" بِسمِ الله ألرحمٰن ألرَحيم ''
• #غموض_الشُجاع
• بِــ قلم :- فطم الطائي.• ورداتي التصويت ☆ والتعليق بين الفقرات لتنسونه✔︎ + متابعه لـ حسابي الجميل ♡︎.
_____
أقضي أيامي وأنا أحارب حُزني وخيبتي ، أحارب انكساري وأجمع الشظايا التي تركتني أنزِف ، أحارب لأجل البقاء بكل هذا الثبات ..
_____..." مشيت شويه دخل هَمر مــن يمي مشغل قُرأن أجه سَمعي ؏ الأيه " إنما يوفى الصابرون أجرهم بــ غير حِساب "
وڪَ أنُ الله يدزلنا إشاره للأستمرار ، إشاره للصبر ، إشاره للشجاعه ، إشاره تقوينا ونكمل بــ ألي دخلنا أله ، الحمدُلله ؏ نعمة الإسلام ، الحمدُلله ؏ القوه والشجاعه ألي حامليها ، الحمدُلله حتى يرضى اللهُ عنّه.
عبرت يم الولد گال عَـواد والجگاره بــ حلگه :- تنظفت هاي المنطقه هسه هما ورا الشارع وحيل صعب نتخطاهم أو نرجعهم.
لُبَيـد :- خِلال ساعات قليله راح يتقدمون ألي علينه نرجعهم وبَس.
رفعت راسي علي ورثت جگاره نفخت الدخان صافن وأفكر بيها :- بَــس إذا أفترينا عليهم راح يتحاصرون .
رفع راسه عليه گال :- شلون؟ قصدك مــن •••• ونعبر ؏ الثانيه؟
- بــ ألضبط هيج وحتى مـا يوگعون شُهداء ولا جرحى راح يسلموها ألنا بدون قِتال
:- وإذا صار العكس؟
دنگت ؏ الميز ألي گدامي رفعت نظري عليهم:- مـا يصير العَكس هاي المناطق كُلها صغيره وعدهم بَــس ألي بــ گبالنه چبيره وواسعه ألهم ويحسون صعب ندخل ألها ، لو أفترينالهم تتحاصر لمدة لا تقل عن أسبوع ، وبـ هيج حاله مـا يدخللهم لا أكل ولا عِتاد ويتطرون يسلموها.
عَـواد :- أنــتَ لا تفكر اذا مـا يتصدر الهم عِتاد يعني مـا عدهم هذولا **** عدهم جوه الگاع مَمرات يدخلون منها ويطلعون مــن غير منطقه
أبتعدت شويه مكتف أيديه :- چا بس نَهشـل يحل النه هذا والفوج كله بآمره
لُبَيـد :- روحله أنــتَ وأستفسر منه
التفت على عَـواد گال :- وعواد أنــتَ تواصل معَ عُـمر خلِ يشوفلنا أكو مَمرات سريه بــ هاي المناطق لولا
شلت سلاحي :- رايح لـ نَهشـل وبَس اخذ منه أنطيكم خَبر
:- الله وياك خويه
گلتها طلعت اجه جِـهاد :- سَيدي أطلع أوصلك
ضحكت طگيت رگبتي :- مشتاگ للتدريب خليني أتخطى لـ المنطقه قريبه
:- بَــس !
خزرته :- گلتلك طالع مَشي تريد تجي تعال ماتجي بكيفك.
أنت تقرأ
غموض الشُجاع
Mystery / Thrillerكل شخص في هذا الكون يٌخبِئ شَخصيتَـهُ الضَعيفة ، المُتألِمة.! و يظهر شخصيتَـهُ القوية.! شًخصيتَـهُ التي تُرعب الآخرين .. طَبع الشيطان .. ليس قابل للإصلاح او المُساعده .. سَـ يُكمِل مَسيرتُهُ في الظلام لا يأمل في قدوم النور ! لقد أعتاد جسدُهُ و روح...