" بِسمِ الله ألرحمٰن ألرَحيم ''
#غموض_الشُجاع
بِــ قلم :- فطم الطائي.
ورداتي التصويت ☆ والتعليق بين الفقرات لتنسونه✔︎ + متابعه لـ حسابي الجميل ♡︎.
_____
يَـقول :-
أشُعر بِــأن عُقِلي سيُصرخ من شِدة الضَغط .
_____
" گمت مشيت والسلاح بيدي منزله هستوني ردت أدخل حسيت أيد جرتني ومقيد حرگتي وأيد الخ ؏ حلگي :- ولا نَفس "
بقيت هيج ثواني قرب حلگه وهمس :- أني عُــمر ..
تفاجئت مــن كلامه وينه لــيش هسه طلع چان مختفي مــن يمنه بقيت هادئ شويه وأبتعد باوعتله يعدل قمصلته :- شتسوي هنا عُــمر ؟!
:- چنت وياكم بــ كُــل خطوه اني.
- بَــس !
:- بِدون بَــس ، صار عندي ظروف واختفيت بَــس چنت وياكم وأعرف بــ كُــل خطوه تخطوها ..
- وهسه لــيش أجيت !
باوع ورايه يتفحص المكان گال :- كشفوكم لُبَيــد وعَــواد إذا ماطلعو باجر يذبحوهم ..
- لُبَيــد شلون أنكشف فهمني؟
:- أكو واحد مُلقب بــ " ابو عزرائيل " عدهم هذا واحد *** والگاع الي يمشي عليها ينگسها مشتكي على لُبَيــد ولإن هربتو عَـــواد فـ تأكدو.
مسحت گصتي بــ توتر :- زين هسه شنسوي نطلعهم ؟
:- لازم هذا الشي وبـ أقرب وقت يطلعون
- صعب يطلعون والطريق هالوقت خطر كلش تعرف أنــتَ !
:- ؏ الخطه الي رسموها تساعدهم يطلعون مــن الموصل ، يبقى الطريق فـ لازم يخاطرون هاي المخاطره أحسن مـا ينذبحون ..
باوعتله ساكت ربت ؏ كتفي گال :- أنتبه لا يحومون حواليك ترا أنــتَ وخالد مـا مشكوك بيكم أنتبهو زين لاتخلون نفسكم بــ مَحل شَك.
- أن شاء الله خويه
:- يلا بويه أودعناكم .
گالها وراح بقيت أنتضر والتوتر يقرأ الف يمي خايف على أخواني أكيد إذا وگعو بيدينهم مـا يخلونهم عايشين ...
مـا صدگت الصبح طلع عفت كُــل شي ورحت لـ البيت فتحته گاعدين لُبَيــد والنَهشل يشتغلون گلت :- لُبَيــد أنكشفت ترا
أنت تقرأ
غموض الشُجاع
Mystery / Thrillerكل شخص في هذا الكون يٌخبِئ شَخصيتَـهُ الضَعيفة ، المُتألِمة.! و يظهر شخصيتَـهُ القوية.! شًخصيتَـهُ التي تُرعب الآخرين .. طَبع الشيطان .. ليس قابل للإصلاح او المُساعده .. سَـ يُكمِل مَسيرتُهُ في الظلام لا يأمل في قدوم النور ! لقد أعتاد جسدُهُ و روح...
