جار الضبع

إعلان

مشهد مستقبلي

بديت ارجف بدأ إحساس البرد ينخر بعظامي سندت نفسي حتى اگوم ما گدرت عظامي إحسها وحده تضرب بوحده الساني يابس گلبي دگاته زادت أسناني يطگن من الرجفه حاولت اتمالك نفسي ما أگدرت كل شي بيه بدأ ينتفض حاولت اوگف مره ثانية سندت نفسي على الحايط وتمشيت باوعت على الساعه بالاربعة الفجر
مشيت كم خطوة اريد اوصل للباب وكعت على وجهي كملت باقي طريقي زحف بقيت ادك بلباب واعيط

__ افتحوووو الباب ساعدووووني ساعدوووني
منووو هناااا يجي يساعدني رااح امووووت

ماكو رد انهاريت مااگدر اتمالك نفسي بعد

بقيت أضرب برجليه وأديه وراسي أضرب بكل قوتي على الباب وأني أستنجد بيهم يجون ينطوني حقنتي إلي بدونها اني لا شي انفتح الباب ودخل حر بعيونه النوم

حر _ اجتج الحاله ما تصبرين منا لمن نگعد رجفتي بعد

__ ساعدني ابووس أيدك

جنت أحجي وأبجي

_ أنتظري أجيب واجي

__ ماا تحمل أكثر جيبهااا بسسرعـة

دخل علينه واحد جديد اول مره اشوفه ما اگدر اركز بوجه ولا اگدر انتبه على تفاصيلة حجه ويا حر

_ منهو هاي

حر _ هاي بت سلمان الاعرج

_ وشتسوي هين

_ أستاذ بدان جابها لحد ما سلمان يرجع
الامانة العنده

__ هجمت على حر

عوووف الحجي عوووف الحجي أنطيني الأبره حمووووت بقيت اضرب بيه فقدت ملخته بظافري
لزمني هذا الولد وگال

_ يا أبره تحجي عليها

حر _ أستاذ بدان حقنها من العدنا وصارت مدمنه عليهن كل يوم هيج وقت لازم تاخذ واذا ما تاخذ تتخبل

__تحجي جد يولو تنعل ابوك يا ابو بدان شذنبها تخبلونها يا حمير

__ انعل ابوكم كلكم ساعدوني جيب الأبره حمووووووت حمووووووت

عضيته بأيده بسرعه تركني وگال

_ لا يا جحشه

حر __ اروح اجيب هسه لو لا

__ اي روح رووح يااا أمي ياأأأمي اريدهاا جيبهااا أضربني خلصني

__ روح وحسابكم بعدين

راح حر يجيب الابره واني گعدت بالگاع اضرب براسي جنت بحاله يرثى الها هالات عيوني واصله الخدي وجهي أصفر حلكي أبيض أجه گعد نص گعده يمي لزمني حتى لا أضرب راسي بالكاع خرمشته بوجه بعد وجه مني بسرعه

__ ثول حتى ثول

__ ثول الثولك كوووم جيب الأبره لا أموتك

دخل حر ساحبها ومكملها گمت عليه مديت أيدي أرجف ضربني بالوريد ماكو أقل الدقيقه رخيت
وهدأت نفسي تنتظم حسيت براحه بكل انحاء جسمي بقيت أبتسم فرحانه تمددت بالگاع وخليت أيدي على عيوني وأني سعادة الدنيا كلها بكلبي

__ صار شكد من جبتوها

حر _ عشر ايام

__ يخساا شاربك وشاربو گدرتكم ع حرمه يول

حر _ أبوها گال عوفوها يمكم رهن لحد ما ارجع الأمانة

__ لا ياعار يبقى سلمان الاعرج شتتوقع منو هم واحد منكم اعتداء عليها

حر _ لا محد متقرب منها هي مخبله اصلاً منو يگدر عليها

__ اطلع من هين بلعجل واقفل الباب وراك ممنوع احد يدخل هيناا لحد ما أستاذك الحجش يرجعها الاهلها

يتبع ،،،

انتظرونا في احداث مشوقه ما بين
الماضي والحاضر بروايتنا القادمة

جار الضبع ياسة 🍃🌿