عشگ الاربعين (هديه فصل)

البارت الاول

و بحلم يصغر ضواك ويبتعد ،
  يتلاشى عمرك
تصير ذكرى ،
تصير طيف  ، تصير امس
ولمن توصل للتريده
تلكه نفسك كلشي بين جفوفك و مالك نفس
تصفن وما تلكه نفسك
كلشي بيك اتغير وصاير ممل
تحس ما داعي لوجودك
شايل اجوبتك بديك
محضر و ما تنسأل
تحسب اخطائك تمل
تعترف بيهن تذل
تتعب وتلزم ضميرك من قميصه
تستفزه ويستفزك
توكف تضربه و يضربك
معركة وصعبة النهاية
بيها واحد ينكتل
تريد ترجع للبداية
تخاف لا جدمك يزل
تاكل بروحك
حطب والدنيا نار
الغربة الاكبر يابس وما تشتعل
تركض تلم روحك من الفرهدوك
محد يردك الك
انت كاتب مهرجانك وانت قربان الحفل
تمشي بين الناس بالك مدري وين
يموت كلشي بعينك وبعدك عدل
**********************************
بيارق : لج رزق كومي ساعه سته يمته تكعدين ويمته تخلصين شغلج كومي ولج
رزق: اهو يمه بالسته بعد وكت وين رايحه ماتكليلي
بيارق : وجع انشالله ابقي نايمه بلكي ابوج يجي ويكلج بعد ماكو دوام
رزق : سمعت باسم ابوي كبل طفرت للحمام
بيارق : اي ماتجين الا بالعين الحمره
سمر : يمه شلون يوميه نفس القوانه اريد انام
بيارق : نامي نامت عليج بلوكه
سمر : اف يمه اف طفي الضوه وروحي
بيارق : يلا رزق جاي اسويلج ريوك بسرعه بدلي وتعاي لايجي ابو الخط
رزق : صار يمه خلصت هيه هاي مشكلتي اخاف من ابوي هواي لان بطلاع الروح خلاني اكمل دراسه خليني احجيلكم شويه عن نفسي وبعدين نكمل مرحبا انه رزق اسمي رزق عمري 20 سنه طالبه هندسه مدني بطلاع الروح يلا خلاني ابوي وخواني اكمل الكليه لدرجه ضطريت اشتغل وي امي بالخياطه في سبيل اطلع مصرف الجامعه لان ابوي شرط عليه ماينطيني ولا ربع لان رافض فكره الجامعه والسبب يكلي خواتج مايكملن حدهن سادس ويكعدن ماهتميت وضليت اقنع بيه شهور يلا قبل انه من محافظة البصرة حالتنه الماديه متوسطه لا بئس بها عندي ست خوان ولد اربعة متزوجين وثنين لا اخوي الجبير جبار عمره 36 سنه ومرته عفاف عمرها 35 عدهم ثلاث بنات وهسه حامل تكول انشالله ولد واخوي الاصغر منه عاطف عمره 35 سنه ومرته مريم حيل حبابه اخذها عن حب عمرها 25 سنه صارلهم خمس سنين متزوجين ستوه يلا صار عدها حمل بسبب مشاكل واخوي الثالث كريم عمره 33 سنه متزوج بنت خالتي الحيه سماء وعنده ثنين ولد وجبر 30 سنه ماخذ بنت عمي عثمان واسمها مي عمرها 22 سنه وعنده ثنين ولد وبنيه ومحمد عمره 28 مامتزوج وساجد 25 مامتزوج هذول رافضين فكره الزواج يردون يكونون روحهم وهذول كلهم بيتنه بيت واحد يعني 24 ساعه هوسه وعندي اختي اسمها سمر عمرها 18 سنه مخطوبه لابن عمي وزواجها قريب كلش بس بيت عمي مو يمنه لا بشمال البصرة يعني ارياف اصل ابوي مناك بس من تزوج طلع منهم واخيرا اختي الصغيره عمرها 16 سنه اسمها ملك حيل حلوه وتشبهني لدرجه جبيره ومرات احسها احلا خواني كلهم يشتغلون مخلصين دراسه ابوي عنده اهم شي الولد دوختكم صح
بيارق : لج رزق وين صرتي صارلج سنه واكفه تغسلين يلا بسرعه
رزق : اي يمه جايه جايه خليت ورحت كعدت تريكت بسرعه وطلعت اخذ فورتات طبعا لبسي كله محتشم وطويل لان اخاف ع نفسي ومكياج ممنوع هالامر من ابوي وانه قبلت بكل شروطه ماريد يخليلي عائق بطريقي ويخليني ابطل بنص الطريق دوم ادعي يارب وفقني وابعد عني الشر والاذيه وصلت الجامعه ودخلت لمحاضراتي طبعا انه شبه ماعندي صديقات نهائيا اضوج اكون صداقات ماعندي ثقه وجاي اشوف اشكال والوان طبعا اني مرحله ثالثه وكلش صعبه لدرجه بس اوضاع العراق حاليا مو تمام بسبب سقوط الموصل والدواعش احنه حاليا بسنه 2014 وهالشي ماعاجب ابوي كلش دخلت محاضراتي وخلصت رحت الكافتريا كعدت وحدي افكر ها نسيت اكمل الكم حياتي طبعا حياتي كلش صعبه بسبب الدراسه والبيت والخياطه مرات احس عيوني ياذني بس مع ذلك مقاومه حيل احس ابوي يفرق بيني وبين خواني ومادري شنو السبب اشوفه يحب خواتي الا انه بس صياح حصرتني الدمعه وانه كاعده مسحتها قبل لتوكع خلي اوصف الكم شكلي قصيره طولي 156 وزني 58 تقريبا تارسه يعني عندي خدود حنطاويه وخدي الايمن بيه شامه عيوني عسليه فاتح وشعري حيل طويل لركبتي تقريبا لونه بني عيوني كبار وخشمي حلو وشفايفي صغار بس بيه عيب بسيط انه حيل عصبيه ع مخبله من تجي الحاله ماعرف احد كبالي لو هسه مادري منو وهالشي يسبب الي مشاكل وي اهلي بس بنفس الوقت هاديه وماعندي اي مشكله صارلي شكد اداوم ماسويت اي خطا ومنتبهه ع ابسط شي وبالنسبه الاسمي فهالشي مضوجني يعني انه بنيه اسمي رزق شنو حسب كلام امي ابوي جان ماعنده اي شغل ويشتغل عماله يوميته ماجيب اي شي ف من صارت حامل بيه ابوي أشتغل وصار موضف ابوي اصلا خريج معهد صناعه فكال وجه هالطفل خير اذا اجه سواء بنيه او ولد اسميهم رزق المهم تعده اليوم عادي ورجعت لبيتنه وكالعاده هوسه والجناين يتعاركن لعبت روحي منهن دخلت سلمت كلها ردت
بيارق : الله يساعدج يمه شلونه يومج
رزق : الحمدالله يمه
سمر : بعد وكت عيني جاضليتي
رزق : سمر شبيج وياي ليش هيج شاده شمسويتلج
سماء : عيفيها تغار هايه
سمر : وعليش اغار عيوني الحمدالله شو احسن منها خلصت سادس ونخطبت وخطيبي يموت عليه اي شي اريده يجيني للبيت مونفسها كاضيتها دراسه وشغل ماتلحك تحك راسها وفوك هذا كله شكلها راح تعنس
بيارق : احترمي نفسج سمر لا اكوملج ادبسز ولي منا
رزق : خلي وكمت حاصرتني البجيه حتى ما تغديت المهم صار العصر وبدت النسوان تجي ع ملابسها صار عندي لحد هسه 250 الف ضامتهن مصرف وراي استنساخ حتى ملابس مجاي اشتري كاضيتها بلبستين طول السنه اشتري بس ثنين ومرات اخذ من نسوان خواني اقرب وحده الي مي مرت اخوي جبر كلش احبها وهيه هم كلش حبابه صار الليل دخلت ادرس عندي امتحان باجر دخلت امي عليه
بيارق : يمه شني ماتاكلين من الصبح ماكليتي بعد
رزق : يمه ماشتهي شو معدتي توجعني
بيارق : اسم الله عليج يمه خابروا بيت عمج يردون ياخذون اختج سبوع الجاي وابوج كلهم صار تدللون وهيه فرحانه ماتدري منتضرها ضيم
رزق : يمه الله يوفقها ويسعدها وانشالله يطلع احساسج خطا
بيارق : امين انشالله وانتي يمه شنو
رزق : ماعتقد اروح يمه عندي شغل وامتحاناتي سبوع الجاي يعني مالحك احضر حنتها والعرس ماروح وابقى يم خواني
بيارق : ولج خوانج يرحون الكبار كلهم
رزق : ابقى يم محمد وساجد مايروحون ولاتخافين مايصير بيه شي
بيارق : الله كريم
سمر : اي طبعا متروح العرس لان هيه من البدايه تغار مني وماتحبني
بيارق : انتي شبيج تخبلتي وي اختج ماتستحين
سمر : سمعت كلامها ادري بيها تكرهني وبكيفها لا تحضر وحتى الحنه لاتحضرها
بيارق : ادبسز
رزق : عادي يمه تعودت عليها شويه ودخلت ملك
ملك : يمه اريد ملابس لعرس سمر ماعندي
بيارق : منين اجيبلج ابوك روح لابوج وكليله اريد ملابس
رزق : ملوكه حبيبتي انه انطيج وامي تاخذج اجت عليه وحضنتني حيل حبابه هيه وفقيره والكل يحبها لان مومثل سمر لسان
ملك : الله يخليج الي حبيبتي ومايحرمنه منج
سماء : عمه عمه عمي احمد يصيحلج انتي ورزق
بيارق : خير انشالله شيريد
رزق : هزيت راسي بمعنى مادري خلينه ورحنه لابوي
احمد : شنو هالحجي السمعته رزق ليش ماترحين لعرس اختج
رزق : بويه
احمد : ماريد ولا حرف والكل يروح للعرس لان عمكم عزمنه ولاتنسون همه ثنين عرسان مو واحد
رزق : بويه بس عندي امتحانات نص السنه ماكدر
احمد : كتلج ترحين
بيارق : احمد عوف البنيه عدها امتحانات وماتلحك تدرس واختها عود تروحلها ورا العرس
رزق : شفته سكت رتاحيت نفسيا اباوع لسمر وجهه مكلوب عليه تعشينه كلنه والهوسه گايمه والجهال تصرخ
مريم : اي سمر يمته تخلصين تجهيزاتج
سمر : خلي اشوف امي يمته تحن عليه
بيارق : ولج هذا كله وماجاي بعينج صدك ماتستحين هسه اكوملج بالنعال
سمر : يمااااا
بيارق : وصمه
رزق : الكل ضل يضحك لان هاي امي وهذا حجيها وسمر احس بيها تضوج مني وتغار لان علاقتي بامي حيل قويه وحيل احبها وتحبني احسها صديقتي مو امي خلينه وكمنه غسلت الماعين وحضرت ملابسي ونمت تعدت الايام وعرس سمر قرب والايام تتشابه لا جديد وانه كاضيتها دراسه امتحانات دك مالحك احك راسي وكلها تشتري وتجيب وتحط وحتى حنتها ادري عناد بيه راح سويها هناك بيت عمي عثمان اهل مي ماحجيت شي قبل لايرحون بيوم صاحلي ابوي
احمد : يلا رزق حضري هدومج باجر نطلع من الصبح
رزق : وين بويه
احمد : لحنه اختج وعرسها بعد وين
رزق: بس كتلك ماروح عندي امتحانات ابقى وي ساجد بالبيت
احمد : شنو تكسرين كلامي
رزق: بويه اصلا هيه ماتحبني وماتريدني ليش اروح واخسر مستقبلي ماروح
احمد : لج رزق تلاسنيني
بيارق : ابو جبار صلي ع النبي عيني البنيه هم حقها واختها كلش ادبسز وياها ماعبالك اكبر منها
احمد : كتلج تروح وماكو نقاش
رزق: مادري شحجاني كتله ماروح وشتسوي سوي عندي امتحانات ماشوفه غير اجه عليه ضربني وعلى صياحه اجو خواني كلهم من ضمنهم جبر يردون يفكوني منه مافكوني اخير شي خشمي وحلكي ضلن يصبن دم وكلي
احمد : ماطول هيج يا رزق دراسه ماكو بعد وكليه ماكو وللعرس هم ماترحين وتبقين هنا مثل لحيوانه ادبسز لسانج اطول منج وياي
بيارق : شسالفتك يا رجال شبيك وياها ترا هيه بنتك موش من الشارع لونسيت ع عينها شفت الرزق والخير
احمد : سدي حلكج محد طلع عينها غيرج
رزق : اباوع عليهم وعيوني تصب وكتلها يمه خليه عادي وصلت بيه العصبيه لدرجه كمت وعيوني احسهن وكفن دموع هيج اصير من انقهر او انصدم بشي كتله دراستي اكملها ومحد اله يمي شي انه الاصرف على دراستي وعلى جامعتي مافد يوم اجيت ومديت ايدي الكم عيوني رايحه من الخياط والدراسه وفوك هذا كله شغل البيت والي دافع عنها كاعده مثل الملكه اصلا عادي عمري ماحسيت بيك تحبني مثل خواني عبالك مو بنتك وارجع اكلكم كلكم واكفين محد اله علاقه بكليتي لو ترا تكعدون الصبح تلكوني من الاموات وانتم بكيفكم راد يجي عليه يضربني اخوي الجبير وجبر كضوه وكال
احمد : تعانديني رزق تعانديني اريد اشوف شلون طلعين اكسر رجليج
رزق : رجعت ورديت عليه وكتله بدون خوف لعد احسبني ميته
احمد : موتتهم
رزق: اباوع نسوان اخوتي وخواتي واكفات واحس سمر فرحانه بضربي رحت عليها وكتله حسبي الله ونعم الوكيل بكل ضالم وكل شامت خليت وعبر رحت لغرفتي ونهالت دموعي على خدي ستسلمت لامر الواقع وضليت ابجي بحركه احس بلعومي يوجعني رغم هذا كله نسيت كلشي وكلت خلي ادرس محد يفيدني كضيت كتابي وضليت اقرى بيه حتى اخلص امتحاني باجر همزين راح يرحون مابقى الي بس ثلاث مواد بلكي اخلصهن قبل لا يجون ضليت اقرى لحد ما نمت كعدت ثاني يوم من الصبح لكيتهم طالعين كمت غسلت وبدلت لكيت ساجد كاعد
ساجد : صباح الخير بومه
رزق : صباح النور سلبوح
ساجد : هسه لو حلوه سويتي يلا بدلي خل اوصلج للكليه بطريقي
رزق: وابوي
ساجد : معليه بيه ابوج يريد يحطم مستقبلج اصلا عفيه عليج سباعيه كملتي وصرتي احسن من البقره سمر
رزق : ضحكت ع كلامه لان هوه شقاه هيج اوكي راح ابدل وصدك غسلت وبدلت خليت شوي خافي عيوب وجهي بيه زراك من امس رحت للكليه وضليت اراجع لحد ماصار وقت الامتحان دخلت والحمدالله جاوبت يلا بقن بس ثنين انشالله يخلصن خليت ورجعت نضفت البيت وغسلت وهدوء عكس كل مرا هوسه سويت اكل الساجد ومتعجبه ع محمد شعجب راح الضاهر يريد يشوف رقيه ههههه لايكين البعض كلش كملت الشغل وكعدت ادرس لان خياط ماعندي همزين مفتكه كملت شويه من الملزمه ماشالله اكبر من راسي سمعت طكطكه اكيد ساجد ها سلبوح اجيت
ساجد : اي بومه كومي سوي عشه جوعان
رزق: ليش بيش الساعه
ساجد : يووو ب 8 بالليل
رزق : عزا خليت وكمت هذا كله وبس ربع خلصت يمته اللحك المهم سويت اله عشه واكلنه ومرت الايام وهمزين مااجو مادري شعجب تاخروا صارلهم عشر ايام من راحو خلصت متحاناتي وراح اداوم وهمه ماكو لحد مافد يوم نايمين انه وساجد بالهول جوه ومانسمع غير الباب تفشل كمنه وساجد فتح الباب وجان اشوف اهلي بالباب بس اخواني ماكو بس محمد جاي ابوي ماكو وامي موجوده كتلها يمه شصاير شبيكم باوعت عليه وجان تكول ....