جار الضبع

بارت (7)

#جار_الضبع
بارت (7)بقلم يـاسـة

لنهرب إلى ظهر غيمة إلى عمق المحيط
إلى داخل وردة او حتى صفحة منسية
في كتابٍ قديم لنهرب إلى الخيال حيث
كل شي يسمعنا يسمع ما في داخلنا وما أصابنا
عسى أن يخفف ألم ذاك الذي يقع في نصنا الأيسر

                    🌿🍃🌿🍃🌿🍃

أجوان -- بين ما هي تحجي نامت شلت راسها من حظني عدلت نومتها وغطيتها طفيت الضوء ورجعت أگمل دراستي على الحاسبة وهي غطت بنومتها ما حست بشي بقيت كل شويه اباوع الها اخر شي عفت الدراسة و رحت تمددت بصفها ميته قهر على حالها مو سهل المرت بيه ولا احد يگدر يتحمله أني رجعت ويا بابا وما تنازل عني ولحد الان من اذكر اموت من الرعب الله يساعدها هي شلون تحملت

بقيت اباوع عليها واذكر شلون من رجعنا للبيت بس اني وبابا وشلون امي تخبلت من سمعت اخذو جُمان لطمت وملخت نفسها وبجت الليل گامت ما تنامه گاعده باب الشارع منتظره بابا يرجع جُمان وبابا من اول يوم الي اخذوها هو طلع من البيت وعد امي ما يرجع إذا ما يجيبها ويا
اليوم من اذكرت الحادث المرينه بيه واذكرت الايام السودة العشناها بجيت بدون ما اطلع صوت ما اريد صوتي يطلع وتسمعني وتگعد الليل بطوله خلصته ابجي لحد وجه الصبح يله نمت

جًمان -- گعدت من النوم لگيت رجل أجوان فوگ وجهي واديها نازله من الجربايه بعدت رجليها مني واني مبتسمه شوكت تنام مثل البشر من جانت زغير لليوم تعارك بنومها وكل رجل تروح بصفحه
كمت من الجربايه وجريتها نومتها عدل وهي ميته ما تحس بشي غطيتها وطلعت بوجهي للحمام غسلت ورجعت للغرفه غيرت ملابسي لبست ملابس الدوام اليوم عجبني البس زي رسمي بنطرون وستره سود والقميص ابيض نزلت شعري بكل ترتيب ومثل كل مره مكياج خفيف بس الحمرة طوخ تعطرت ونزلت

لكيت أمي تحضر بلريوك صبحت عليها وگعدت على الميز انتضر الريوگ يكمل شويه واجه بكر وبعده أجوان الي اجت گعدت بدون تبديل وكوه مفتحه عيونها بعدهي نايمه على نفسها تريگت وطلعت أجرت تكسي للجامعة خلصت دوامي ماكو شي يذكر خلصتها بلمحاضرات وفترة الاستراحة انشغل بلتليفون مالتي لحد ما خلص دوامي طلعت من الجامعة متوجها للشركة

جُمان --مساء الخير

مشاري --يا هلا ست جُمان زين انج وصلتي جنت ناطرج

--سلامات خو ماكو شي

-- اليوم الساعه اربعه ياينه وفد من +++ وحنه للحين ما جهزنا العرض

--هسه اشتغل عليه لا يضل بالك صدگ اشو مشفت أحد بلسربشن من اجيت وين الجماعه

--  يجهزون بالتحضيرات الباقيه

بعدنا نحجي ودخل فيصل علينه

فيصل -- مساء الخير

ردينه اثنينا بمساء النور