جار الضبع

بارت (3)

#جار_الضبع
البارت (3)بقــلــم يــاســة

لقد كنت حذراً من الجميع ما عداك لانك آماني
كنت الظهر الذي لا يميل ولا ينحني بـ النسبة لي
وعند قربك لا يؤذيني أحد ولا يؤلمني السقوط
ولا حتى بعد المسافة او وحدة الارتطام
اما الذي آلمني أنــي كنت أثق باليد التي دفعتني
نحو الهاوية وهذه اليد هي يدك أنتَ لا غيرك

🍃🌿🍃🌿🍃🌿🍃🌿🍃🌿🍃🌿

مر أسبوع ع روحتي للشركة ومثل كل مرة ما حصلت الوضيفه ولو هاي المرة أني حتى رقم ما أنطيتهم مأيسة من الموضوع اصلاً واليوم هو يوم الاحد بدايـة الأسبوع گعدت الصبح سبحت وبدلت
وضميت علاجي بلجنطة حتى من يصير وقته أشربه لان ظروري هذا العلاج بالنسبة الصحتي مو بس الصحتي حتى مستقبلي مرتبط بهذا العلاج
راح تعرفون بالايام الجاية شنو هذا وليش مصيري مرتبط بيه نزلت اريد أطلع للجامعة لكيت أمي وأجوان وبكر گاعدين يتريگون

جُمان --صباح الخير

ردو كلهم بصباح النور

صافية --تعالي تريگي

جُمان --بالعافية ما أشتهي

-- ميصير ترحين بدون أكل لا تنسين عندج علاج

--هناك أتريك يلا باي

أجوان --أنتظري وصليني وياج

--ليش ميجيج الخط اليوم

-- لا ميجي

--أستعجلي لعد

-- ما عندي شي يلا أمشينا

طلعنا أني وأجوان من البيت اول شي
وصلتها الدوامها وطلبت مني أرجع عليها نهاية الدوام بعدها كملت طريقي الجامعتي فتت للجامعة حضرت محاضره وحده وراها رحت للكافتريا أريد أتريك اول ما گعدت بالكافتريا
دگ تليفوني رقم غريب

جُمان --الو

فيصل -- الو صباح الخير

--صباح النور منو

--آنه فيصل

-- يا فيصل

-- سكرتير شركة أستاذ ساري

-- ها اهلاً وسهلاً

--اذا لساتج تبين الوظيفه تعالي للشركة اليوم
على الساعة 11

-- اكيد اريد الوظيفه بس أنتَ من منو جبت رقمي
أني ما أنطيته الكم

--أخذته من الست الوالدة

--من أمي ؟

--اي نعم

--وين تعرف أمي أنتَ

--تذكرين لما شفتج جنب الصيدلية وكتلج ياي عشان رفيجي

--اي

-- رفيجي جيرانكم ومن أستاذ ساري وافق عليج ما لكيت رقمج عندنا رحت عطيت أسمج لرفيجي وهو وصلني عند أمج