Empire Series 1: The Long Lost Empress

Chapter 50

Athena's Point of View:

Alam kong may mangyayaring gulo ngunit hindi ko inaasahan ang video na lalabas mula sa malaking screen na nagpapatunay o gawa-gawa lang na ako nga ang pumatay sa lola ni Kiro. Walang may alam kung sino ang pumatay at wala rin akong alam sa kung sino nga ba ang lola ni Kiro dahil pagkatapos mangyari ng aksidente, wala na kami sa mismong lugar. Nakakatawa na kailangan pang gawin ni Stephanie ang bagay na 'to ngunit naging magandang benepisyo para sa akin, masyado ng delikado at kung mananatili pa ako sa tabi ni Kiro, pati sila ay madadamay. 

"Y-Yes, I lied." Tinignan ko s'ya sa mga mata niya at aaminin kong ma-mi-miss ko ang mga mata niya.

"A-Athena how could you—You know that I hate liars!" si Kiro sa malakas na boses. 

The party was ruined. Everyone's eyes are all on me. The camera, cellphone, and everything was all on me. Masakit sa puso ngunit kailangan kong umiwas, kailangan kong hiwalayan si Kiro at kung ito lang ang tanging paraan para hindi s'ya madamay, gagawin ko. Kahit ikakasakit ko at ng baby sa tiyan ko. 

"Tang ina! Akala ko hindi mo magagawa ang bagay na 'yun? Ano pa ba ang maaasahan ko sa isang k-kriminal?" Gusto kong umiyak sa harapan niya, sa mga lumalabas sa bibig niya. "Tinalikuran ko lahat para sa 'yo, hindi ako nakinig sa kanilang lahat para lang malaman mo na nandito lang ako...palagi para sa 'yo. Ito ba ang isusukli mo sa akin? Athena, ito ba?" 

I smiled. "Ang isang kriminal ay mananatiling kriminal. 'Wag mo akong aartehan na para bang malaking bagay na ang ginawa mo dahil unang una sa lahat, hindi ko kailangan." 

Hindi s'ya makapaniwalang napatingin sa akin. Tinignan ako ng pamilya niya, galit na galit na lumapit sa akin ang chairman at isang malakas na sampal gamit ang likod ng palad niya ang natanggap ko. I smirked and looked at him. 

"You killer! Sinasabi ko na nga at hindi ako nagkamali! Mamamatay tao ka—kayo ng pamilya mo!" sigaw niya, nangingilid ang luha sa mga mata niya. 

Nanatili akong nakatingin sa kanilang lahat. Isa-isa ko silang tinignan at kahit paano ay kailangan ko silang protektahan. Kung mananatili pa ako dito, baka bumagsak lang ako at bumalik kay Kiro. Nanatili akong nakatayo habang nangingilid ang luha sa mga mata ko. 

"Chairman," nakangising sambit ko, hindi pinapansin sila Joy na kanina pa panay ang bulong ng 'tama na' sa likod ko. "Sabi mo nga noon, kriminal ako at papatunayan ko sa 'yo mismo sa gabing 'to, ako ang pumatay sa asawa mo. Pinatay ko s'ya at walang pakundangan kong hinagis ang bangkay niya sa kung saan para hindi niyo—"

"Enough!" Napatalon ako sa sigaw ni Kiro. Galit na galit talaga ang mga mata niya habang nakatingin sa akin. Tinuro niya ako gamit ang isa niyang daliri. "I hate you so much, Athena. Sinungaling ka! Pinagkatiwalaan kita, namin ng pamilya ko! B-Bakit...bakit kailangan mong gawin ang bagay na 'to. Anong nagawa ng pamilya—"

Kasi kailangan. "Dahil gusto ko lang. Gusto ko lang makitang mahirapan ang pamilya niyo sa mga kamay ko."

Alam kong walang kwenta ang mga sagot ko, gusto ko lang makaalis na ngunit gusto kong makita na hindi na ako gusto ni Kiro. I want to see the hatred, the disgust, and the rage in his eyes. Gusto kong sagarin ang pasensya niya at gusto kong pagkatapos nito ay wala na akong makikita ni anino niya o kahit na sino sa kanila. Mas mabuti 'yun, wala na akong problema pa. 

"W-What?" nauutal na tanong ni dean, ang lolo ni Kiro. "A-Athena...what are you doing?"

Hindi ako nagsasalita at kalmado kong kinuha ang mga gamit ko. Kapag nagsalita pa ako ulit ay baka masabi ko na kailangan kong gawin 'to para sa kanila. 

"I want you to get out of here." Napahinto ako sa boses ni Kiro. Nanatili akong nakatalikod sa kanya. "Mom, I'm getting married to Stephanie. I'll get ready for her wedding tomorrow."