အခန်း ၃၆ ။ အစိမ်းရောင်စားကျက်မြေ
"သေလမ်းလာရှာတဲ့ အဲဒီစပ်စပ်စုစု ရွှေအမြုတေကျင့်ကြံသူကြောင့်သာ မဟုတ်ရင် သွေးစတေးခံအစီအရင်က ခုချိန်ထိ နှောင့်နှေးနေမှာ မဟုတ်ဘူး" သွေးမြေခွေးက နှာမှုတ်ပြီး အမြီးတယမ်းယမ်းနဲ့ အစီအရင်ပေါ် စိုက်နေတဲ့ ဝိညာဉ်ဓားကို ဖယ်ထုတ်လိုက်တယ်။ သွေးစတေးခံအစီအရင်မှာ ဖြူနီအလင်းတန်းတွေက တောက်ပလာပြန်တယ်။
"ဒါပေမဲ့ ဒါလည်းအဆင်ပြေပါတယ်၊ ငါ့သားကို ပြန်ရှင်သန်ထမြောက်အောင်လုပ်ပြီးရင် မင်းတို့နှစ်ယောက်လုံးကို မျိုပြီးတာနဲ့ အနည်းဆုံးတော့ အမြုတေဖွဲ့စည်းခြင်းကို ချက်ချင်းပြီးမြောက်နိုင်ပြီ ဟားဟားဟား!"
"ရပ်" သွေးစီးကြောင်းက သွေးစတေးခံအစီအရင်ကနေ စိမ့်ထွက်လာပြီး အများစုက ခပ်မြန်မြန်ပဲ မြို့လေးဆီ ဦးတည် ပျံ့သွားခဲ့တယ်။ ကူယွဲ့ သွေးပျက်သွားတယ်။
"သွေးမြေခွေး၊ မင်း မြို့ကို အစုလိုက်အပြုံလိုက် သတ်ဖြတ်ရဲရင် ငါ့မဟူရာကောင်းကင်ဂိုဏ်းက မင်းကို ဘယ်တော့မှ အလွတ်မပေးဘူး"
သွေးမြေခွေးရယ်သံက ကျယ်သထက်ကျယ်လာတယ်။
"မဟူရာကောင်းကင်ဂိုဏ်းလား၊ အဲတော့ ဘာဖြစ်တုံး၊ ဒီမှာမင်းတို့နှစ်ယောက်နဲ့ အရည်အချင်းမပြည့်မီတဲ့ ကြောင်ကတိုးတစ်ကောင်ပဲရှိတာ၊ ငါမင်းတို့အားလုံးကို သတ်လိုက်သရွေ့ အစီအရင်ကို ဖန်တီးသူက ငါဆိုတာ ဘယ်သိတော့မှာလဲ"
"ဟဲ့..." ရုတ်တရက် အသံတစ်သံထွက်လာတယ်။ အဲအချိန်ထိ တိတ်ဆိတ်ပြီး အစီအရင်အင်းကွက်ထဲရောက်နေတဲ့ ရှန်းရင်က လက်လေးမြှောက်လာလေရဲ့။
"နင် ငါ့ကိုမေ့သွားပုံပဲနော်"
"မင်း ဘယ်သူလဲ"
လန့်ဖျပ်သွားပြီး သွေးမြေခွေးက နောက်ကို ချက်ချင်းလှည့်ကြည့်လ်ုက်တယ်။ ဒီလူ ဘယ်ချိန်က ဝင်လာတာတုံးဟ။ အဲနေရာမှာ စောနက လူရှိနေလို့လား။ ပြီးတော့...။
"ဘာလို့ မင်းကို မသက်ရောက်တာလဲဟ" သူက ရှေးခေတ် ဝိညာဉ်ပျက်သုဉ်းအစီအရင်ထဲမှာ လွတ်လွတ်လပ်လပ်ကို လှုပ်ရှားနေနိုင်တာပေါ့။ အဲဒါ ဘယ်လိုလုပ်ဖြစ်နိုင်ပါ့မလဲ။
YOU ARE READING
ပျင်းနေပြန်တဲ့ ကိုယ့်ဆရာ (မြန်မာဘာသာပြန်)
Romance"ဆရာလား၊ အရှင့်မှာ ဆရာရှိတယ်လား၊ ဘယ်သူ... ကျွန်တော်တို့လဲ မကြားဖူးရပါလား" "ငါ့ဆရာက. . . အယ်... ဆရာရော၊ ဆရာ.. အယ် ငါ့ဆရာရော ငါ့ဆရာကို တွေ့မိကြသေးလား..." သူတို့ အနီးအနားမှာပင် ရှိနေသော သူမ လက်ကလေးတစ်ဖက် ထောင်ပြလိုက်သည်။ "ငါ ဒီမှာဟဲ့..." Myanmar Tr...