لبستو و طلعت للشارع و توي سلطان مشغل السـيارة
ريهام تتدوهنت و رجعت لبست عبايتها
و خلت راسها بحظنها و هي تعدل بحـجابها

و اني گـاعد ليگدام بس ملتفت عليها و كامش ايديها
سلطان يمـشي 180 و اني احس دگـات گلبي اسرع من هيچ..

وصلنا للمستشفى و حدرت گبل اخذتها بـحظـني و هي بعدها تنزف
ايديه رخـت من تلگونا الممرضين و خلوها على السـدية
گوه مشيت و اني تعبان من الموقف كلـو

طببوها لغرفة العمليات.و سلطان ادحگـلو يحچي وي امو و هو يهدي بيـها..ريهام حاطه عبايتـها على شفتها و هي تبچي بخنـگه

دقيقة..اثنين و مرت ربع سـاعة ثگيله علينا
و وراها ساعة..گـمت اروح و ارجع بمـكاني ادگ على باب الغرفة و اصيح بس مـحد ينطينا خبر

فجاة انفتح الباب و طـلعت منو الدكتورة
كلنا رحنا عليها و هي نزعت الكمـامة و گالت بهدوء

- اول شي الحمدلله على سـلامة المريـضة

- زين دكتورة شلونها نگدر نشوفها