غموض الشُجاع

ألغموض_28_

{ بِسم ألله ألرحـمٰـن ألـرَحيم }

#غموض_ألشُجاع (حرائِق غامِضة )
بـِ قَلم #فَطم_ألطائي

وَرداتي قبل كُل شي مُتابعة هنا ( fatimalrashd )   كُل فَقرة ، ألتصويت مُهِم خلوا نَجمة وأبدوا أقروا ..

أنِستگرامي : fatimalrashd

قِـرائة مُمتِعة

كُنت أطمئن معكِ
رغم قلقي الشديد.

" نهاية البارت ألسابق "
لـثاني يوم جهزنا ملابسنا وخليت مثل ما گال بَس ملابسي وشغلاتي طلعت أشوف أفونة وهوَ بقى بالغُرفة شوية ورجعت للغُرفة دخلت شفتو فتح الباب مال الكنتور المقفول دائِماً طلع منو جنطة وخلا بيها دفتر هم طلعو من الكنتور وخلا كم ورقة بالجنطة تفاجئت من شفت سنسال هم طلعو وخلاه بالجنطة بقيت صافنة بي ألتفت علية شافني توسعت عيونوا بصدمة..

••••

تقربت يمو بقى ساكت سحبت السنسال من أيدو أدحگ بي رفعت راسي علي :- منين ألك هالسنسال؟

جاوب بتلعثُم :- مالت نارا.

نزلت راسي أدحگلو كان يحتوي على ثلاث أو اربع سناسل ومجموعين كُلهم صاير سنسال واحد أردفت وعيني بيهُم :- ونارا منين ألها هالسنسال منين جايبتوا؟

:- ما أعرف ليش كُل هاي الأسئِلة؟

رجعت دحگتلوا أبتسمت :- لا ماكو شي بَس سؤال .
:- خوش جهزتي كُل شي؟
- أي خلصت بَس أبدل .
:- يلا يُبا.

أنطيتوا السنسال ولهسة عيني بي أخذوا ويدحگ بية بأستغراب مشيت أخذتلي ملابس ودخلت أبدل عدلت نفسي ولفيت الشال طلعت هوَ گاعد ع السرير وبيدو نفس السنسال ويدخن شافني گام نزل الجنطة ونزلنا سلمنا عليهُم وأفونة تبوس بية وتوصيني على روحي وبيتي بستها وبست دانيال طلعنا للسيارة ومشينا للبيت ألي يگول علي ..

ماطولنا يمكن شارعين هجي ووصلنا نزلت وهوَ نزل دحگت للبيت حلو وملموم بي واجِهة حلوة دخلنا للبيت كان أدهم وواحد شايب وياه موجودين أستغربت من وجود أدهم بَس ماهلگد أهتميت دحگت حديقة يعني ماهلگد كبيرة بس مليانة زرع ونباتات حلوة وعُطر ألريحان الي بالحديقة يضرب بخشمي.. دخلنا جوا البيت يجنن وخاصة أول مندخُل مثل صالة كبيرة وهيا نفسها واجهة البيت بيها جام خان وهذا صاير بالصالة وبيها تخم كامل وضوة الشمس من يضرب ع الصالة صاير بلون الجام خان يخبل .. خليت جنطتي ومشيت أدحگ بالبيت...

كان ملموم بَس الصالة شوية كبيرة ، الداخل عِبارة عن غُرفتين وحدة مال نوم ووحدة يمكن مختارها لشغلوا أو شي يخصوا ، ومن الجِهة الثانية ممر صحيات ، والمطبخ من جِهة الصالة مابي حَتى باب يعني مُطل ع الصالة وهجي كُل شي واضح والأستقبال بالواجِهة مال البيت ..