جار الضبع

البارت (12)

#جار_الضبع
البارت (12)بقلم ياسـة

ما بيني وما بين الحبيب مسافة
لكنه هو كـــ الروح بل اقرب

صحيح البيني والبينك مسافات
لچن گربك گرب روحي عليه

        🌿🍃🌿🍃🌿🍃🌿🍃🌿🍃

مُلهم -- ياهو الموتها شنهي السالفه

ام بتول--ولك خاله الحگها راح تموت بيده گاض الصونده ويدگ عليها

گومها من الگاع وطلع هو وياها أني بقيت على وگفتي ما مفتهمه الموضوع بعدني واگفه بمكاني رجع دخل عليه سريع

مُلهم--تبقين هين ممنوع تفتحين الباب البشر

جُمان--شكو منو حيموت منو

--هسع فوتي جوه وبعدين افهمج

دخلني من باب المطبخ وسدت الباب وراه
بقيت اباوع من الشباك طلع يمشي بخطوات سريعه كنما يركض وسد باب الشارع حيل

منو هاي إلي حتموت ياربي دخيلك ساعدها حتى لو ما اعرفها المهم تخلص من هاي المصيبه
رجعت الغرفتي وقفلت الباب عليهرحتى المواعين ما غسلتها خفت ابقى جوه بقيت فاتحه شباك الغرفه واگفه اباوع من يمه ما اشوف الشارع بس اشوف حديقة البيت ساعه وانفتح الباب ودخل  شايل كركم وياه ام بتول وبعد أبنيه تطلع بدايه العشيرات بس حيل ضعيفه يعني اني من فوگ وشفت بنيت جسمها عبالك هيكل عظمي لابس ملابس

هو اول ما فات رفع راسه على غرفتي ابتسم ورجع ورفعلي كركم ام بتول والابنيه دخلن جوه
اشرتله بايدي بمعنى شكو رجع اشرالي على كركم وهو يضحك بمعنى جبته رجعت أشرتله ع ركبتي يعني اذبحه ضحك بصوت عالي ورجع ياشرلي انزل نزلت لكيتهم بالصاله الابنيه وام بتول گاعدات على القنفه وهو جان هسه داخل بس كركم ماكو يمكن بقى بالحديقة

جُمان--مرحبا

ام بتول ردت هلا يمه هلا بيج والابنيه رفعت راسها باوعتلي ورجعت دنگت فزيت من شفت منظرها وجهه مشوهه عبارة عن اثار وكدمات
جوه عينها صاير بنفسجي يم حلكها مثل الزراگ
على حمار گصتها بيها ضماد بقيت واگفه بمكاني وصافنه على منظرهارما اگدر اسأل منو هاي وشبيها خفت من الحاله الواصله الها تقدم عليه مُلهم وگال

مُلهم --هاي بتول

جُمان --عزاا خاله هذه بنتج

هزت راسها بدون ما ترد شي

جُمان--شنو هذا حالها ليش هيج صاير بيها منو ضاربها هذا الضرب

ام بتول -- الفضلته عليه وعلى روحها الباعت شرفها اله وانهزمت وياه تالي شوفي شسوه بيها ولكم شوفوو حالها وبعد وبعد واني مواعدها كلت الها موتج على ايده

مُلهم --خاله مو وقت ملامه هسع گوميها ترتاح

حجت الابنيه جانت كوه تطلع الكلمه منها منتهيه مكسرها تكسر