غموض الشُجاع

الغموض_8_

" بِسمِ الله ألرحمٰن ألرَحيم ''

• #غموض_الشُجاع
• بِــ قلم :- فطم الطائي.

• ورداتي التصويت ☆ والتعليق بين الفقرات لتنسونه✔︎ + متابعه لـ حسابي الجميل ♡︎.

_________

• أنا أبكي إيضاً لكنني أبكي بلا دموع ، بلا شهقة حزن وبلا أنطفاء، وهذا ما جعلني أبدو بخير تمامًا، بينما قلبي يحترق.
_________

گعدنا بــ المَمر أنَـه وعَـواد تقريباً ساعه كامله طلع لُبَيـد مــن غرفة أڤين صاح لـ مُمرضه دخلت شويه وطلعت وياها أڤين ساندتها گوه تمشي باوعتلنا ابتسمنا الها دخلت لـ غرفة عُـمر وماطلعت گال عَـواد :- الله يطيح حضك لُبَيـد

خزرته لأن عمها واگف أخاف يسمع وتصير مُشكله سكتنا وگعدنا شويه ودخل لُبَيـد بعدها طلعت أڤين وعمها حاضنها باوعتلنه مبتسمين الها نزلت راسي عيب مــن عمها شويه وطلع لُبَيـد ساند عُـمر گال لُبَيــد : يلا يابه أنَـه اوصلهم..

عُمر :- اگدر اسوق اني أرجع.

خزره لُبَيـد وأردف :- دنچب دنيا ليل چان خليتها للصبح وولي انقبر بــ البيت.

عُمر :- لعبت نفسي صار يومين بـ المستشفى.

باوعله لُبَيـد مـا عاجبه وأردف :- أمشي أمشي ابن الفگر الله بلاني.

نط عَـواد وأردف بـ ضحكه :- صحيح والله واحلى بلوه .

خزره لُبَيـد سكت ضحكت ؏ سوالفهم ، عُـمر حضن أڤين ويمشي ولُبَيـد يخزر ويعض شفته بـ بسيطه ... ضحكت ؏ شكلهم شحلاتهم طلعو وأنَـه طلعت بقه عَـواد گال عندي شغل بعدين أرجع ... صعدت لـ السياره وبـ وجهي لـ البيت ...

وصلت أخذت محفضتي والموبايل ونزلت ، دخلت جوه صارت وَرده بـ وجهي ابتسمت مشيت يمها حضنتها قوي :- مشتاگلچ يُبا ...

:- ياروح الروح ول دادَه شلونك؟

ابتعدت مبتسم :- الحَمدُلله ، وانتِ شلونچ مشتاگلچ هواي ..

ابتسمت بـ برائه وٱرفت :- والعباس انا مشتاگه أكثر ، چا الولد وينهم ؟

- لُبَيـد طلع لأربيل وعَواد بـ المستشفى عنده شغل .

:- ها تَمام چا ادخل ارتاح شويه مبين تعبان ..

- أي والله ميت تَعب ..

گلتها ودخلت جوه سلمت ع الكُل وصعدت لـ غرفتي باوعت متغير بيها شي بَس شنو ما أعرف ، غلست ع الموضوع بعدين أعرفه طلعتلي ملابس ودخلت سبحت ، طلعت صوت وَرده بـ المَمر شويه وطرقت الباب وٱردفت بـ خفوت :- شُجاع .

- أدخلي يُبا .

گعدت ع الجُربايه وهيَ فتحت الباب ودخلت باوعتلي خَزرتني :- هيَ شنو ماتسأل ع أختك يول ؟؟