{ بِسم ألله ألرحـمٰـن ألـرَحيم }
#غموض_ألشُجاع (حرائِق غامِضة )
بـِ قَلم #فَطم_ألطائي
وَرداتي قبل كُل شي مُتابعة هنا ( fatimalrashd )
خلو التفاعل ع البارت حلو حَتى نستمر 🔥
قِـرائة مُمتِعة
" نهاية ألبارت السابق "
نارا:
گالتها ومشت وشايلة الطفل وألبنية تلحگ أمها ماسكتها من ثوبها الطويل عطت بصوت عالي :- يُمة لاتعوفيييينيييييي .
التفتت علية مبتسمة فتحت أيديها ثنينهم ومگنبصة گمت أمشي وأعثر أخاف تروح وتعوفني ، بَعدني ما وصلتها أتلاشت ألصورة كُلها ....
.. فَتحت عيني على أيد دافية تمسح على خَدي فتحت عيني وغمضتها أكثر من مرة غواش گدامي بعدها صارت تتوضح ألرؤية چان شُجاع أول وجه أشوفة .. وجهة أصفر وعيونة حُمر مُجرد مافتحت عيني دنگ باسني براسي ويرجف :- شلون صرتي يُبا ؟
ماگدرت أحچي طمنتة بعيونـي أني بخير تحمد ألله باوعت بيبي گاعدة وتبچي مديت أيدي على أيدها رفعت راسها تباوعلي بقهر طمنتها أنه بخير ومابية شي باستني وتمسح على راسي گام شُجاع طلع بقت بَس بيبي يمي ...
شوية ودخلوا أيمن وأدهم وخالي الشيخ شافني أبتسم بحزن :- شلون صرتي هسة بنيتي؟
نارا : بخير شيخ.
سكتو وأدهم أجة گعد يمي ويمسح على شعري أبتسمتلة :- لا تخاف أنة بخير .
أدهم : خوفتينا عليچ.
نارا : أسفة.
أبتسم بوجهي وبقى ساكت تحمدولي بالسلامة كُلهم وطلعوا بقى أدهم يمي أردفت مُتسائِلة :- أدهم وين ذاك ألي مايتسمى؟
أدهم : أخذو معاهُم وحالتة صعبة يمكن مايوصل للمستشفى ويندفس .
نارا : موتات الچلاب أن شاء ألله هيچ عار مالازم يعيش
أدهم : ناغتي ألمُهم أنتِ طلعتي منها بخيغ ذاك العاغ عساه بجهنم يلعب چوبي مع أبو لَهب .
نارا : أدهم نار بگَلبي ما جاي تنطفي روحي جاي تحترگ صَعب أشوف ألمُعتدي على أمي لسة عايش ولا الأصعب منها أنُ هوَ نفسة ألي قتلها بحجة عار وشرف
أدهم : أُمچ بالجنة هسة والله أعلم وهذا غبچ مخلي عايش حَتى يطغا أكثغ ويموت موتت الچلاب ومحد يسمي عـلية صدگيني غاح يتعاقب بَس شوفي عِقاب غبنا شلون غاح يُسطُغة هالمسطوغ.
بقيت ساكتة ودموعي تنزل بهدوء وهوَ يهديني وما أگدر لو بيدي هَسة أطلع أذبحة وأخلص بعد كُل شي بقة عايش ويشم ألهوى .. والله إذا علية ما أخلي يشم ألهوى هالنگس هذا ...
لـ ثاني يوم شُجاع ماكو طلعت للصالة يم بيبي أشوف عيونهُم علية ما أهتميت گعدت شوية وأحتاجيت حَمام مشيت أله وراسي يوجعني غسلت وطلعت صارت روان گبالي أردفت وأباوعلها بالمراية :- أن شاء الله خير ولو وجهچ مايبشر بالخير.
أنت تقرأ
غموض الشُجاع
Mystery / Thrillerكل شخص في هذا الكون يٌخبِئ شَخصيتَـهُ الضَعيفة ، المُتألِمة.! و يظهر شخصيتَـهُ القوية.! شًخصيتَـهُ التي تُرعب الآخرين .. طَبع الشيطان .. ليس قابل للإصلاح او المُساعده .. سَـ يُكمِل مَسيرتُهُ في الظلام لا يأمل في قدوم النور ! لقد أعتاد جسدُهُ و روح...
