جار الضبع

البارت (9)

#جار_الضبع
البارت(9)بقلم يـاسـة

إن الشجرة لا تبكِ على غصنها الذي خلعته الريح
انها تعض على جرحها وتنتظر الربيع لتنبت غصاً اخر وتزهر

هكذا هي الحياة أن ما تخسره ليس بالظروري ان تسترده ولكن ستعثر على ما هو خير منه
فعض على جرحك وأنتظر ربيعك وانبت غصاً اخر
وازهر كما يليق بك

                      🍃🌿🍃🌿🍃🌿

جُمان - - فتحت عيوني بثقل انتبهت على نفسي نايمه بلگاع لا مخده ولا فراش ما اعرف إذا جنت نايمة لو جان مغمى عليه گمت من الگاع تعبانه واحس جسمي مكسر باوعت الساعة بالسبعه اخذت ملابسي و فتت للحمام سبحت ورتبت شعري وطلعت للجامعه خلصت محاضره وحده واخذت إذن وتوجهت  للشركة اليوم عدنا اجتماع
مهم وظروري احضر وصلت للشركة سلمت ودخلت للغرفه مالتي بقينا نشتغل اني ومشاري لحد ما بدأ الاجتماع

التمينه كل الموظفين بغرفه الأجتماعات وراها دخل ساري صبح علينه وگعد شويه و بدأ يحجي عن حفلة النتائج جان يگول

-- باجر موعد إعلان النتائج ولازم كلنه نتحضر ونروح للمهرجان إلي راح يكون بيه التصويت السنوي الخاص بالشركات وحتى على لبسنه كام يحجي اريدكم تلبسون احلى شي واريدكم تبيضون وجهي ومن هذا الكلام

ساعه كامله هو مجتمع بينا لحد ما خلص كلامه وكل واحد من يمنا رجع الشغله اول ما دخلنه الغرفنا رجع اجه فيصل گال اجه الأستاذ نواف  تعالو الغرفه الاجتماعات بسرعه  سألت منو هذا أستاذ نواف مشاري گال هذا أبو أستاذ ساري
رحنه مره ثانية  الغرفه الاجتماعات لگينا گاعد هو وساري سلمنه عليه  وكل واحد بينا اخذ مكانه

أبو بعده شباب مو جبير بلعمر وكلش مرتب نفس ترتيب ساري هو يعرف مشاري لان موظف قديم يمهم بس أني ميعرفني اول ما گعدت سأل عليه
جاوبه ساري موظفه جديدة رحب بيه ورجع يرحب باقي الموظفين ونفس الشي بقينا گاعدين وهو يحجي ويشرح وراها خلص إجتماعه وگام بغرفه المدير هو وساري واني والباقين  نفس الوضع كل واحد بينا على غرفته صارت بالوحده الظهر دخلو عاملين النظافه والمطبخ عدنا بالشركة اثنين موظفين مسؤلين عن نظافة الشركة واثنين موظفين بالمطبخ على الجاي والكهوة ومرات يسون أكلات خفيفه وسريعة للموظفين جابو بديهم علاليك قدمولنا كل واحد علاكه وگالو هذا غداكم وصل من  أستاذ نواف

فتحنا غدنا وتغدينا سوى اني ومشاري گملت و طلعت اريد  اغسل تلاكه وياي ساري بيده اوراق ويمشي سريع اول ما  شافني  وگف وبقى يباوعلي أني كملت طريقي للحمام غسلت ورجعت لكيته رايح خلص اليوم بين الترتيب والتحضير والشغل بيومها كلش تعبت من الصبح لليل على فد وكفه
طلعت كوه امشي من التعب وحتى سيارتي كمت ما اطلع بيها منعني الدكتور اسوق  اول ما عبرت الشارع اريد اخذ تكسي طبكت سيارة ساري ونزل الجامه