غموض الشُجاع

الغموض _1_

" بِسمِ الله ألرحمٰن ألرَحيم ''

#غموض_الشُجاع
بِــ قلم :- فطم الطائي.

ورداتي التصويت ☆ والتعليق بين الفقرات لتنسونه✔︎ + متابعه لـ حسابي الجميل ♡︎.

____________

رجلٌ يَشبه الظِل
يَرتدي الأسود ، بَعيد وقَريب بــ الأِن نَفسهِ .

___________

.. فزيت مِن نفس الكابوس الي ملاحگني طول هاي السنين على صوت نفس عقارب الساعه ، نفس الوقت ، ونفس الكابوس ، ملاحگيني مِن أكثر مِن ثمانية عَشر عام ..

باوعت للغرفه سَواد مثل سَواد حَياتي ، تعوذت الشيطان وگمت غسلت وبدلت طلعت بدون ريوگ للشغل ألي صار جزء مِن حياتي ، لولا الشغل هذا أتخبل ..

دخلت للمركز بدون سلام حتى لعبانه روحي مِن هالحياة وألي بيها .. گعدت ؏ الكرسي وطلبت چاي شويه وأجه :- تفضل هذا الچاي سيدي.

اخذته بدون لا اجاوب فتحت الحاسِبه واباوع ؏ كمية الإجرام ألي بــ العِراق ، كمية الإرهاب الي بــ العراق.

بقيت أباوع وأستغفر أشوف الناس متگطعه بسبب انفجارات وولا انهزيت أو اجاني إحساس الشَفقه أبداً ، مِن چنت صغير ولهذا يومي ماحَسيت بــ الشفقه على أي أحد كان ، شايف اشياء توگف شعر الراس ، وأشياء گلب الكافر ينكسر علي ، وانه ولا أحس ...

مرات أگول لـ نفسي بدون إحساس وفعلاً هذا الشي ، ألي بيوم وگع بيدي زوعته العافيه وولا أهتم لدمه وصراخه ...

دَم الأعزاز شفته وصار عندي عادي أي دَم حتى لو دَم بريء .. أوقات ينطقون بــ المزح :-

" أنتَ ماعندك إحساس ، أنتَ فاشل ، أنتَ ماعندك گلب ، أنتَ كذا وكذا والأهم ، أنتَ الأخرس "

بــ بعض أحيان إذا ضحكنا على تصرفات شخص او شكله ... نشوفه مايظهر اي تعبير على شكله ...

أما لو نتعمق داخله فـ راح نكتشف كمية القهر ، كمية الحزن إن كان على شكله او تصرفه ، حتى لو مزح يحز بــ خاطره هاي الـ كم كلمه ...

أما أنه فـ المُهم عندي " شُغلي ، ثأري ، و.."

غمضت عيوني وبَس لـ هذا الشي أتألم .. دائِماً مـا أنقهر أو عندي إحساس تِجاه شي ، بَس هاي الشغله بــ الذات أحس بــ ألم گلبي عليها ، مخليتني اصدگ انُ بعدني إنسان ...

ألشي الوحيد الي مخليني عايش لـحد هاي اللحضه ..

أخخ يابويه لو تشوف أبنك وينه هسه وشلونها حياته چا مافكرتو تتركونه .. جايك بويه جايك ووعد مني أجيكم معَ ألي ردتوهم.