جار الضبع

بارت (1)

#جار_الضبع

#البارت (1) بقلم ياسـة

عن الذين أربكو النبض بداخلنا يوماً حتى ضننا
أننا لن نستفيق من خمرة
الشعور سبحان من جعلكم صفحة
مطوية في رف ِِ قديم
أينكم الان عاملتمونا كبحراً أرهقتهُ
العواصف وممرات السفن أتدري
ما معنى إن يتعب البحر ؟
عاملتمونا كنجماً في ظهيرة تموز
أتدري ما معنى النجم في ظهيرة تموز ؟
عاملتمونا بأبشع ما لديكم بدافع
الحب أينكم وأين الحب الان
أنتم ومعاملتكم وحبكم أصبحتكم
رواية مره تذكر على مسامع الجميع

أنا جُمان أبنةُ التاسع والعشرون عاماً أروي لكم مابين الماضي والحاضر الماضي عند ما كنتُ في عمر الخامسة عشر الماضي الذي يراودني كل ما أتاحت الهُ الفرصة يطرق باب قلبي كل ما تقربتُ الى أحلامي والحاضر الذي لا ينوي آن يستقيم
او بلاحرى أستقام وأنا الذي أستدرت عنه

من بين تلك الرفوف القديمة لدينا ذكريات سوف
نطرقها على مسامعكم من ينوي ان يصبر معنا و يتقبلنا بجميع ظروفنا وياخذ من أخطانا درساً
فــ اهلآ به ومن يرى نفسه لا يستطيع تقبلنا ويرانا نروي شيئاُ بعيداً عن واقعه فــ يرحل بعيد عنا ويترك لنا ذلك الاثر الطيب لان القلب ما عاد كما كان ولا عاد يحمل لومت لائم

🍃🌿🍃🌿🍃🌿🍃🌿🍃🌿🍃🌿

أجوان -- ماما تعالي الجُمان أكلت الچبس مالتي

صافية -- لج جُمان شبيج ماما ويا أختج

جُمان --ممسويه شي هو جبس أگلته شنو صار بعدين أني أختها الكبيرة وبكيفي

أجوان -- دبس وراشي

جُمان --اذا أني دبس وراشي فأنتِ عبسي

أجوان -- ماماااااا شووف شتكول الي

صافية -- لج جُمان كافي شبيج ويا أختج

--متسمعيها دا تگول دبس وراشي

-- لكم ماما والله تعبانه أخوكم الليل بطوله مدا ينام وأنتوا وأبوكم بالنهار شطلع أني حرام عليكم

--يلا سكتت مراح أحجي بعد وحنطيها من مصرفي هاي الخاطرج

--عفيه بحبيبة أمها

رحتت للكنتور مالتي طلعت فلوس من مصرفي الجنت أجمعه بابا يوميه ينطينا أني وأجوان كل وحده الف أني أشتري بخمسمية واضم الخمسمية الثانية بجيب البجامه مالتي جاي أجمع حتى أشتري موبايل مثل صديقاتي

أخذت ربع من الفلوس ورجعت الأجوان أختي الزغيرةأنطيته الها بمكان الجبس الي أكلته
راحت أجوان تشتري من الأسواق وماما گعدت ترضع بكر أخوية الزغير .. لزمت تليفون أمي وگعدت أسمع أغاني المنتخب جنت أموت على هوار الملا محمد تارسه كنتوري صورة هو وباقي الاعبين شويه وسمعت الباب يندگ غلست ما أريد أگوم أفتح