غموض الشُجاع

تكمِلة الغموض_6_

" بِسمِ الله ألرحمٰن ألرَحيم ''

• #غموض_الشُجاع
• بِــ قلم :- فطم الطائي.

• ورداتي التصويت ☆ والتعليق بين الفقرات لتنسونه✔︎ + متابعه لـ حسابي الجميل ♡︎.

• وهاي تكمِله لـ الغموض السادس ولا تگولون قصير ومدري شنو ترا هــوَ تكمِله مو بارت كامل ..أهم شي تعلقون وتخلون نجمه حتى أستمر ،، علقو بين كُــل فقره لُطفاً 🥺😂

____

• أقضي أيامي وأنا أحارب‏ حُزني وخيبتي ، أحارب انكساري ‏وأجمع الشظايا التي تركتني أنزِف ، أحارب لأجل البقاء بكل هذا الثبات
____

رفعت أيدي ترجف خليته ؏ رگبته مكان النَبض رفعت راسي لـ جِـهاد ألي يباوع ينتضر ألكلمه تطلع مــن حلگي والولد كُلهم صافنين بيه ...

- بي بي نبض شيلو

رگضو عليه أخذو الولد رفعت آلنَهشـَل ووياي جِـهاد أخذناهم برا دخلنا بــ بيت چان اكو طَبيب مــن الأهالي رگض النا وألي عدنا هم صارو يفحصون بي وبنبضه باوعتله ألزم مغرگه مايبين كُــل شي منه بَــس ملامحه ، أبتعدت ايدي ترجف وجسمي يرجف كُــل شي بيه يرجف ، كُــل شي ولا نَهشـل مــن عُمري ؏ عُـمره ...

بقو يفحصون بي وداوو جروحه باوعلي هذا الطَبيب گال :- طَلقتين بــ چتفه محتاج مستشفى مُستحيل نحـنَ نسيطر علي وعلى حالتو

- شنو !!

گام عليه گال :- بــ چتفه طَلقتين مــن المُستحيل نگدر نوقف النزف أو نگدر نضمن يعيش .

عفته دنگت على نَهشـل رفعت راسي :- گاظم نَهشـل خوما بي شي؟

رفع راسه عليه بــ تعب گال :- حتى لو طلعناه مستشفى وطريق طويل مايوصل أله عايش ، وهنا مـا نگدر نسويله شي ، صَعب .

گمت فرگت عيوني قوي وگلبي يضرب بــ صدري مــن الخوف ربي كُــل شي فقدت لا نَهشـل هم ، كُله ولا رَبعي ، والأخص نَهشـل هذا أخويه.

بلعت ريگ رفعت أيدي صايره دَم مــن خاصرتي مسحتها بــ ملابسي رفعت راسي لـ السماء مغمض وهوى بارد يضرب بــ وجهي :- عينّ عبدُك الضعيف.

نزلت راسي سحبت السچينه وگاظم يباوع بــ خوف گال :- مايفيد كُــل شي وخاصه الشي ألي تريد تسوي.

- " ولا تَيأسوا مـِـن روحِ الله ".

دنگت صحت :- جِـهاد شَغّلي نار هنا .

رفعت نَهشـل لـ حضني شغل جِـهاد نار بعد صعوبه لإن الجَو مـا صافي وهوى يدخل مــن الشبابيك المتكسره ، خليت ألسچينه بــ التنكه الي مشغلين بيها النار ، نزعت نَهشـل ألي لابسه باوعت صدره غرگان بــ الدَم چانت چيله بــ چتفه وچيله قريب گلبه ...