جار الضبع

البارت (8)

#جار_الضبع
البارت(8)بقلم يـاسـة

تمر عليك لحظات تعتقد انك شفيت من كثر
ما تناسيت ولكن ما إن تخلو بنفسك تتفقد جرحك حتى تجده ما زال رطباً ونازفاً أوجع الجروح
يا صاحبي هي التي تكون في الروح

🌿🍃🌿🍃🌿🍃

جُمان - - حجه هذا الكلام وطلع من عندي
شويه وسمعت الاصوات تعالت بينه وبين بدان
ما أگدر اميز كلامهم شنو جان بس إلي فهمته بدان معترض على رجعتي ومُلهم معترض على جيتي شويه شويه اختفت اصواتهم ما سمعت بعد اي شي مرت ساعتين ونص ورجع حر دخل

حر --يلا امشي

جُمان --وين

حر --ابوج بره راح ترحين وياه

طلع حر گدامي واني تبعته وهاي اول مره اطلع باب الغرفه من بعد ما مرت عشر ايام على جيتي بهذا المكان جان المكان عباره عن ممر طويل كلش وعلى طول الممر غرف بقينا نمشي بلممر لحد ما وصلنه للباب الرئيسي فتحه حر ودخلنه بيه جان مثل الصاله الجبيرة وبيها درج دائري صعدنا الدرج ونفس الشي صاله جبيره بيها ميوزه وكل ميز عليه اشكال من كاسات الشرب مشينا مسافه وراها دخلنه للممر الثاني هذا الممر يصير فوك الجوه بس ازغر بهواي فتح الباب إلي بنهاية الممر صار الضواء بعيوني غمضت عيني صار ايام ما شايفه الشمس

وراها فتحت اباوع گراج جبير على اليمين بيه اكثر من سياره طابگه وعلى اليسار حديقة كلش جبيرة حر يمشي واني امشي وراى وعيوني تتوزع بكل بمكان لحد ما خلصنه الحديقه فتح باب الشارع الرئيسي وطلعني جان بابا واگف بلباب ويمه مُلهم ابوي جان منزل راسه ويستمع بكل انصات المُلهم انداريت اباوع بالجهه الثانية مجموعه شباب واگفين

ركضت على بابا حضنته وبقيت ابجي بصوت عالي
خايفه وضايعة مستحيل جنت اصدگ راح اخلص من هذا المكان ومن بدان هو حضني ويمسح على راسي تقرب علينه مُلهم وجهه الكلام البابا

مُلهم --هاي بنتك اخذها راح يوصلونك الولد اسمع هاي الكلمه وخليها ترجيه بأذنك اياك ثم اياك الگفك متقرب من بدان تاخذ عائلتك وتطلع من الانبار ما تبقى هين سمعتني يول

سلمان --صار تامر امر أستاذ ممنون منك ما انسى فضلك عليه طول العمر

رجع باوعي عليه وگال

مُلهم-- وانتِ مثل ما گتلج مفهوم

هزيت راسي بدون ما ارد شي لزمني بابا من ايدي وصعدني بلسيارة اني وبابا گاعدين ورى واثنين ولد من جماعتهم جانو ويانا واحد يسوق واحد بلصدر شغل الولد ومشى تجيت راسي ع كتف بابا واني دموعي ما بطلت

سلمان--كون سولج شي

ما اجاوبت بس ابجي بقى يمسح بوجهي ويسكت بيه اخر شي قبل لا نوصل للبيت گالي

سلمان --بنتي الحلوة الحبابه اريد اطلب منج طلب

جُمان -- تفضل