غموض الشُجاع

الغموض_27_

{ بِسم ألله ألرحـمٰـن ألـرَحيم }

#غموض_ألشُجاع (حرائِق غامِضة )
بـِ قَلم #فَطم_ألطائي

وَرداتي قبل كُل شي مُتابعة لحسابي 💙
علقوا بين كُل فَقرة ، ألتصويت مُهِم خلوا نَجمة وأبدوا أقروا ..

أنِستگرامي : fatimalrashd

قِـرائة مُمتِعة
تحس الله الوحيد صويحبك وأهلك
شايف من تحس بالوجع ياكل بيك .♡

" نهاية البارت ألسابق "
أباوعلة وأخزر بي وعين ع الطريق وعين علي أردف بضحكة :- عوفيها الأُغنية حلوة شبيچ لو نيتچ طارت يـ..

ماكمل جُملتة باوع بالطَريق وصاح (نارااااااا) ما حَسيت بَس من سحب راسـي وضَم وجهي وچتفي بأيدة صار نُص جسمي بحُضنة وراسة صار علـى ظَهري وضَربة قَوية ماحسيت بعدها بأي شـيء ...

••••

ريڤال :- أجة ألليل وأنا ما نزلت تعشيت أجت أفونة ع ألباب گتلها بدون لا أفتحو :- أفونة ما جوعانة هسة من أجوع أنزل أكُل.

أڤين :- حبيبي صايغ شي معاكِ؟ شو صوتكِ مخنوقة!

- لا والله مابية شي بس قلتولكِ ماجوعانة هسة وبَس.

أڤين :- تمام أُمي غاح أخليلكِ عشا من تجوعين أنزلي أُكلي .

- تمام.

راحت أفونة هيا نوع حيل حنونة وخاصة علية تعرُفني إذا تعبانة أو متضايقة من صوتي ووجهي لأن بسُرعة يبين علية هالشي ... صليت رجعت أدحگ بالمُسلسل ودموعي تنزل بقيت لل12 گاعدة وهوَ ماكو ماتحملت سحبت ألموبايل ردت أتصل تراجعت ، هوَ غلط وياي مو أنا هوَ ألي تجاهلني وعاملني ببرود فلا أسأل علي وأنزل روحي خلي يحس بغلطوا .

رجعت أدحگ وكُل شوية شغلة تسرق تفكيري تعبت حيل بهاي الساعات والتفكير أكلني ما أعرف شسوي وشنو ألحَل لسالفة شُجاع ما أعرف شلون أتصرف معاه .. ضجت أكثر وأختنگت سديت ألموبايل وعليت ألسبلت ع ألبارد ميتة من ألحر مع العلم الجو بارد مو حَار بَس أنا مستحرة حيل .. تمددت وأفكر گمت قفلت ألباب ورجعت تمددت أنا أعلمك شلون تتأخر أُستاذ حايط.

غفيت وألف فكرة براسـي وفرحانة خبثت علي وقفلت ألباب هسة مجبور ينام جوا بالصالة بَسيطة شُجاع تلعب مع أم الرور بَسيطة شوف شسوي بيك يوميا ... لـي ما أدري شگَد حَسيت ألباب ينطرق بهدوء گمت عدلت نفسي وأدحگ ع ألباب نسيت أنا قافلتوا وأجيت أفتحو لو ما تذكرت ليش قفلتوا عفتوا ورجعت تمددت وأسمعو يهمس :- ريڤال أفتحي ألباب.

بقيت متمددة وعاقجة وجهي وأقلد صوتوا بصوت ناصي نوب اجتني الضحكة وأنا ضحكتي شهيرة خليت أيدي علـى حلگي كاتمتها وأحس أريد أفطس من الضحك على صوتوا ، خليت وجهي بالمخدة ورجعت غفيت عايفتوا ولا رفلي جفن علي يستاهل حتـى مايفكر يعوفني ويتأخر برا البيت ..للصُبح گعدت أحس صايرة قُطعة ثلج بسُرعة طفيت ألسبلت وأرجف من البرد رجعت تمددت ونمت والبطانية دفتني شوية گمت وأحس عندي طاقة عزلت ألُرفة دخلت سبحت وبدلت خليت مُرطب لوجهي وعطرت نفسي خليت ألشال وفتحت ألباب ونزلت ...