جار الضبع

البارت (11)

#جار_الضبع
بارت (11)بقلم يـاسـة

قد تشعر أن هناك شخص ما على هذه الارض
هو شبيه روحك ملامحك وقلبك تشعر بمدى قربه اليك رغم بعده عنك انه يقع في ذاكرتك اكثر من ما تقع عينك على الساعه

يالمبتعد عني ابتعد مني شثگلهن ذكرياتك تعبني
كل شي يشبهك يبجيني مرات بحيث هدومي بعدك يوجعني

🍃🌿🍃🌿🍃🌿🍃🌿

صوت جرس المنبة براسي فتحت عيوني ومديت ايدي انطيته غفوه ورجعت نمت خمس دقايق ورجع رن مره ثانية رجعت انطيته غفوه من جديد ونفس الوضع خمس دقايق ورجع رن انجبرت اگوم ماكو مفر عندي دوام عجبني ما عجبني لازم أگعد

شمرت الغطا بتذمر وبضيقه خلگ وگمت اسحل بنفسي بعدني انعس مشبعانه نوم دخلت بوجهي للحمام سبحت وطلعت بدلت ملابسي ورتبت شعري ومثل العادة حمرتي الطوخ إللي ما استغني عنها نزلت لگيت أمي تحظر بالريوك بس صبحت عليها وطلعت ما اگلت شيراول ما مشيت بالسيارة مالتي اعترض طريقي ساري واگف براس الفرع منتظرني وگفت ما اگدر افوت صاير مقابيل السيارة دگيتله هورني اريده يبتعد ما تحرك من مكانه ولا عبالك يسمع فتحت الباب ونزلت عليه روحي طافرة مني

جُمان-- شنو معنى هل التصرفات ابتعد من الطريق دا اعبر

ساري--أبي اتكلم معاج

جُمان--ما عندي حجي وياك ومن رخصتك ابتعد من طريقي ولا تطلع بوجهي مره ثانية

ساري --انه اسف جُمان مو قصدي اجرحج بالكلام
ولا قصدي أأذيج بشي

عفته وانداريت اريد ارجع للسيارة هو لزم ايدي يحاول يوگفني باوعتلة متفاجأة بسرعه بعد ايده مني

ساري--اسف بالغلط

جُمان--شرايد بدون زحمه احجي من الاخير

--ابيج أنتِ

--عفواً

--قصدي ابيج تردين للشركة

--شكراً وجزاك الله خير الجزاء ممحتاجة شركتك وفيت وكفيت ما قصرت

-- ما فكرت بلحظه ممكن تكونين حقودة جذي

أبتسمت ورديت عليه

جُمان-- منا وجاي فكر واعرفني كلش زين

ساري--مو كتلج اسف واعتذرت منج والحين ارجع اعتذ مره ثانية بس لا تخلين الشغل

--اگلك شعاجبك بشغلي شو باقيه اجيبها منا واحطهارمنا گوة مدبرتها

ابتسم من سمعني هيج حجيت بعدها رد

ساري --كلشي منج حلو

صفنت بوجه لا هاي هي كملت السبحه هسه
من شافني اباوعله ضحك و بين لون اسنانه ورجع گمل كلامه

ساري -- ناطرج تنورينا اليوم لا تتأخرين ولحين
انه رايح مع السلامة

عافني واگفه وراح بقيت اباوعله طابگ سيارته على جهه صعد بيها وشغل ومشى رجعت اني للسيارة وكملت طريقي للجامعة بيومها لا ركزت بمحاضره ولا بشرح بالي كله يم ساري والشركة حايرة ارجع لو ما ارجع اخاف ارجع ويبقى يتماده اكثر واخاف اعوف الوظيفة وبعد ما الگه مثلها الحلو بالموضوع شغلي سهل والموظفين يحبوني وحتى الراتب مالتي كلش زين يعني ما الگه هيج راتب بغير مكان اخر شي قررت ارجع گلت ما دام اعتذر وحس بغلطه اداوم كم يوم واشوف اسلوبه إذا نفسه ابطل وإذا لا جر عدل وما ادخل بيه اكمل وياهم