جار الضبع

البارت (10)

#جار_الضبع

#بارت(10)

#لياسة_Yassah_Yassah

لا تكن ضحية لعواطفك ولا تجعل لحظة الالم تدوم كثيراً فلا بد إن تمتلك القوة من أجل مواجهة كل ما هو سلبي سواء شخص موقف او شعور يختلف حجم الالم من شخص الى اخر

محد يحترگ كلبه عليه
ويمد أيده ويطفي النار بيه
اذا لبيتي ضدي شحال جاري
يلم فوگي حطب وتزيد ناري

🌿🍃🌿🍃🌿🍃🌿🍃

صوت خطواته على الدرج وهو يصيح

بدان --مُلهم شنهي هاي شيسون هين الدكاترة

اني سمعته واني طفرت من مكاني مثل السعفه
مُلهم باوعلي ورجع طلع سريع من الغرفه وسد الباب وراه گمت وگفت وراه الباب وخليت اذني عليه اتسمع عليهم بس شنو كل عضو بجسمي يهتز بصفحه ادمرت من الرعب

بدان -- شمالك مريض

مُلهم-- لا

بدان--عجل شعدهم هين الدكاترة

مُلهم-- هذا الدكتور صديقي والممرضه زوجتو عدهم شغل هين بالانبار ومرو يشوفوني

--هاا

--اي

-- شسويت على شغلة ابو ذياب

--حليتها لا يضل بالك

--يلا انه رايح عود من تحددون موعد التسليم انطيني خبر

--تمام

رجع نزل ومُلهم بقى ثواني واگف بره تأكد منه راح يلا رجع دخل عليه لكاني منتهيه من الخوف

جُمان--حياخذني مو

مُلهم--شنهو ياخذج بكيفو

--لعد شعنده كل شويه جاي خاف عرف اني هنا

--واذا عرف شريد يشوي مثلاً

--عفيه لا تعوفني وحدي الله عليك

--ما رايح المكان رجعي الفراشج ارتاحي

رجعت تمددت وغطيت نفسي احس برد مو طبيعي ما اعرف شنو السبب للعلم الغرفه دافيه باوعت عليه رجع گعد على الكرسي ويباوعلي من شافني اباوعله ابتسم

مُلهم--عليش تباعيلي

--معقولة انتَ اخو بدان

-- ههههه اي اخو

-- بس انتَ حباب مو مثله هو حقير وكلب

--لا اطولين السانج عليه ما اقبل

--ولا تقبل شسويلك يعني

--هههههههههه انتِ كلتي عمرج 15 مو

--اي

--الله يستر عليج

نرلت راسي مقهوره حسيت الستر فقدته بعد مستحيل يرجع گامت دموعي تنزل بدون صوت
هو شافني بجيت گام من مكانه واجه گعد يمي