جار الضبع

بارت (4)

#جار_الضبع
البارت(4) بقلم ياسـة

كان كل شي واضحاً لكننا لا نفهم بالإشارات
إننا نفهم بالصفعات ولذلك عند  ما  صفعونا المقربون فهمنا معنى المرار

🍃🌿🍃🌿🍃🌿🍃🌿🍃🌿🍃🌿🍃

شغلت سيارتي ومشيت على دوام أجوان أول ما وصلت لكيتها تنتظرني بالباب

أجوان --تأخرتي

جُمان -- مو مريت على الشركة

أجوان -- يا شركة

--باركيلي أنقبلت بالوضيفة

--صدوك

--اي

-- الف مبروووك لو أعرف اهلهل جان هلهلت

--ههههههه حيل فرحانة

--أني فرحانه أكثر منج يول

باوعت عليها معصبه

أجوان--العفو مو قصدي بلغلط طلعت مني

-- الف مره أگول الج لا تگولين هاي الكلمه گدامي

--بلغلط والله أسفه

--كافي تحاولين وياي كافي ما اكدر انسى ولا اگدر اتخطاهم كافي تعبين نفسج كافي

--أنتِ الي مو ناويه تنسين انتِ الي عاجبج هذا الوضع جُمان يزي عاد تركي الماضي لشوكت تبقين مجلبه بيه لج انتِ ما تصدگين تختلين بنفسج حتى تگعدين تذكرينا وتذكرين حياتج السابقة تعبتي وتأذيتي ونهاريتي وأدمنتي ونبعتي تمام حقج بكل شي تسوينه بس الى متى لشوكت تبقين هيييج أصحي عاد أصحي

--أصحه مووو اصححححه اي حقج  لازم انسى شلون أختارج وعافني بديهم لازم انسى شلون حضنج بــ أدية وسلمني بديهم لج مجاي يروح منظره شلون ترجيته يخلصني منهم وهو عافني ما جنه يسمعني أذكر الموقف بكل تفاصيله بكل لحضاته أذكر شلون بجيت واني اترجاه

--بابا لا تعوفني بابا أني بنتك لا بابا لا أخاف منهم أخاف

حر --وين ناخذها أستاذ

بدان --على المزرعه

حر -- نخبر أستاذ مُلهم بالموضوع

--لا ممنوع يعرف

--صار يلا شباب على المزرعة أستعجلوا

شدو عيوني وربطوا أدية وصعدوني بالسيارة
طول الطريق أني أعيط أحس بلاعيمي تجرحت  وين ماخذيني وشيردون من عندي وشنو مصيري الخوف دمرني طفلة بيد وحوش شنو مصيرها شنو ينتظرها ساعة كاملة تمشي السيارة بينا لحد ما وصلنه نزلوني يسحلون بيه ما أشوف شي عيوني مسدوده دخلوني بلغرفه و فتحو عيوني وأديه وراها قفلوا الباب عليه وراحو هنا أني عيطت بكل صوتي وگمت  أدفر بالباب برجليه وأديه أنهارت أعصابي من الخوف ومن البجي البجيته  بين ما أني على هذا الحال دخل عليه بدان  هجمت عليه اريد أضربه .. لو أديه وراه ظهري وحجه بحديه نبره صوته جانت تثبتلي خلص لو شما أسوي مراح يتركني