غموض الشُجاع

ألغموض_17_

" بِسمِ الله ألرحمٰن ألرَحيم ''

• #غموض_الشُجاع
• بِــ قلم :- فطم الطائي.

• ورداتي التصويت ☆ خَلو ألتعليقات 1k ✔︎
+ متابعه لـ حسابي الجميل ♡︎

تره الدُخــــــــــــان
واهس شاب مامرتاح
الفاگدله حـلم شيصخم بـ صحته ؟

..

قوست شفايفها وگالت بـ هدوء :- حَرامات گلت أخُذ منك شي بَس لازم أجيب شَخص يخُصك يخليك تحچيلي كُل شي .

هزيت راسي مالل رَديت بـ إستِهزاء :- أوي أوي أحتارت ألحلوه أحتارت ، أصبُري أگُلچ ألي قَريبين عليه ، هااا أُمي بَس مَوجوده روحي جيبيها .

:- أي نجيبها ليش لا ألمكان واسع .

- أي أي جيبيها ، قربت وجهي وگلت كاز على سنوني :- لو جبتي ضناي من لَحمي ودَمي ، لو گطعتي لَحمي تگطع ماراح يطلع من لساني كلمه وحده فاهمه ، روحي جيبي منو ماتريدين وأذبحيهُم گدامي مُستحيل أطلع أي شي .

قوست شفايفي وأردفت بـ مُكُر :- أساساً فقدت ألذاكِره والله أعتذر .. من أروح لأماكن غَريبه أفقدها فـ أعذريني .

حگت فوگ حاجبها :- أووو أنه ما أخلص من ألمُخلصين والأوفياء .

- هذا حَضچ شتسَوين ..!!

رفعت ردانات ألستره وتقربت يَمي مبتسمه دنگت عليه دحگت بـ نظره حاده وأردفت :- ليش مفكرني غَبيه ..؟؟

- هاا أنتِ أعترفتي بـ نَفسچ حتى ما تعبتيني ، براڤوو .

مَدت أيدها خنگت رگبتي وعيونها تدور بعيوني ، قَبضتها قَويه وخشنه ، مبين متعوده ع ألقتل ، أختنگت وعيني بـ عينها صرت أغمض وأفتح نَفسي أنگطع وبالگوه أجُر ألنفس ، أبتعدت تضحك بـ هَستيريه ، گَحيت وأتنفس سَريع دحگتلها محتقنه صرخَت بـ صوت عالي :- ماااااااااازن .

دخل واحد ما أدري منين يرگُض أجه يمها دحگتلو صدرها يصعد وينزل أردفت بـ عَصبيه :- گوله أريده يجي هنا شعنده بذيچ ألدَربونه صارله فَتره .

.. حاضر .

راح وهيَ دحگتلي صفگت أيد بـ أيد :- راجعتلك .

طلعت وأنقفل ألباب غمضت عيوني وفتحتهُم بَس لا تسويها وتقرب لأُمي ، لا ياربي لا ، أحميها يا ألله .. حاولت أفُك نَفسي ماگدرت ، دَحگت لـ ألمكان چان عِباره عَن غُرفه مُغلقه بيها بابين وأكو بَرده بـ صَفحه و شباك واحد وغالقينو بـ ألبلوك وداخل ضوه من تحتو ..

غرگت بـ تَفكيري ، هاي منو ..؟ شتريد مني ..؟ أني ويَ ألزلم لعبانه نَفسي أنوب معَ ألنسوان ، ياربي طلعني من هين أحسن ما هاي ألهايشه تنجلط من ورايه ، مُستحيل أحد يتحمل كلامي وخاصه لو عَدوي أجلطه والله....