Unicode
ရိပေါ် မျက်လုံးများကိုမှိတ်ကာ စိတ်ငြိမ်ဖို့အတွက်တရားထိုင်နေသည်။ တရားထိုင်သည်ဆိုပေမဲ့သူရဲ့စိတ်တွေကတစုတစည်းထဲမရှိပဲနှင့် အတိတ်တချို့ဆီကိုလွင့်မြောနေတာပင်ဖြစ်သည်။
သူ့ဘဝကိုသူမသိပဲ သူစိမ်းဇနီးမောင်နှံထံ အနှစ်သုံးဆယ်နီးပါးနေထိုင်လာပြီး ထိုမောင်နှံကလည်းသူ့အားသားအရင်းသဖွယ်ချစ်ပေးကာ လိုတရစေခဲ့သည်။ ရေဆိုရေရွှေဆိုရွှေဖြစ်ခဲ့ရတဲ့သူဌေးသားလေးရဲ့ ဘဝအမှန်ကလည်း ရွှေပေါ်မြတင် အိမ်ရှေ့စံအရှင့်သားပါတဲ့လေ။ ရီစရာမကောင်းပေဘူးလား။
ပိုရီစရာကောင်းတာက ထိုသည်ကိုသိသည့်မိဘနှစ်ပါးကလည်း ၂၈ နှစ်လုံးရေငုံနှုတ်ပိတ်ပြီးထုတ်မပြောခဲ့ပေ။ ရိပေါ်ကိုယ်တိုင်သာ မစုံစမ်းခဲ့ရင်သူကခုချိန်ထိ သူ့ကိုယ်သူ ဝမ်အိမ်တော်ကသခင်လေးလို့ပဲထင်နေအုံးမှာ။
" အရှင့်သား ဒီကျွန်နဲ့အတူ တော်ဝင်နန်းတော်ကိုပြန်လိုက်ခဲ့ပါ "
" ကျွန်တော်ကအိမ်ရှေ့စံအရှင့်သားမဟုတ်ဘူး လူကြီးမင်းကျိုး "
" အရှင့်သား! "
" ကျွန်တော့်ကိုမလိုချင်လို့စွန့်ပြစ်ခဲ့တဲ့မိဘတွေကိုလည်း အမေရယ်အဖေရယ်လို့ခေါ်ပြီး ကျေးဇူးမဆပ်နိုင်ဘူး "
" အရှင့်သား ဘုရင်မကပစ်ခဲ့တာမဟုတ်ပါဘူး ပျောက်သွားခဲ့တာပါ။ "
" ပျောက်သွားတဲ့သား...ပျောက်သွားတဲ့နိုင်ငံတော်ရဲ့အဓိကပဲ့ကိုင်ရှင်ကို ရှစ်နှစ်ကြာမှရှာဖို့လုပ်တာလည်းထည့်ပြောပါအုံး လူကြီးမင်းကျိုး "
" အရှင့်သား အထင်လွဲနေပါပြီ "
" ခင်ဗျားပြန်လိုက်ပါတော့ "
" အရှင့်သား! ဘုရင်မက အခုအခက်အခဲပေါင်းစုံနဲ့ရင်ဆိုင်နေရတယ် အရှင့်သား ဒီတိုင်းကြည့်နေတော့မလို့လား "
" ………. "
" သိပ်မကြာခင်နှစ်အတွင်းပဲဘုရင်မနတ်ရွာစံတော့မယ် အရှင့်သားမရှိရင်တိုင်းပြည်ပျက်မှာပါ "
" တော်တော့ "
" အရှင့်သား ကျေးဇူးပြုပြီး... "
