" بِسمِ الله ألرحمٰن ألرَحيم ''
• #غموض_الشُجاع
• بِــ قلم :- فطم الطائي.
• ورداتي التصويت ☆ والتعليق بين الفقرات لتنسونه✔︎ + متابعه لـ حسابي الجميل ♡︎.
_________
هل ستنتهي حقا مُعاركنا التي لطالما أرهقتنا، هل هناك طريقًا للهدنه بين تضارب الأفكار أم ستبقى دائرة في عقولنا حتى المَمات.
_________
كانت عيناها الجميله كافيه بــ أن توقعني ، شعرها الأحمر الواضح مِن تَحت الحِجاب عيناها المليئه بــ الدموع ، وجهها الناعم،
لَم تكُن مُجرد فتاةً عاديه گانت غُموض و روح الشُجاع الضائِعه ...
... بقيت صافن بيها وبـ ملامحها ترفع راسها من صدر ألولد تباوع شويه وترجع تدحسه وتقوي ضمتها أله من بَطنه ... أسمع ألأصوات يمي بَس أبد ما مركز غير بيها وشكلها ذاك ألي ما نسيته أبد ...
العيون ألخُضر ، ألشعر ألبرتُقالي ألمايل لـ ألأحمر ، ألرموش ألكَثيفه ، بَـرائة ألوَجه ، كُله شايفه أنه ..
ومحفوظ بـ ذاكرتي لحد هذا يومي ، ما نسيت أي شي يخصها .
هَل يُخلِق مِن ألشَبه أربَـعين ؟ أم تِلك ضَمادَتي !!
فزيت على صوت عُمر باوعتله مستغرب رجعت نَظري ألها صافنه بـ عُـمر بـ إستِغراب ، فتح أيدينه ويأشرلها تجي ، بقيت واگف وصافن بي ، شجاي يسوي هذا !!
تقدم عليها مسح دموعها وحضنها قَوي أجه صوتها ألهادئ أردفت بـ خوف :- عـ عوفني عفيه يخوف ..
عُمر :- شنو الـ يخوف بنيتي ؟
بعد عنها شويه رفعت راسها باوعتله بـ عدم تصديق أجت عينها على صدرو وصَدرية ألشواجير أردفت بـ خوف :- هذا الي بصدغك والسلاح شيلو عَفيه
نزلو جنود من فوك ومن البيت ضربو تحيه لعُمر وأردَفو :- نظيف سيدي
أردف عُمر بـ ضحكه :- غير بيتي هذا بعد عيني .
التفتتله متفاجئ يعني عُمر أخوها !! وهاي ألبنيه تصير أُخت أڤين !؟ وأُمهم بَراء !!
أردفو ألولد :- اسفين سيدي ما بـ بالنا.
عُـمر :- هذا شغلكم ولو بيت وزير لازم بعد داعش تفتشونو وهسه اطلعو لـ شغلكم وانتَ هم
أشرلي خزرته طلعت وأفكر بـ هاي ألصدف ألي جاي تجمعني بـ نَفس الأشخاص ، وألماضي .
طلعت ويَ ألولد فتشنا ألبيوت كُلها وألهويات مال ألزلم بيدي جاي أجمعهم حتى نسويلهم حاسِبه ، لا يطلع واحد بيهم داعشي ونتصخم ، أجه عَواد يمي أردف بـ تعب :- وألعباس أريد أنطمر فد نص ساعه راح أنجلط .
- يمعود نوم أيش غير ناكُل تبن إذا نمنا ، وبعدين ليش مانمت أمس ؟
:- أشعرف نسيت أنام أصلاً ما چنت نعسان ولِهذا بقيت گاعد وهسه أنعلست وألنوم چلب بـ عيني .
أنت تقرأ
غموض الشُجاع
Mystery / Thrillerكل شخص في هذا الكون يٌخبِئ شَخصيتَـهُ الضَعيفة ، المُتألِمة.! و يظهر شخصيتَـهُ القوية.! شًخصيتَـهُ التي تُرعب الآخرين .. طَبع الشيطان .. ليس قابل للإصلاح او المُساعده .. سَـ يُكمِل مَسيرتُهُ في الظلام لا يأمل في قدوم النور ! لقد أعتاد جسدُهُ و روح...
