جار الضبع

تكمل البارت الأخير

جار الضبع

تكمله  الجزء البارت الأخير
بقلم يــاسـة

...................

جُمان -- الضوء الخفيف يدخل من شباك الغرفه دفو المكان وحنينه حظنه يمنعوني أگوم باوعت بوجهة نايم براحة عكس كُل مرة وجهة عابس
أبتسمت ومديت أصبعي أتحسست خدة فتح عيونة باس أصبعي ورجع باس عيوني أثنينهم

مُلهم -- صباحچ عسل عروستي الكيكة

--صباح النور

--جوعانة مو

جُمان -- ميته جوع

--يخسى الجوع هسه أريگج أحلى ريوگ

--تمام لعد روح للحمام بين متگعد

گمت من مكاني رجع سحبني عليه

--وين يا حلو

--أسبح دا نتريگ

--لا

--شنو لا

--ريگيني وأيرگچ

--يله  لعد متگوم

--لا تمثلين دور البريئة وأنتِ الشيطان ما يلحگج
دحگتج بعيوني شعملتي  يول بعد سوالف البراءة
ما تعبر عليه

--ههههههههههه

--دخيل رب الضحكة إللي تأخذ روحي

--وخر يمعود والله بس التعب من وراك رجال مكسر وجسمك كُله مضمد أگعد راحة

--أبد مو زعلتي ورحتي للكويت تردين حقج من الحكومة هاي گاعدت الج أنطيج حقج وحق الشعب

--ههههه عزا مُلهم يعني هسه أني زعلت على مود هل الشغله

--عجل عليمن

--لا يا لوتي فرها حتى تغطي على سوالفك القذرة

--لا تنكرين مو گعدتي تبجي ترديني....

سديت حلگه بيدي ما خليته يكمل

--والقرآن إذا تفشر أضربك بجرحك گوم يله

--ههههه ساعديني أروح للحمام خلصتي طاقتي يول يـ العرمة لا تهيدين ولا تكفين أگول ألها حبيبتي تعبت ترد لا ماكو تعب وياي حبيبي تحملني

--عزا لك فوگاها يشمر كلامه عليه هاي أني هيج أحچي لو أنتَ

--أنتِ حتى توسلتج وبچيت تردين عليه تحملني حبيبي ميته عليك ما أگدر أضبط أعصابي

-- عزااا العزانيي مُلههههم

--ههههههههه عيونو

--گوم أحسن ألك وهاي سوالفك لا تشمرها برأسي ماشي

--ههههه

گومته للحمام ورجعت خليت أله الكرسي گعد عليه ميگدر يوگف ردت أطلع بين ميكمل سبح ما تركني أطلع لزمني گعدني على رجله وفتح المي علينا ساعه وأجت نور جايبة الريوگ أول ما دخلت هلهلت متت من الخجل شگد عيب  هاي بس أحنا يومية معرسين گدام العالم