عشگ الاربعين (هديه فصل)

البارت الثالث

وبدمعه رسم ضحكه اختصر ديوان
الدنيا الوان
وحصتي من الفرح شنهي!؟
انه ماضاحك من لعام
وعلي ايامي حسبت ايام
حسبالي السهر ونسه
اثاريها الثكاله من التعب متنام
ترف مثل الحمام
بيا ذنب انلام
وليش اعله الكفر تنسام
**********************************
رزق : رجعت للبيت ورا ماخلص دوامي وجان اشوف سيارات الدنيا واكفه بالباب خفت عبالي صاير شي لان اول مرا هيج يصير بيتنه دخلت للبيت والطارمه متروسه ترس شباب وكلها تباوع كبر اي والله دخلت للبيت شفت امي كتلها يمه شصاير خير ماردت عليه سالت ملك كتلها ملوكه شصاير احجي
ملك : دخلي بدلي حبي ماصاير شي
رزق : ياماصاير شي وهاي السيارات ردت سماء
سماء : كافي خاله ضامين عليها اول تالي تعرف
رزق : شعرف سماء
عفاف : سماء كافيج بسج امها ماحجت انتي شكو
سماء : والله حبيبتي هيه بنت خالتي ومثل اختي
عفاف : اي مي هم بنت عمها شو ماحجت
سماء : بكيفها بعد
رزق : كلش عصبت كتلهن تحجن لو لا
بيارق : كافي سكتن انه اكلها
رزق : كولي ماما شصاير
بيارق : اخوج دعم طفل بيوم عرس سمر اختج عمره خمس سنين ومات
رزق : ضليت صافنه كتلها لا يمه تشاقين ادري انه صح
بيارق : ما اشاقه رزق الله يخليج كافي مادري شنو مصير اخوج او شنو راح يطلبون من عدنه
رزق : وهذا الحجي قبل 15 يوم وساكتين مو
سماء : جا شنسوي خيه الله يعديها ع خير
مريم : امين خيه والله حال سمر بيومها مايسر
رزق : ليش شبيها
مريم : كضتها بجي والعرس خرب كبل من السياره لغرفتها هيه والعروس الثانيه ولو شايفه مرت عمها ام رجلها ضلت تعد وتصف عليهن وتصيح فكور انه من البدايه ما ردتهن بس شسوي لولدي رادوهن
رزق : شهالحجي قضاء وقدر الي صار اختي شعليها
سماء : موبس هيج لحد هسه رجلها مامتقربً الها
رزق : هالشي بينهم معلينه المهم علينه بمشكله اخوي شوي وسمعت صوت عياط واحد يكول الدم بالدم امي ضلت تبجي وتصرخ هناك وسمعت صوت صيحه بس بصوت رجولي وخشن كله  علييي انه موجود انت تسكت متت انه حاجيني متت هذاك كبل كله اسف بويه شويه وهدا الصوت بس بعدين مانعرف شنو صار وراها بساعه طلعوا الناس واجو خواني وجوهم مكلوبه بس ابوي وجهه ضاحك امي سالته
بيارق : بشر ابو جبار شصار
جبار : شصار يمه متكولين شصار طيحوا الفصل وكال الشيخ الصار قضاء وقدر بس
بيارق : بس شنو احجي بس شنو
محمد : بعصبيه بس شنو يمه سالي ابوي شنو سوه
بيارق : ابو جبار شصار احجي
جبر : يمه ابوي انطه رزق هديه للشيخ
رزق : كبل صرخت شنووووووووووو شجاي تحجي جبر احجي بابا صدك يكول
بيارق : يمه بنيتي وانت ليش سويت هيج ليش
احمد : خلصتو حجي بنتي وبكيفي واريد مصلحتها
رزق : اجتني حاله الاعصاب وانت شعليك تقرر مصيري لا فوك هذا كله هديه والمن الفصل ع مود يصير صلح مو وانه شنو هنا احجي مالي راي مالي دور انت ابوي ع عيني وراسي بس انه مستحيل اروح وشتريد سوي عمري عبر السن القانوني والي تريده سويه حجيت هيج توجه الي وضربني وكلي
احمد : غصبا عليج ترحين موكيفج وكلمتي ماصير ثنين طول عمرج وجه فكر مايصيرلج جاره بعدين منو كلج تاخذين الشيخ يجوز واحد ولده
رزق : رجعت كتله وانه كلت موانت تقرر مصيري فتهمت رجع ضربني وضل يضرب بيه وامي جر بيه عوفها حسبي الله ونعم الوكيل
ساجد : كافي حرام عليك ماتخاف من الله سنين واحنه ساكتين وانت تظلم  البنيه حرام عليك شابعها ضرب ورزايل عوفها
رزق : كام ودفعه ستهترت ضليت الطم ع وجهي واصرخ وكله ماروح لوتموت فتهمت وماسامحك طول عمري حتى لو ابوي صرخت صرخت بعدها ماحسيت بشي فتحت عيني ع كيف ورا مادري شكد الدنيا بيضه وضوه قوي كلش ماجاي اشوف عدل اسمع صوت امي تبجي يمي وخواني
محمد : حمدالله ع سلامتج ياروحي بنيتي
رزق : وين انه
محمد : بالمستشفى حبيبتي
رزق : شكد صارلي ماتذكر شي
محمد : صارلج يومين هنا كومي شتاقينه لصوتج
رزق : يمه وينج تقربت عليه
بيارق : ياروح امج كولي حبيبتي
رزق : جنت احلم صح
بيارق : لارد
رزق : محمد جنت احلم صح الصار كله حلم
احمد : لا حبيبتي موحلم ويلا كومي بالسلامه رجلج منتضرج
رزق : مارديت عليه محمد الله يخليك لاتسوون بيه هيج مستقبلي يضيع كله الله يخليكم
احمد : وانتي هيج هيج ماراح داومين بعد وخليج لاترحين للشيخ وشوفي شراح يصير وياج
رزق : الله ينتقم منك يارب
احمد : لاتخليني اتصرف غير تصرف وياج
رزق : سكتت وراها طلعوني للبيت رجعت والكل تحمدلي السلامه جاني عبودي صغير ابن اخوي جبر اموت عليه عمه عمه حمدالله ع ثلامتج كتله ياروح عمتك الله يسلمك رجع كلي ثتاقيت الج ضحكت ع كلامه كتله انه هم شتاقيت الك
سماء : حمدالله على سلامتج خيه
رزق: الله يسلمج
سماء : اي بعد حضري روحج يومين وترحين لرجلج وهنا خدم وحشم
مريم : ليش تحجين هيج انتي شعليج تردين تنكرهين
سماء : وشحجيت انه هسه كلت الحقيقه والي كاله عمي امس ع العشه
رزق : وعمج يحلم اروح هديه ع مود شي مامسويته
سماء : والله كيفج
رزق : مي ماشفتها
مريم : فوك هسه تنزل
سماء : جا موطلعت حامل وستلمتنه مناحه
رزق : صدك
مريم : سماء شلون بيج
سماء : شحجيت هسه انه غير الحقيقه
رزق : صيحوها الي
عفاف : حبيبتي رزق عمي يريدج
رزق : ما اجي كليله نايمه
سماء : يا هذا ابوج رزق عيب
رزق : ترا انتي حيل مصختيها اطلعي برا سماء اكول بنت خالتي واكبر مني وساكته الج ترا ازوع (اتقيء) بطني كلها هسه لاتخليني اعصب
سماء : هيه هاي جزاتها تتجاوزين عليه
رزق : خلت وكامت صراحه ضجت عليها حيل بس تستاهل تتدخل بشي مايخصها ماشوف غير الباب نفتح كل قوته
احمد : بنت الكلب موكلت تجين انتي تردين اموتج بيدي
رزق : اموت بيدك واندفن ولا اروح هديه والله حضرتك طخت بعقلك
احمد : انتي صدك مامربايه بس راح اعيد تربيتج من جديد
رزق : انه متربايه احسن تربيه امي ربتني بس انت جاي تضلمني ومستحيل اخسر مستقبلي ع مود ارادتك
احمد : وغصبا عليج ترحين واذا ماترحين حتى الكليه تنسيها وتشتغلين خدامه
رزق : كمت وكفت وعليت صوتي واجو خواني وامي صرخت امي عليه
بيارق : رزق كافي حترمي ابوج هذا
رزق : ابوي ها وين اكو ابو يشمر بنته هيج شمره وين اكو ابو يحارب بنته حرب نفسيه وين اكو ابو يهدي بنته لشيخ حتى بس يكبر بعينهم ويصيرون اله ضهر ها كليلي وين اجاني هجم عليه وضل يضرب بيه ومحد دخلً عبالك مو بنتهم
احمد : ادبسز لسانج بطول نعال محد مربيج بس انه راح اربيج وغصبا عليج ترحين عكب باجر واريد تشوف كواد يوكف كبالي طايحه الحظ ساقطه
رزق : ضل يضرب بيه اخير شي اجه محمد وساجد دفعو عني وكعدت ابجي بحركه احس صوتي راح اختفه من البجي وحلكي يصب دم وكصتي هم لان انضربت بحافه الجرباية وكعدت ابجي بصوت مبحوح لحد ما تعبت من البجي ونمت كعدت بالليل باوعت للساعه ب 10 بالليل ضليت ابجي من تذكرت الضلم الي جاي اتعرض اله انه شنو ذنبي اريد بس افتهم شمسويه بحياتي ليش يكرهني ليش ضحه بيه وانه جاي ابني مستقبلي ليش شنو سويت بحياتي رجعت ابجي لحد ماتعبت اخير شي كمت كضيت الحايط باوعت للساعه ب 1:30 بالليل اخ من ال 10 لحد هسه بجي كمت ضليت اسند روحي ع الحايط رحت للحمام شمرت ملابسي اباوع جسمي كله زراك واذا ابوي الله يكسر ايده نوب كلت استغفر الله اسفه يارب موقصدي سامحني هم ابوي هذا وادري عليت صوتي عليه بس هاي عصبيتي الماكدر اسيطر عليها باوعت لروحي بالمرايه حلكي مورم وبيه زراك والدم ناشف ع وجهي غسلت ولفيت روحي بمنشفه وطلعت محد كاعد كلها نايمه بطلعتي صارت بوجهي سماء اجت وراي للغرفه
سماء : سمعيني رزق اريد مصلحتج صدكيني انتي تبقين بنت خالتي صحيح انه مانكر لساني طويل وادخل باشياء موصحيحه بس صدكيني احبج واريد مصلحتج انتي احسن من اختج سمر الحيه سمعيني
رزق : شسمع سماء شسمع مستقبلي ضاع
سماء : سمعيني رزق الرجال حسب ماسولفلي كريم انسان مثقف واعي ويخاف ربه ومصلي وصايم حتى ولده نفس الشي صدكيني قبلي ترحين ع الاقل تخلصين من ضلم ابوج وماتدرين يجوز رب العالمين كاتبلج شي حلو يجوز هوه يوكفلج بدراستج ويدعمج رجال متمكن وصاحب مركز عالي وفوك هذا كله فلوسه ماينعدن اخذي حجايه مني شسوي باقيه هنا وابوج يحاربج حرب نفسيه ويكعد يضرب بيج وانه ادري وانتي تدرين كلش زين التفرقه مبينه بينج وبين خوانج الباقين رغم انه ادري انتي وجهج كله خير واي مكان دخليله ينرزق واسمج اسم على مسمى وجه خير ع كل شخص دخلين حياته فكري بكلامي وماتخسرين
رزق : حجت هالحجي وطلعت وفعلا كلامها اثر بيه بس شويه رجعت بعدته عن عقلي وكلت مستحيل اسوي الي يريده ابوي نمت وانه افكر بكلام سماء وصراحه رجع قنعني مرا ثانيه كعدت الصبح حلكي مورم اكثر ضليت ابجي ع حضي وحالي اجتني امي
بيارق : ولج يمه ليش شلعين كلبي ليش سوين هيج بروحج
رزق : لعد اخلي يدمرني
بيارق : ولج يمه تزوجي خلصي من ابوج
رزق : لو يموت ماسوي الي يريده موسلعه انه ويهديني مافكر بصورتي كبال اهل الشيخ هذا مادري شنو شكله يطلع شايب عايب
بيارق : ولج مواله لواحد من ولده
رزق : ولج يمه شدراج مامتزوجين واحد منهم متزوج لان ابنه المات شدراج الثاني مامعرس
بيارق : احسن من كعدتج تحت رحمه ابوج
رزق : بس خواني وياي وبصفي
بيارق : بصفج رزق بصفج لا حبيبتي موبصفج ابوج كلب راسهم وكلها ماتكدر تعارض كلام ابوج لونسيتي
رزق : الله موجود
بيارق : كيفج دباعي لوجهج الحلو شلون مزورك
رزق : يطيب
بيارق : وشدراج مايضربج اكثر
رزق : لعد الموت ارحم الي يمه
بيارق : انتي الجبيره العاقله ولج يمه فكري
رزق : جاي احجي وطبت ملكً
ملك : كلام امي صح رزق ابوي ماراح يرحمج وتدرين بيه شكد قاسي
رزق : بس وياي ملك
ملك : شدراج هالشي راح يغير من حياتج
رزق : وشدراج ماراح اتاذه
ملكً: يكولون عنده خوش انسان
رزق : معليه بالي يكولون المعاشره تختلف ملك وانتي صغيره لاتدخلين بسوالف الكبار
ملك : انه احبج واخاف عليج من ابوي
بيارق : حاجيها يمه كلبي ورم من وراها
رزق : خلن وطلعن ضليت بغرفتي وراها صار العصر وهم اجتني مي
مي : حلوتنه شسوي وحدها ماتجي يمنه
رزق : ماضليت حلوه
مي : حتى وانتي مزوركه عسل
رزق : ضحكت ع كلامها دوم طلعلني من همي
مي : سمعي رزق تدرين بيه شكد احبج
رزق : ادري
مي : وماغار منج واريد مصلحتج
رزق : اي
مي : لعد سمعي
رزق : وضلت تحجي ورجعت عادت عليه حجي سماء كتلها ليش تردوني اروح هديه رغم ماناقصني شي حالي حال اي بنيه
مي : ومنو كلج ماضايجين عليج بس صدكي من حاجاني جبر صدك حياتج راح تتغير
رزق : مادري مي مادري عوفيني بحدي وطلعت مني وضليت افكر بكلامها وكلام سماء وامي بس مع ذلك ماتنازلت عن مبدئي صار ثاني يوم الصبح كعدت وتوجهت الابوي وكلهم كاعدين وانه حاسمه قراري بعد تفكير طويل كبل كتله بابا انه فكرت وجوابي هوه .....