عشگ الاربعين (هديه فصل)

البارت الخامس والثلاثون

ومدري ويـن ؟
ساعـة وحده من الثـَلج..
رَدّتْ شَمـس ذيـچ السِـنين،
-امشي والدنيا بَـرد
وچُـفوفي سَـيل ..
وليل ياخـذني ،
ويِّـرد بعيوني ليـل ..
والهـوى العِـذري رِسَـم وجهك گُمـر ،
وفَـزز بروحي الجگـاير والسَـهر ،
***********************************
رزق : كتله لا تنزل الله يخليك عوفهم خلينه نروح انه خايفه كلي هسه ماتاخر لاتخافين احس كلبي طاح بين رجليه خصوصا شكلهم يخوف بقيت محافظه على هدوئي لحد ما تعاركو ونزلو يردون يضربون الشيخ بقيت ابجي بكل قوتي لحد ما ضربو وطاح ماشوف غير فتحو عليه باب السياره وجرجروني وانه اصرخ علاء علاء شسويتو بي عوفنني بقيت اضرب بيهم بس من لا جاره خلو على خشمي مادري شنو بعد وراها ماحسيت بشي فتحت عيني بمكان شبه اظلم ومابيه غير ضوه خافت وكبالي ثنين بس اشكالهم حيل موحلوه بقيت ابجي واصيح انتم شتردون مني عوفوني شسويتي بالشيخ

الرجال : بس سدي حلكج بس تبجي شنو سالفتج دوختينه
رزق : بقيت ساكته بس عيوني تبجي واحس حركه بصدري وانه مربطه اديه ورجليه ورا شويه طلعو مادري شنو يشربون لحد ماحسيتهم خف توازنهم وشبه نسطرو ريحه صارت حيل كريهه بيني وبين نفسي خفت كلش بقيت ادعي بداخلي يارب ساعدني يا رب انه بحمايتك ياعلي فدوه اروحلك احميني بقيت على هاي الحاله لحد مااجه واحد منهم تقرب عليه وكال
الرجال : لك ابو جحيل تعال شوف الجمال الي يمنه واحنه كاعدين هناك لا ونخاف من ابو دحام خاف يسويلنه شي انه مستعد اموت بس اضوك
رزق : بقيت ارجف من رد عليه هذاك كله اي ولك صدك شنو انتي بس فهميني منين الله خالقج شهالجمال هذا ماحسيت غير هذا لمس خدي صرخت كل قوتي ضليت اكول ساعدوني علااااااااااااء الحك عليه ماشوف غير الباب ندفر ودخل الشيخ جريت نفس هالمرا واجه بسرعته يضرب بيه فلشهم تفلش وياهم علي وحسن وصلاح وثنين ماعرفتهم عدل بس مادري وين شايفتهم اجه تقرب عليه وفتح ايديه وكلي
علاء: احس روحي نخمشت من شفته متقرب عليها بسرعتي نسيت حتى الم راسي كضيتهم موتتهم كتل لك ساقطين تردون تتهجمون على حرمتي اليوم ما تطلعون منا عايشين
همام : عمي تركه يولي العداله تاخذ مجراهم نحتاجهم يشهدون
علاء : ذبيته على همام والشباب ماقصرو بيهم تقربت عليه فتحتها كتلها يا نظر عيني خوب ما اذوج
رزق : هزيت راسي بلا
علاء: خوفتيني عليج احس كلبي طلع من مكانه ولج
رزق : مابيه شي شيخ بوجودك دوم الله يحميني بوجودك بحياتي بدون وعي حضنته وكتله لو ماجاي شنو جان راح يصير
علاء : اشششش حبيبتي انسي الصار خلاص المهم انتي يمي هسه خليت وطلعت والشباب اخذو الخياس للمركز وانه رحت وياهم كتله همام ابقى يم السياره انه راح ادخل بسرعه واطلع
همام : صار عمي
علاء : دخلت ورفعت قضيه وهذول شهدو ضد ابو دحام ماطولو نص ساعه اجه ابو دحام مجتفينه وكتله منا وراح تحلم تشوف الشمس برا ولك انت تمد ايدك على حرمتي ماعاش خليت وطلعت رحت للسياره شفتها كاعده ودموعها تصب كتلها شبيج يانظر عيني
رزق : خايفه ماتدري شنو الرعب الي عشته ماجاي اكدر انسه
علاء: خلاص لاتخافين انه موجود
رزق : خليت راسي على ايده ونمت منا لمن وصلت للبيت كعدني طبعا علي وحسن بقو بالمركز كالو بعدين نجي حسب كلام الشيخ من سالته والولد الثنين اجو ويانه بعدني ماعرفهم نزلت وسمعت صوت بالديوان شويه وطلعو اخواني كلهم واختي ملك وسمر شفت امي بقيت ابجي بحضنها
بيارق: سوده عليه يمه ريتني بمكانج
رزق : بقيت ابجي بحضنها نوب اجتني ملك وسمر وهمين نفس لحاله
سمر : سوده عليه ياعمري ريت عدوينج يبعد روحي بوستها وكتلها الحمدالله مابيج شيً
رزق : مابيه سمر مابيه بقيت واكفه اخواني كلهم سلمو عليه ومحمد وساجد حضنوني وانه ابجي بحركه مادري احساسي بوقتها شنو احس حياتي بلحضه رادت تضيع ولو ما الشيخ الله يعلم شنو صار بيه اباوع عليه بقى يخزر بيه كلت شبيه هذا حتى هذا الولد الطويل طبعا نسخه من الشيخ علاء يعني ولده مايشبهونه هيج
همام : عمي خليهم يفوتون جوه عليش واكفين
علاء: اباوع وكلبي شابه بيه النار اخوانها يحضنون بيها وانه حسره عليه المسها بس اليوم تغيرت الموازين كلها واعتقد نكسر الحاجز البينه وذاب الجليد همام كلي خلي يفوتون وانه كتلهم تفضلو ليش باقين برا
احمد : والله يا ابو علي ماطول بنيتنه رجع سالمه احنه نترخص
علاء : افا عليكم جايين ولبيتي وطلعون والدنيا فجر لا ابقو ارتاحو اليوم يمنه وباجر ورا الغده اذا تردون ترحون روحو بس هسه مستحيل اخليكم تروحون
احمد : تسلم يا ابو علي مانريد نزاحمكم
صلاح : صدك جذب عمي زاحمنه البيت بيتكم والله انتم الباقين واحنه الطالعين
علاء : سمعت باذنك عمي سماح بويه كومي حضري الغرف مال الضيوف
سماح : صار شيخ
علاء : كامت سماح وراحت وياها سمر وهجن واخذن رزق وملك تقرب عليه همام وكال
همام : عمي منو هاي البنيه
علاء: منو
همام : هاي الي لابسه صايه سوده
علاء : هاي مرت صلاح
همام : لا عمي مو الكصيره الي شويه طويله مرت صلاح اعرفها
علاء : اخت رزق ملك
همام : ها خير انشالله
علاء : ها همام شبيك ليش تسال
همام : لا ماكو شي بس شفتها متاثره حيل وحتى خشمها احمر
علاء : ها هيج يعني مو همه يحبون بتهم حيل
همام : الله يحفضها الهم عمي
علاءً: امين
همام : خاي احجيلكم عني يجوز هسه تكولون منو هذا وشلون يطلع بالقصه وهيج بسرعه وعلى النهايه بس خلي اكلكم بعد ما جدي الله يرحمه سلم المشيخه العمي علاء ابوي شبه سحب نفسه من كلشي يخص العشيره وحتى احنه منعنه انو نتواجد بالدواوين لان مستحيل عمي ينطي المشيخه الواحد من عدنه بعدين وهالشي ندري بيه من الصغر كلش ابوي هوه الابن الجبير العمي عصام وعمره 65 سنه يعني اكبر من عمي ب 20 سنه جدتي خلفت ابوي بس ماصار عدها اولاد ورا 15 سنه جدي تزوج وحده جانت دخيله اجتهم بس ماصار عدها وبوقتها بيبي كلبت الدنيا كلاب عليهم ابوي تزوج بعمر 22 سنه واخذ من عمامهم الي هيه امي شافها بعرس من الاعراس وكلهم لو هاي لو ماريد مرت السنين والدخيله ماتت بسكته قلبيه وراها بسنه حبوبتي حبلت وجابت عمي علاء بس من صغره جانت شخصيته حيل قويه بحيث مرات اتاثر بيه واكول اريد اصير نفسه بس ابوي قبل جان يكلي لاتصير مثله هذا واحد اناني واخذ كلشي مني حتى حب ابوي المهم مرت السنين وراها صارت سماح حبوبتي مادري شبيها بين واحد واحد قرن هههه جابت وي مرت عمي علاء الاولى وكبرو سوه وراها جابت الثاني وتوفت خطيه تعدت السنين واحنه بتعدنه كل البعد عنهم حتى حبوبتي جنه نشوفها بالسنه حسنه بس بداخلي شعور راح يجي يوم وتقرب من بيت عمي واصير وياهم بكل خطوه لحد مايوم وصل خبر موت ابن علي وصار الفصل واجت الهديه جنت حاضر وبوقتها كلت سبحان الله من يخلق يبدع بخلقه صح جان وجودنه ماله اهميه بس هسه صار اله اهميه داخل القصه خليني اعرفكم عن عائلتي شويه انه همام عبد الابن الثاني لابوي عمري 33 سنه مامتزوج رائد بجهاز مكافحه الارهاب وشغلتي الكترونيات لان اصلا انه خريج هندسه حاسبات فشغلي حيل سهل يعني تكدرون تكولون انه هكر واخترق اي تلفون واي جهاز وموبس هيج حتى بالكاميرات اعرف انصب وافرمت وكلشي بالكم وهالشي خلاني ناجح هواي بشغلي مواصفاتي كلش اشبه عمي علاء بحيث من بديت اشب ابوي يكلي من اشوفك اشوف عمك الله يطول بعمره صح ابوي ماخذ موقف بس مستحيل اشوف شخص يحب عمي كثر ابوي مايحبه هوه واخته والحد هسه مريض بسبب وفاه حبوبتي يعني ماراح اوصف شي لان انه صدك اشوف عمي بيه لان نفس الشكل والطول وحتى السمار وبده شعري يشيب ماتزوجت ولا افكر اتزوج بسبب حبيت وحده خمس سنين وبالاخير اكتشفت جانت تضحك عليه وتخوني ومنها قطعت علاقتي بشكو بنيه بالدنيا وماصار عندي ثقه بيها ماكلكم ماعندي صاحبات وسوالف مكسره بس محترم نفسي هنه يجن جوه رجليه بالنسبه العملي انه حيل احبه وما اتوقع بيوم اكدر اتركه عندي اخ جبير واحد اسمه جهاد عمره 40 سنه متزوج وعنده ثلاث ولد ايمن وامجد واحمد وكلش شاطرين وشباب صارو ماشالله وعندي اخت وحده اصغر من جهاد اسمها رقيه ومتزوجه موهنا تزوجت بكربلاء وبالعطل ياله نشوفها وانه الثالث وبعدها ماخلف ابوي كال هذول كافي ابوي مهندس بس متقاعد جان حيل يحب الديوان ويحب سوالف جدي بس ارجع واكلكم عمي بذكائه كدر ياخذ المشيخه لان صدك جان حيل ذكي ويحل اكبر مشكله بدقايق تعدت الايام وابوي غضب على عمي بسبب الهديه وبعدين زواجه من سحر جنت انه ملتهي بالشغل ماعندي اي شي ثاني لحد ما خابرني بالليل عمي صلاح وكلي جيب اخوك ولحكني مرت الشيخ نخطفت بالبدايه عبالي سحر بسً من وصلت عرفتها الهديه بس من شفت عمي متخبل عليها هنا عرفت بيه يحبها وبجنون هم وشكله جان حيل حلو بوقتها صراحه يعني مبين عليه شهكه الحب منا وقررت اوكف ويا وبعد ما اتركه وحيد لحد ما بديت ابحث واخير شي صلاح طاح بعناوينهم المشبوهه لان عمي صلاح ماشالله ماكو سرسري مايعرفه واخير شي طحنه بالشيخه وجبناها ومن خلال كلامي وياهم بعد ماتصلو عليه من المركز اتضح انو ابو دحام انسان ظالم لابعد حد وحرامي وياكل حقوق الناس جان حسب كلامهم فلس مايسوى بس البوك سوه براسه حظ المهم وصلنه للبيت ودخلنه وطلعو اهل رزق كلهم لفتت انتباهي بنيه واكفه وعيونها دم حمر وخشمها احمر بس شنو من حسن شايله احلا من مرت عمي ومرت صلاح بميه مرا احس عقلي نشل من شفتها مادري شنو بوقتها دخل لكلبي من شعور بس بقيت صافن عليها حتى من تقربت وحضنت اختها صراحه حسيت بغيره من مرت عمي بعدين دخلو وسالت عمي عليهم من كامو بس حسيته شك بيه كتله يلا عمي احنه نروح. يلا جهاد امشينه
علاء : تقربت عليهم وحظنتهم كتلهم ما انسى وكفتكم
همام : على بختك عمي انت مثل ابونه ولو ابو صغير بس ميخالف
علاء : لوما اطول مني جان عرفت شلون اربيك
همام : تمون يالغالي
علاء : خليكم هنا نامو بالديوان وي الولد
صلاح : يمعود اريد اخد مرتي واروح شبيكم
علاء : اي اخذها ياهو كاضك
همام : مانريد نزاحمكم
حسن : صدك جذب خويه تزاحمنه تحجي صدك
همام : يعني نكعد على كلبكم
علاء : احلا كعده بعد عمك
همام : اريد احجي وياك عمي
علاء : احجي بويه
همام : من اليوم اريد ابقى وياك بالديوان واتعلم كلشي منك
علاء: غالي والطلب رخيص يبعد عمك
همام : كمت بست راسه وهوه راح كال هسه اخلي البنات يجيبن الكم فراش وياكم اخوان رزق الصغار
كتله حياهم المهم راح ورا شويه صاحت عمتي سماح حتى استحي اكلها عمه بكد بتي ههههه كتله ها سموحه
سماح : عمتك ولك
همام : ياعمتي غير بكد بنتي لو متزوج بنتي بكدج
سماح : اخلص من حسن تجي انت مو وينك مختفي صارلك شهور من فاتحه امي
همام : مشغول عمه شوهاي كالت
سماح : يلا ملك وين صرتي
همام : احس كلبي ضل يدك حيل من سمعتها وهيه تكول
ملك : اجيت عمه هذن الفراشات
سماح : لك همام تعال انت وعلي اخذوهن مواديه طاحت
همام : طلعت وعيني اجت بعينها كتشفت انو عيونها صفر حيل صفر يعجز اللسان عن وصف جمال عيونها احس روحي تخدرت بعدين حسيت على روحي واخذت الفراش ودخلت صحت لك حسن كوم جيب الباقي عمتي واكفه برا
حسن : كمل جميلك يا اخي نعسان
جهاد : طيح الله حضكم انه كايم
همام : لا خليك انه ادخل
محمد : عمي تردون انه اروح
همام : لا بويه خطارنه يكون يافشله الفشله
محمد : اسمع صوت سماح وكلبي يتكطع مادري شسويً يمته اني تفض السالفه مادري انه من سويت هيج وياها جنت اريد اندمها حتى ماتتسرع بقراراتها وماتهجم بس غصب عني وراح اخلي ابوي الصبح يحجي وي الشيخ بعد مانتظر ثانيه وحده اجه همام وكال
همام : ينعل يوم اللسان عمتك صدك جذب
حسن : ع اساس هيه مو عمتك هم
همام : لك هيه بكد بتي ههههههه
حسن : والله لوتسمعك حضره لرائد
همام : هوهو ادري بيها سويلي زفه ديلا نامو المهم نامو كلهم بمكاناتهم وساجد جان حيل حباب كلش حبيته حتى رقمه اخذته ومحمد هم بس شوي ثكيل لمهم نمت بمكاني وانه افكر بيها وبعيونها صحت هاي شبيك همام تخبلت صدك جذب غفيت والغفيه غفيه ...
رزق : دخلنه جوه وانه بعدني تعبانه ونفسيتي صفر الخوف الي شفته مامر عليه كلها بدت تسالني شصار وشنو السبب بديت اسولف الهم كلشي من طلعنه لحد ما اجه الشيخ وخلصني امي بدت تبجي يمه بنيتي لو ما الشيخ الله ينطيه العافيه وهجن بس تبجي وحالتها حاله كتلها ولج مابيه شي والله صرت زينه
هجن : ماتدرين شكد تعبت والله ماعبالك ست ساعات يعني احس صارلج ست سنين
رزق : تقربت عليها وحضنتها كتلها يلا بلا سوالف كومن ودن الفراش للديوان وانه اكمل غرف الضيوف
سماح : لا حبيبتي صعدي بدلي ورتاحي وسبحي انتي تعبتي
رزق : ماكلت لا وما اعترضت خليت وكمت صعدت فوك واول ماصعدت صار بوجهي الشيخ تقرب عليه وكلي شلون صرتي كتله الحمدالله احسن
علاء : حيل خفت عليج
رزق : انه الي خفت من شفتك طايح يعني كلت صار بيه شيً
علاء: لاتخافين مابيه شي هاي كبالج جاي احجي واحس صار عندي عدم توازن
رزق : شفت وجهه صار اصفر وخطف لونه كتله شبيك شيخ
علاء : مابيه شي شوي راسي يوجعني
رزق : تعال اكعد
علاء : مايحتاج نازل اشرب ليمون يمكن ضغطي صاعد
رزق: ماتشوف شر
علاء : اهم شي انتي بخير هذا كلش كافي
رزق : بقيت صافنه عليه كتله لو ما انت جان حياتي نتهت
علاء: افا خشمي يشم الهوى وانت تتاذين
رزق : سولفلي شنو صار
علاء : صفنت عليها وكتلها بس بشرط
رزق : اشرط
علاء : تنامين يمي
رزق : خجلت حيل واحس كلبي يدك يدك حيل
علاء : شو صفنتي
رزق : لا بس
علاء : كيفج انه راح انزل واذا تردين من اصعد الكاج بغرفتي
رزق : رحت ودخلت للغرفه وبقيت جوه الدوش فتحت ماي حار لدرجه حسيت جلدي راح يحترك طلعت ولبست تراك ومشطت شعري وعفته مفتوح
هجن : صارلي ساعه احاجيج وين بالج
رزق : يمه كمزتيني شبيج
هجن : اسم الله ولج شبيج
رزق : كتلها هيج كلي الشيخ
هجن : شكو بيها رزق انتي تستاهلين ترتاحين والشيخ يحبج ترا مايراد روحه للقاضي سبحان المايغلط وكل رجال بمكانه يسوي هيج وازود
رزق : شوف منو تحجي
هجن : لاتقارنين روحج بيه رزق حسن كسرني وكسر بختي وظلمني والنتيجه بعينج موجوده بطني شتردين اسوي اخذه بالاحظان لو ما فكرت بابني يحلم اقبل بيه بس حرامات صار حمل
رزق : الله كريم وكلشي مكتوب نشوفه بقيت كاعده شوي كتلها خلاص قررت اروح
هجن : عفيه عليجً
رزق: خليت وطلعت برا وكفت كبال غرفته وانه شعري مبلول شويه وحس بروده دخلت جسمي دكيت الباب محد رد فتحت الباب دخلت الغرفه حيل ضلمه بحيث خفت كلش فتحت الباب ودخلت ماحسيت غير شخص حضني من ورا بالبدايه جسمي تشنج بس بعدين كلي اهدي انه علاء
علاء : حضنتها من ورا وكتلها اتمنى سامحيني رزق صدكيني ضليت ماكدر اعيش من دونج ثانيه ماتدرين وضعي شلون صار وبشنو حسيت حسيت الدنيا كلها صارت سوده احس روحي فقدتج وبلحضتها كتلهم اذا مارجعها الليله صدكوني اللبس شيلتي واكعد بالبيت
رزق : على كلامه حيل تاثرت ونزلت دمعتي بجيت بسكته وكتله الله يخليك الي وحشاك من كلشي انت رجال ابن رجال
علاء : ماريد شي بس قربج ماريد شي بس تسامحيني رزق صدكيني من دونج اموت
رزق : درت عليه وخليتي ايدي على حلكه وكتله اسم الله عليك لاتكول هيج انه الي اموت اذا صار بيك شي
علاء : ريحتها سطرتني وقربها يولد بيه شعور بحياتي ماحاسه صفنت بعيونها وكتلها رزق اوعدج ما اذيج بحياتي كلها واسف على كلشي سويته الج يا نبض كلب علاء
رزق : احس روحي بحلم بس بلا شعور حضنته حيل وكتله انه مسامحتك لان انه الماكدر بعد اعيش من دونك تقرب عليه وطبع بوسه خفيفه على شفتي وكلي
علاء : رزق بعد ماتحمل انه اريدج اريدج تصيرين باسمي اريدج تصيرين الي ملكي بس انه محد اله بيج شي وحتى اهلج انتي الي وبس
رزق : رجع يبوس بيه وانه احس روحي فصلت عن العالم نزل على ركبتي ماحسيت غير انه على الجربايه وهوه فوكي بده يجرء بلمساته اكثر بعدها ماحسيت على شي غير الم كلش بسيط لان جان حنين وياي بشكل لدرجه يخاف ياذيني ومن هاي الليله صرت مرته رسمي احس روحي ملكت الدنيا بعترافه وحبه وي كل لمسه يكلي انه احبج وانتي الي وماكدر اعيش من دونج خلص الليل كعدت ساعه 10 الصبح صحيح نمت ساعه سته ونص بس كعدت فتحت عيني باوعت عليه لكيته نايم على وجهه وشعره متناثر درت وجهي عليه وانا اباوعله احس روحي ذبت بتفاصيله
علاء : راح تضلين تباوعين عليه هواي
رزق : اهوووو علاء هاي ثالث مرا تسوي بيه هيج
علاء : كعدت مبتسم وكتلها حبيبتي انه نومي حيل خفيف بحيث بس تحركتي فزيت بس بقيت نايم
رزق : ردت اكوم من فشلتي جرني عليه مرا ثانيه وهم اخذني لعالم حيل ثاني يختلف احس روحي طرت فوك الغيم اخير شي كمت للحمام دخلت وسبحت احس روحي طايره واخيرا حبً حياتي الي حبيته صار الي وملكي طلعت لكيته سابح بالحمام البرا وجاي يبدل التفت عليه وكال
علاء : حبيبتي اريدج من اليوم تجيبين اغراضج يمي
رزق : كتله صار
علاء : تقربت عليها بستها براسها وبست خدها وكتلها احبج خليت ونزلت اشوف اهل رزق نزلت جوه وصبحت عليهم طبعا الكل كاعد بالهول لان حيل جبير والعائلتين
همام : صباح الخير عمي
علاء : صباح النور اجمعين الكل رد
احمد : تعبناكم شيخ
علاء : تعبك راحه تنورون انتم اهلنه
احمد : الله يطول بعمرك
علاء : تسلم ابو جبار
احمد : شيخ عندي وياك موضوع
علاء : تفضل
احمد : اتمنى ماتردني
علاء : كول ابو جبار مايردك بس اللسانك
احمد : صحيح لوقت مو مناسب بس هاي خوش فرصه والعائله كلها مجمعه وانه كبال الكل اريد اطلب ايد اختك المحروسه الابني محمد وياريت نقوي العلاقه
علاء : والنعم منكم ومن محمد محمد مثل ابني وسماح اخيتي بس القرار الاول والاخير يمها وهيه هسه كاعده وانه راح اسئلها كبالكم ها خويه شكلتي
سماح : احس روحي صرت حمرا من الخجل والفرح اريد اطير فوك الغيم بس توترت حيل كتله خويه الي شوفه انت كيفك رفعت عيني واجت عيني بعينه غمزلي ودنكت رئسا حجه اخوي
علاء : لعد على بركه الله نتشرف بيكم وانشالله لجمعه المشيه خير البر عاجله
همام : مبروك عمتي
حسن : هلا هلا راح نخلص منج
علاء : بسكم سدو حلوكم جنت بثنين صرت بثلاثه وانت همام شبيج
همام : شبيك عمي غير عمتي واحبها
محمد : واخيرا ابوي حجه واخيرا راح تصير الي شعوري ما جاي اكدر اتحكم بيه حيل فرحان وخصوصا من شفت خجلها
ساجد : شبيك خويه اثكل
محمد : انجب انت
ساجد : يمعود دشوف روحك مفضوح تحبها عيب من اخوها كاعد ولد اخوتها
محمد : من تحس باحساسي ذيج الساعه راح تفتهم
ساجد : الله يبعدنه نوب حجيت العفو شيخ رزق وين اريد اشوفها
رزق: بدلت ونزلت وسمعتهم يحجون وساجد يسال عني كتله هاي انه صباح الخير
الكل : صباح النور
ساجد : لج ها بومه
رزق : ماراح ارد عليك
ساجد : ماتكدرين
رزق : بقيت ساكته لان الشيخ خزرني حسيته ضاج من ساجد
ساجد : لك شوف محمد صايره خجوله
همام : ولك ساجد عيب من الشيخه
ساجد : ياهي شيخه هاي البومه
همام : هههن خرب عقلك
علاء: عصبت من اخوها بس حاولت اهدا كتلهم بس كبالكم اكل ياولد
حسن : خليهم يبوي اليوم عدنه فرحتين هم رجعت رزوقه بالسلامه وهم خطوبه سماح ومحمد بس فاجئني ابوي من كال
علاء: ومو بس همه خطوبتهم عقدك على هجن يوم الجمعه هم
حسن : بداخلي فرحت واخيرا راح تصير الي وتحت ايدي صدكيني ياهجن الا اخليج تنسين كلشي صار ونبدي من جديد ماتدرين بيه شكد احبج ولو تدرين تعذريني ردت بكل وسيله ماترحين لغيري بس ماجنت ادري راح يصير هيج كله من ولد ابليس صحيت على صوت همام
همام : لك ها راح تتزوج انت هم خطيه ستوه تحررت
حسن : خليك بس انت عزابي ماتفهم
همام : لك اكو احلا من العزابيه جاي احجي ودخلت النسمه البارده وكالت صباح الخير بكلبي كلت يامحلاه من صباح بقيت صافن عليها على ما اجت كعدت بين محمد وساجد حسيت روحي تضايقت كتلهم دايمه عمي انه رايح عندي شغل وهسه ب11
علاء : خليك على الغده
همام : لا عمي انه رايح طلعت ورحت وانه ضايج مادري ليش ولك همام حتى نضره ما عبرتك شبيك غبي رحت للدائره ورجعت لبيتنه وسلمت على امي وابوي بست راسه وبلغته بحجي عمي رد ابوي
عبد : اي بعد ابوك خابرني وكال احضر
همام : تمام صعدت فوك وانه مابالي غير هاي الملك وهيه فعلا اسم على مسمى تعدت الايام واجه يوم الجمعه وفعلا رحت وجنت كاشخ لابس زي عربي دخلت وسلمت على الكل والكل عبالهم انه ابن الشيخ علاء بس هوه كلهم هذا ابن اخوي وحزام ضهري تقربت عليه وبست راسه وبست راس ابوي وسلمت على الكل وكعدنه خلصنه الحجي واتفقو على كلشي وخلصنه عقد حسن وهجن وراها محمد وسماح والكل بارك الهم وبدت التوزيعات وانه لان فقير طاحت براسي بدينه انه وعلي نروح نجيب التقديم الخاص بالرجال ونرجع وصلت يم باب المطبخ وجان اشوف الاسمها ملك بس شنو من ملك طالعه مو بنيه احس روحي ماعت من شفتها نوب لابسه احمر خرب بيج حتى وهذا راح يجي علي صحت بيها لج شسوين هنا دخلي جوه لا اكسر راسج دارت عليه وكالت .....

حبايب كلبي انه اشكر كل المتابعين على كلامهم الطيب والموطيب الي اذاني وجرحني بس مع ذلك تستاهلون كل خير انتم وارجع واكلكم سبب قصر البارت لان انه بنيه موظفه ومالحك الصبح بالدوام للعصر ياله ارجع والبيت هم يريد ف كلشً اعتذر منكم وانشالله ااجاي احلا
احبكم

لاتنسون تابعوني على الفيسبوك روايات زينب عقيل الموسوي

https://www.facebook.com/profile.php?id=100087899666498&mibextid=LQQJ4d

وايضا قناتي على التيليجرام
@zainabakeel9

ورابط الواتباد للي ماضايفني يضيفني

https://www.wattpad.com/user/zainabakeel_almusawi

________*****

الى هنا انتهى البارت اتمنى ينال اعجابكم

الكاتبه زينب عقيل الموسوي