غموض الشُجاع

ألغموض_19_

" بِسمِ الله ألرحمٰن ألرَحيم ''

• #غموض_الشُجاع
• بِــ قلم :- فطم الطائي.

• ورداتي التصويت ☆ والتعليق بين الفقرات لتنسونه✔︎ + متابعه لـ حسابي الجميل ♡︎.

‏يگول : لكن هيَّ مِنْ شدة
برائتها وطفولتها "ثولتني".

..

فتحت عيوني نَهشَل يباوع بـ تَركيز وعيونه بـ سَفانه ما أدري خايف عليها لو حاقد عليها بَس من المؤكد خايف عليها لإن لو عكسه چان صوبها من أول مره ، أخخ يا نَهشَل أخخ ...

بقيت صافن بي ثواني وغمض عيونه بلع ريگ رجع فتح عيونه كور قبضته على ألمُسدس ألي بيده وباوع مركز بيها، باوعت وراه لُبَيـد أجه ردت أحچي مع نَهشـَل بَــس أستوقفتني صوت ألطلقه ونَهشَل غمض عيونه ، بلعت ريگ أبتعدت شويه وألتفتت ورايه ماكو بَــس سَفانه واگعه بـ ألگاع باوعت متفاجئ ذيج الثانيه وين اختفت !! أشرت للولد يروحون وراها ..

رجعت ألتفتت نَهشـَل صافن وگع مــن أيده السلاح وصار يتقدم بـ خوف وصلها دنگ عليها رجلها تنزف صوبها بـ رجلها رفعها مفتحه عيونها أردف بـ خوف :- أحچي أنتِ مجبوره ؟؟جَلال جبرچ ؟؟

:- لاا ما جبرني على شي .

- ليش هجي سويتي ؟؟

:- أدمر عقلك .

- ومفكره هالشي سَهل ؟؟ بـ شنو ضارچ عقلي بـ شنو فهميني ؟؟ لچ أمنت بيچ وخليتچ ببيتي وويه أُمي تطلعين إرهابيه ؟؟ لچ مو أنتِ چنتي عند داعش وطلعتچ شلون هسه أنتِ هچي ؟؟

:- انتَ ألي جنيت على نفسك وقت ألي عذبت أبو عزرائيل ومن طلعت سنتين كاملين ومحد دره عنك شي بهاي أنتَ دَمرت جَلال ودمرت كُل شي بنيناه من سنين چثيره ، چانت أخر ضربه ألك هاي بَس ما نجحنا بيها .

- شنو صِلة أبو عزرائيل بيچ وبـ جَلال وشنو صِلتچ بـ جَلال ، وشنو صِلتچ بيه ؟؟

:- تُعرفهن بعدين جايك ألدور صدگني مثل مادمر شُجاع راح يدمرك أنتَ هَم .

بلع ريگ صافن بيها گام وگف أشرلهُم :- تعالو شيلو هالزباله من هين ، ما أريد ألمحها ، خلوها بـ سجن أنفرادي وأني أعلمها ألأرهابي شلونو .

مشه شويه رحتله خليت أيدي على چتفه :- نَهشَل .

نَهشَل :- ولا كلام شُجاع ، جَلال لازم ينگضب صار شگد أني ساكتلو مو لإن ما أعرف وينه وولا أعرف هوَ منو ، ساكتلو بَس لأجل شغلتك ، خلصها شُجاع ماعدنا وقت هواي ، خلاص جَلال لازم يصعد للعداله وأنتهينا ، شتفكر تسوي مُشكِلتك ألمُهم تفضها لـ هاي السالفه .

هزيت راسي بـ تعب :- تَمام يُبا .

عفته ومشيت لـ ألسياره وأشوفهُم يطلعون بـ ألي بـ مخازن واحد واحد فركت عيوني وأفكر ذيچ وين أختفت فجأه ... صعد لُبَيد رجعنا لـ ألمركز والولد الباقيين بقو هناك ، دخلت لـ ألمكتب گعدت شويه ودخلو لُبَيد ونَهشَل گعدو أردف لُبَيد :- ألبنيه من زمان وياك مُمكن چانت تحاول تاخُذ مَلف جَلال ؟؟