غموض الشُجاع

ألغموض_37_

{ بِسم ألله ألرحـمٰـن ألـرَحيم }

#غموض_ألشُجاع (حرائِق غامِضة )
بـِ قَلم #فَطم_ألطائي

وَرداتي قبل كُل شي مُتابعة هنا ( fatimalrashd )
علقوا بين كُل فَقرة ، ألتصويت مُهِم خلوا نَجمة وأبدوا أقروا ..

قِـرائة مُمتِعة

مُلاحضة مُهمة بأسفل البارت 🚫

" نهاية البارت السابق "
باوع بوجهي ثواني ودنگ خلا وجهة بكتفي يم گَــلبي وباسة :- أحبچ حيل ناري .

خليت أيدية على وجهة بقى صافن بية عيونة ذبلانة تقربت بستة بشفتة بهدوء وأبتعدت :- ما أدري شنو شعوري حالياً بَس كُل ألي أعرفة وألي حاسة بية أنُ أنه مرتاحة حيل ..

أبتسم على كلامي نزلت راسي وتغورگت عيوني بالدموع شفتة فتح أيدينة رفعت عــيني علية أردف بحنية :- " تعالي أحُطچ بنُص ضلوعي "

بلعت ريگي سحبني لمني بحُضنة ويمسد على شعري ويبوس براسي :- " يمتى ماضاگت بيچ ألدنيا تذكري حُضني أمانچ "

حضنتة قوي :- بعُمري مافكرت بهيچ يوم ولا فكرت يجي يوم وأنحب بعد كُل ألي صايرلي.

نَهشَل :- ألسبب مو منچ ناري لاتحملين روحچ ذنب مو ذنبچ .

بعدني منة وحضن وجهي بيدة :أردف بأبتسامة :- صدگي ماراح تشوفين مني ألا الزين وألله يقدرني اسعدچ وأعوضچ عن كُل شي.

أبتسمت بوجهة رجع سحبني لحُضنة أرتاحيت أكثر بقيت يمة شوية وطلعت وألبنات گضوها تصنيف علينة وهيچ سويتوا وهيچ صخمتوا وهوَ نحنَ گاضيها عركات وخزرات... مشيت للبيت بدلت رجعت شفتهُم يصبون غدا وألكُل متجمع كملت وياهم ماقبلوا وريڤال تصيح شُـجاع يجي ياخُذني وهوَ يضحك رحت يمة گعدت بينة وبين أدهم جابوا العشة تعشينا وسوالف وأدهم يحشش علية لو يگول هذا شلون عيون وهذا تشوه خُلقي وريڤال تصيح المُتنمر شايف روحك أحلى وهوَ يگعد يتنمر عليها ...

أخر شي شُـجاع صاح بيهُم أعرفة مايحب أحد يتنمر على أحد حتى لو بي شي ماحلو دائِماً چان يگول الكلمة الطيبة صدقة ومشيت على كلامة لأن هذا الشيء الصحيح..

لو شگد ماچان الشخص قبيح الشكل لازم نگُلة كلمة طيبة لأن هوَ ماخلق نفسة وحتى لو چان بي مرض أو بي أي شي ما لازم نگولة أنتَ لــيش هيچ وليش وليش هالشي نتحاسب علية وبنفس الوقت نكسر بخاطر شخص وشگد چبيرة يم رب العالمين هاي؟

أتذكر مرة من المرات چنت صغيرة فـ شفت بيبي سمنانة فـ كتلها بيبي لــيش هيچ صايرة سمينة فـ هيا ردت بأبتسامة وگالتلي السبب بعد ماطلعنا لزمني شُـجاع وگال :- ترا هيا ماسمنت نفسها عن عَمد ولا هيا بيدها شي ماكو داعي تكولين لــيش سمنانين وليش ضعفانين ولا أكو داعي تگولين لــيش انتَ شكلك هيچ وليش بيك فلان شغلة ...