#البارت الخامس عشر
طيبة..
اصعـب شي بالحياة من تتعلق بشخص
من تبـني كل امالك و احلامك وياه.. شخص يتغاضى عن تصرفـاتك او حتى اغلاطـك..لحظتها ما راح تفـكر اصلاً انو يجي يوم و راح تتندم انو بنيت لهلـشخص مكانه بگلبك..و مكانه محد يگـدر يصللها..هيچ چـنت اشوف ضرغام..انو هو الوحيد الي حبيتو صدگ و الي ما افـكر بيوم اترك ايدو الي احـتظنت ايدي
بوقتـها اجا من السفر..استقبلتو و انـي الفرحـه ما شايلتني
أربعة ايام حسيتها اشهر..حظني گدام اهلو و باس رأسي. أني ابتسم بخجل..تغدينا و طول اليوم چان يحچيـلي عن سفرتو و شنو سوو و ما سوو..جوي بيت عمي علاء علينا
و اكـيد ملاك وياهم..الما سكتت و بس تتمضحكو آخر شي گعدت يم ضرغام و هي تحچي وياه..و هو يجاوبها...محد چان منتبه الها و لحـركاتها لأن عبالهم ما تكن الا مشاعر الاخوه و انو هي اصغـر منو يعتبرهـا اخت لا اكثر
ما صدگـت على الله انو يروحون.. صعدنا فوگ و اني گلت طيبة لا تسـوين مشكلة
انتي مشـتاگه الو و عوفي شيـطان بحالهاطلع هدومو من الكنتور و گـال و هو يدحگلي و يغمز
- ترا أني مو نعسان ؟ لا تتحججين
گمت اضحك..رغم خجلي منو
جا يفوت و أني وگفـتو و گـلت- ضرغام عادي اتـصل بـ ربى من تلفونك
- اي عمري عادي..تعرفين الباسورد
هو فات و أني اخـذت التلفون
اتصلت بيها اريـد اسألها على تراك مالتي إذا يمهم لأن يمكن نسيتـو و ما جبتوخابرتها على الماسنجر و ما حصلتـها النت حيل ضعيف..و هي ما عـدها خط
تنهدت و گلت هسا ارجع اخابرها
كل ما يـسافر ضرغام يشوفني الصور الماخذهن هناك..گلت خلي اشوف صور هالسـفره الراح بيها لاذربيجانبس گلت لا من يطلع عود نشوفهن.. جيت اعوف الموبايل بس وصلتو رسايل ماسنجـر..
چانت بـ اسم احمد و هو يگول
( دزيتهن هسا يوصلن..بس دير بالك تشوفهن المره )وراها ضحكه طويله..
حسيت صاير شي..شنو لا تشوفهن المره..ماكو ثواني و گامت توصل رسايل
ما فكرت مرتين..گبل دخلت للمـحادثه چانن صور تقريباً خمسه لو اكثر ما عرفت بالضبط شگد
لأن دخلت عليهن بگلـب و ايد ترجفاول صوره بس شفتها توسعت عيوني بصدمه و اني اطالعها و حسيت گـبل بخنگه
چان ضرغام بـمكان عبالك بار او هيچ شي
الأضواء كلها احمر بس واضح و هو و الي گاعد وياهم بسبب الفـلاش مال الصورة..هو و اثنين زلم وياه..هذا شي عادي
و گدامهن كاسات و بطاله گبل عرفـت هذني شنو من خلال الصحون الگدامهم
هذنـي كلهن كوم ..بس البنات الويـاهم كوم ثاني
وحده شعرها اشقر و لابسه فسـتان احمر لفخـذها و دلعه چبيره
گاعده على رجل ضرغام المـطوق خصرها بيدو و ضحـكه على وجهو..و بنات اثنين هماتين گاعدات وحده ما انتبهت الها حيل گاعده بصفو بس مرتچيه على ايد رفيچو..و الثالثه منحنيه و حاظنه رگبة صديقو الثالث من ورا
YOU ARE READING
يا تعبي العشگته
General Fictionكلشي بهالدنيا نصيب. بس يمكن انت مو نصيبي . . وكلشي بهالدنيا متعب. بس اويلي يا تعبي العشگته انتي... قصه واقعيه