عشگ الاربعين (هديه فصل)

البارت العشرون

راحت ...وانچفت شيلتها بـ الروح ،!
وبـ عيوني تبده الضحك دمعه،
منهد ما غمضت ، ماشفنه كل خير،!
اطلع من عسر ، وتردني وجعه
**********____________*********

هجن : اصوات البجي والحزن الي ملت المكان حيل مؤذيه كفيله انو تخلي الكلب ينزف من حزنه ذكرتني من توفت امي كنت وحيده صح بينت مامهتمه بس فقدانها كسري تبقى امي وحنينه عليه لتهينه انه ورزق بالناس الي جاي تجي تعزي ورزق اصلا مابطلت بجي حتى وهيه تشتغل انه ماشفتها ولا لتقيت بيها بس مبينه حنينه وهاي الاسمها سحر حيل اذتنه خرب يومها مو مره شيطانه اكلج رزق انتي شلون متحملتها لج لو انه بمكانج انام فوكها ومن شعرها اهلسها تهلس بس انتي مادري شبيج هيج بارده
رزق : حبيبتي عوفج منها اكو رب كريم كفيل ياخذ حقي
هجن : اااا ياخذ حقج جاي احجي وياها ودخلت بنيه وياها ثنين اطفال تصرخ وتبجي
هند : ولج يمه ماتستاهلين ياحنينه يا حبيبتي يايمه فدوه اروحلج يعني حسن راح وانتي هم
هجن : بدت تصرخ وتبجي وانه مادري شعلاقتها بحسن معقوله اخته نجبي هجن ماعنده خوات همه بس ثنين علي وحسن صار عندي فضول سالت رزق عنها وجاوبتني كالت مرته نصدمت من كلامها شويه وجت الحربايه سحر صاحت على رزق وكالت الها
سحر : يلا كومي جيبي جاي
رزق : انشالله
هجن : اوكفي اوكفي شنو انشالله وانتي شبيج مكسره مثل ما هيه هنا جنه انتي هم حالج حالها
سحر : لو ماخطار اعرف شلون اتصرف وياج لسانج بطول النعال
هجن ؛ صدك ماتستحين
رزق : كافي هجن عوفيها
هجن : اخ ياروحي شبيج رزق تحجين صدك تخلين وحده نفس هاي شغلج خدامه عدها
رزق : ماريد مشاكل الشيخ ماناقص كافي الي صار وياهم
هجن : مكسور كلبي على سماح حيل متاذيه
رزق : خطيه جانت حيل متعلقه بيها الله يرحمها
هجن : مبينه حنينه
رزق : اكثر مما تتصورين هجن حيل حنينه
هجن : للاسف ماشفتها
رزق : كعدت على الكرسي بعد ما خليت الجاي على النار انه ماخاف من سحر بس ماريد مشاكل لان علاء ماناقص هيج وحده تصيح براسه خليني احجيلكم شنو صار بهذاك اليوم جنه كاعدين نحجي والكل يضحك راحت سماح تكعد امها فجئه سمعنه صوت صريخها رحنه كلنه نركض وبهذا اليوم انتقلت الى رحمه الله بهذا اليوم دخلنه كلنه صدمه لان هيه امس مابيها شي وحده بقت اخ يمه ضلينه نصرخ ونبجي وبيومها الشيخ طاح علينه وحتارينه المن نروح صارت الدفنه والولد اخذوها وما اخذو الشيخ لان حالته تعبانه بقيت يمه نايم على القنفه ورحت كعدت قريب عليه تلمست وجهه ومسحت دموعه كتله شيخ قوي نفسك كلنه على هذا الطريق والله يرحمها راحت طيبه وحنونه هذا الحجي احجي وهوه يبجي كعد على حيله وكف كمت وكفت كباله بدون اي مقدمات حضني كل قوته وبقى يبجي وكال
علاء: رزق نكسر ضهري رزق امي راحت شلون راح اعيش حياتي شلون راح اكملها
رزق : شيخ الله يخليك انت مهم بالنسبه النه والناس بالديوان نترس لازم تروح وتقوي روحك انت خيمتنه وانت جبيرنه ومانتحمل يصير بيك شي
علاء : كلامها شوي قواني احس روحي طلعت فكره امي راحت ماجاي استوعبها احس روحي مصدوم اخذوها ومارحت وياهم لان صحتي تدهورت بنفس اللحظه الي شفت امي بيها طايحه على فراش الموت صحت ولج يمه مالحكتي تشوفين حسن رجع يمشي على رجليه وهوه مات عليج راد بس يشوفج حبيبتي يمه
رزق : ضليت ابجي ويا حجه يكطع الكلب باسني براسي وطلع لابس اسود باسود وعيونه سود من جوه بدت الفاتحه وبدت النسوان يجون لان المات مو شويه الماتت شيخه الشيخات فدوه اروح الاسمها لبسنه الاسود وسماح اصرت الا تروح وي امها بهاي الفترا القليله احس شكو زعل بداخلي من الشيخ شكو حقد راح من داخلي لازم اوكف ويا بكل لحظه مرت عليه بدت سحر ومضايقاتها تحسسني انه خدامه هنا وانه ماريد اسوي مشاكل لليل رجعو الدفانه من النجف وهنا بدت الاصوات تعلى  ماكتلكم الشيخه طولت بالمستشفى ياله خذوها دفنوها رغم معارف الشيخ والولد رجعو بالليل وسماح كطعت روحها من لبجي وحسن مو احسن منها ثنينهم تكابلو ويبجون
حسن : ولج حبوبه وين رحتي انتي الربيتني ورا امي ماراحت ولج حبوبتي مالحكت اشوفج
سماح : يمه سوده عليه كون يومي ولا يومج
رزق : الكل ضل يبجي بهذا الموقف الي صار بهذا اليوم كوه تمددنه عيوني احسهن حمر من البجي كعدنه ثاني يوم وعلى نفس الوكفه اجت هند وضلت تبجي رجعه حسن محد يدري بيها لحد هسه لان الفاجعه الي  صارت اذتنه حيل وضلت تصرخ وتبجي ودخلت جوه اجتني هجن
هجن : اكلج رزق منو هاي بنت الشيخ
رزق : لا حبي هاي زوجه حسن صفنت بوجهي وكالت
هجن : ها خطيه ماتدري بيه عايش
رزق : اي خطيه
هجن : بقيت مصدومه من كلام رزق شنو مرته شنو متزوج ليش ماكلي ماخليت اهميه للموضوع لان انه اصلا خطار هنا
رزق : حبي شبيج ؟!
هجن : لا بس مادري بيه متزوج
رزق : ها يجوز ماصارت فرصه شويه واجت سحر وتدرون الي صار بعدين شنو لليل على نفس الموال وسماح كلساع طيح انه عيوني غوشت من البجي بعد ماكدر اتحمل موتها اذانه كلنه مره حكيمه حنينه حيل حنينه يعني حرامات تروح هيج بشربه ماي اجت هند
هند : اخ يا رزق الله رجعلي حسن بالسلامه
رزق : گره عينج بعد روحي الف الحمدالله على سلامته
هند : اخ هسه رتاحيت صح الحجيه فراكها مو هين منو انتي
هجن: اني هجن
هند : اهلا وسهلا
رزق : حبي هاي البنيه الي ساعدت حسن لو ماهيه جان هسه ميت
هجن : تقربت عليه وباستني حيل وكالت مشكوره بعد روحي ماتقصرين فدوه رحتلج رجعتي ضوه بيتي الي هسه ياله رتاحيت  كتلها واجبي اي شخص بمكاني يسوي هيجي
هند: لاخيه نعرف هذوليج المناطق يكرهون اهل الجنوب اسفه منج يعني
هجن : اني بغداديه حبيبتي عادي احجي عليهم
تقى : مساء الخير بنات
الكل: مساء النور
هند : شبيج تقى شو تعبانه
تقى : مادري من اجيت العصر لحد هسه بطني تاذيني
هند : خاف ولاده
تقى : لا خيه ماصارلي هواي بالتاسع من دخلت صارلي سبوع
هند : مو هوه ابنج الثالث يعني مستحيل هيج لعد عمر وين
تقى : بقى عند اختي مابيه اركض ورا
هند : اي حقج حيل ثكلانه احسج
تقى : كره عينج برجعه حسن
هند : لاتكولين احس روحي طايره من الفرح رغم الحزن الي بكلبي على الشيخه
سحر : انه شحجيت وين الجاي رزق
سماح : لج سحر شعبالج ملتهين بالعزا وتاخذين راحتج وي البنيه انتي هسه سوين الجاي وتجيبينه وكلمه ماسمع منج
رزق : صراحه فرحت بداخلي كمت يمها وحضنتها كتلها قوي روحج حبيبتي
سماح : اخ يا رزق اريد اموت فراك الام يكسر الضهر كسر
رزق : الله يرحمها شلعت كلوبنه وراحت
الكل : امين
رزق : صعدنه فوك انه وهجن والشيخ مايدخل للبيت كله برا رجعت حالته بيوم سمع حسن مات بس شالفايده حسن مادفنه بس الشيخه اخذوها وراحت هناك والها مزار ومالها رجعه منه بعد تعدت الايام وصار على وفاه الشيخه عشر ايام والحد هسه ماشفت الشيخ يجي علي ياخذله ملابس ويروح هنا يسبح بحمام الديوان بدت الخميسيات مالت الشيخه وتوزيع وثواب وبيوم واكفين جاي نطبخ وجان تدخل سحر توكف يمنه شويه شو لعبت روحها وركضت الحمام بقيت اباوع بوجه هجن وهيه تباوع عليه عرفت بيها حامل قبل لا تروح وقبل لا تحجي اصلا للعصر اجت امها اخذتها وراحت للدكتور لان حسب كلامها صارلها هواي على هاي الحاله وتتقيء لتهينه بالناس والخطار الي موجودين مانطيت اهميه الها لان صراحه جنت حاسمه قراري انو ارجع الاهلي لان تعبت مليت من هاي العيشه شبه راح انقرض من القهر والضعف الي بيه انه حتىً اكلي شويه شويه للمغرب اجت والضحكه شاكه حلكه شك
هجن : مبين حامل
رزق : الله بكومها بالسلامه ضلينه نسولف شويه وجان نسمع تقى تصرخ ركضت عليها لكيتها جاي تنزف والالم ماخذها كبل طلعت برا صرخت حسن حسن علي منو هنا اجاني الشيخ وعيني صارت بعينه ركض عليه كلي شبيج رزق شصاير بيج شي كتله شيخ تقى جاي تجيب وكلش متاذيه صاح لعلي اجه وراحت وياها سماح خطيه وين ساعه ب 12 بالليل كاعده بغرفتي بعد ماخلصت كراب وتنضيف وهاي منا احسها تقهر بيه عبالها مهتمه بس الحجي بينه حيل نقهرت احس وجع بكلبي مادري بس طنشت هذا الوجع رجعت سماح وكالت جابت ولد والولد زين الحمدالله راحت الاهلها هسه شسمو
سماح : سمو جمال
رزق : حبيبي الحمدالله على سلامتها
سماح : جنت اتمنى امي موجوده
رزق : الله يرحمها
سماح : امين
رزق : ضلت تبجي وهجن هم كاعده يمي ضلت تبجي كتلها سموحه كافي حبيبتي بعدين حيصير عندج ابن اخ جديد
سماح : ليش منين
رزق : سحر حامل
سماح : لا كاعده جذبين
رزق : والله
سماح : تحجين صدك
رزق : شبيج مافرحانه
هجن : حقها ماتفرح اذا هيه بكد بيبيتي
رزق : ولج هجن بس عيب
سماح : لا صدك بكد بيبتي
رزق : هه خرب يومجن
سماح : رايحه انام
رزق : تصبحين على خير خلت ونزلت واحنه هم نمنه فزيت من النوم الساعه 3 الفجر نزلت جوه بعد ماسمعت طكطكه شفته الشيخ كتله شيخ محتاج شي دار عليه وكال
علاء : شما اوصف شعوري بالايام الفاتت احسه قليل بحق احساسي احس روحي نكسرت شفت امي نايمه وروحها مسلمتها للعزيز الجبار مابيدي شي اسويه اكتفيت بالسكوت تخربطت حالتي وتعبت نفسيا انطتني رزق جرعه قوه قليله كفيله انو تخليني واكف على حيلي هسه بوقتها حضنتها حسيت روحي شوي مرتاح التزمت الفاتحه وماقصرو اهل رزق ويانه بكل يوم مرت الايام وانه ماشايف رزق ولا داخل للبيت اصلا كضيتها بالديوان نايم وضغطي كلساع يرتفع يمكن نزلت عشر كيلوات بهاي العشر ايام فقدان الام شي موسهل ولا يكدر بشر يتحمله الله يرحم كل ام راحت وفقدوها اعزائها اكثر واحد تاذه وراي حسن لان جان حيل متعلق بيها لان هيه الي ربته من عمره يوم لحد هاي اللحضه وحتى بالدفن راح وياها من صار العزا الناس حتارت تعزي لو تفرح برجعه حسن بالسلامه مرت الايام وبيوم ولاده تقى مرت علي شفتها وجانت حيل ذبلانه ومتغيره وملامحها هم تعبانه كالت الي الوضع لليل رجع علي وبلغني صار عنده ولد تحمدتله السلامه نوب دخلنه جوه صعدت انام تلكتني سحر
سحر : الله يساعدك شيخي
علاء : هلا
سحر : شبيك وياي شيخ يعني هيه هاي تقابلني هيج مقابله صارلي ماشايفتك عشر ايام
علاء: تقربت عليه حاوطت ركبتي وخرتها كتلها سحر تعبان
سحر : وانه محضره الك مفاجئه
علاء : مفاجئه شنو
سحر : حبيبي اني حامل
علاء : الخبر صار عليه مثل السم كتلها شلون حامل يعني
سحر : شنو شلون علاء يعني موتقربت مني شنو منين
علاء : ويمته لحكتي تصيرين حامل
سحر : شبيك شيخ ليش هيج تعاملني ليش انه مو مرتك
المفروض تفرح
علاء : سكتت وماحجيت كتلها تكومين بالسلامه تمددت على جربايتي مافرحت بخبر حملها كلش مادري ليش لل 2:30 نزلت ماجاني نوم احس النوم زعلان مني من يوم الطلعت امي من البيت وماراح اشوفها بعد وبالي يم حمل سحر ماريد يصير بينه اطفال ماريد شي يربطني بيها وانه كلبي وروحي يم رزق ويم عيونها بقيت واكف ومنطي ضهري للباب الحد مااجت هيه وسمعت صوتها كتلها لا مامحتاج شي سلامتج بس مااجاني نوم
رزق : الله يساعدك
علاء : ويساعدج بقت صافنه بوجهي وكالت
رزق : الف مبروك شيخ
علاء : على شنو
رزق : على حمل سحر تكوم بالسلامه
علاء : ها الله يسلمج يلا رايح انام صعدت فوك وجايه تباركلي هم لعد شكد مومهم عدها شوفتها عافيه الي وهيه مايهمها وجودي بقيت كاعد مانمت احس النوم جافاني وما اكدر اغمض جفن نزلت بوجهي للديوان ماشتهي اي شي بقيت كاعد والناس رايحه راده حتى الفصول وكفتها لان تعبان وشغلي مادري بيه شصار بيه المهم كاعد بالديوان اجاني صلاح وكلي
صلاح : رجعه حسن وموته ام علاء حيل اثرت بيه لان احبها انه عمتي غيده حيل احبها مره من اهل الله اول ثلاث ايام لتهيت بالفاتحه رغم الي صار بس ماراحت من بالي هاي المادري شنو اسمها يا اخي حتى اسمها ماعرفه اخذت فترا نوب من خلصت الناس رجليه وحدهن اخذني الها رحت كبال بيتهم تقريبا ساعه 3:30 الضهر ضليت اباوع على الباب تمنيت تطلع وصدك شويه ونفتح الباب راحت تتشمى نزلت مشيت وراها وكتلها لج اروح فدوه للمشيه
سمر : حسيت واحد يمشي وراي لحد ماذب حجايه عليه كتله انته صدك ماتستحي وماتخجل درت عليه لكيته هذا الي يعود للشيخ كتله انته شتريد مني رد عليه وكال
صلاح : عادي ماخجل اهم شي اذوب من اشوفج وانه ماريد شي ردت اشوفج
سمر: رجال شكبرك وشكدك طاح حظك عود ابن شيوخ
صلاح : تقربت عليه بعصبيه كتلها شكلتي ولج انتي كد هالكلام كضيتها من ايدها وكتلها يصير خير بنت احمد نترت ايدها ومشيت حيل وكلت انه الج بسيطه الا اطيح حضج ادبسز مامتربايه وصلت يم ديوان الشيخ دخلت سلمت عليه وكتله شيخ انه جايك بطلب
علاء : كول صلاح شبيك معصب
صلاح : شوف خويه وسولفت اله انه شكد معجب بيها بختصار علاء ماريدها تضيع من ايدي
علاء : سهله يخوك انت طلبتني ومايصير خاطرك الا طيب انه اخطبها الك بس خلي تطلع امي من الاربعين وسهله
صلاح : اسف يخوي اجيتك بهيج وقت بس ماتحمل
علاء : باوع امي عزيزه وغاليه واعترف كسرن ضهري بس الحي ابقى من الميت
صلاح: اروح فدوه الك اخيي الغالي خليت وكعدت بعد مانهيت الكلام وي علاء وكتلها بسيطه انه اعملج وهاي كلمه الله يطيح حضك الا اندمج عليها رجعت كتله اكلك هيه شسمها
علاء : اسمها سمر
صلاح : خوش سهله سموره يصير خير خليت وكمت خابرتني سحر
سحر : مساء الخير
صلاح : شرايده سحر
سحر: هسه انه حامل
صلاح : والمطلوب شنو
سحر : اريد اتخلص من رزق ماريد اشوف وجهه بحياتي
صلاح : البنيه شمسويتلج يجي يوم وتروح الاهلها لان هيه ماتريد تبقى
سحر : اموت واعرف شرجعها
صلاح : هالحجي بينها وبين رجلها وبسج عاد
سحر : الضاهر قررت ما تنتقم من علاء
صلاح: هالشي راجع الي مو انتي الي تحددينه
سحر : يصير خير
صلاح : سديت الخط بوجهه وصلت للمكتب
كاظم : بعد وكت هسه شفناك
صلاح : شسوي يخوك ملتهين بهالدنيا
كاظم : ها
صلاح : تدري انت ويانه من احنه وصغار وتدري بيه شكد احبك واحب امك
كاظم : امي تبقى الي ربتكم
صلاح : نجب خايس
كاظم : هسه شحجيت يا حبيبي
صلاح : اخ ياكاظم شكله رجع ينبض
كاظم : شنو هوه
صلاح : كلبي
كاظم : اريد اعرف شبيك وي الشيخ
صلاح : راح اسولفلك كلشي بس توعدني يبقى سر
كاظم : وعد
صلاح : بديت اسولف اله من البدايه لحد هسه من شفت اخت رزق
كاظم : بس انت غلطان تريد تنتقم منه على شي مايدري بيه وبعدين هيه ختارت الشيخ لان تحبه
صلاح : بس ليش ماحبتني
كاظم : يبقى الاختيار من الكلب يطلع وهيه حبت الشيخ ماحبتك الك
صلاح : كلامه وعاني صراحه اكلك هسه انت كلامك صح لو لان موجه كلبي تغيرت
كاظم : شنوًعجبك بيها
صلاح : شكلها كلشي بيها حلو واخير شي اليوم سولفتله شنو صار
كاظم : هههههههه صدك تحجي
صلاح : لاتضحك كاظم لا اطيح حضك
كاظم : والله زمن صلاح يعشك
صلاح : وليش مثلا موبشر
كاظم : يعني تحبها
صلاح : لا بس الا اندمها على اليوم الي فكرت بيه تجاوز عليه الادبسز
كاظم : يوووو والله بطران الله يهديك
صلاح : هداني هداني مر الاسبوع وجت الخميسيه الثانيه للشيخه الله يرحمها برحمته رحت ولتهينه بالمسواك وانه جاي ادخل المسواك دخلت هيه وامها واختها باوعت عليها خزرتها هيه كبل كلبت وجهه ودخلت كلت بكلبي اي اي ابقي هيج يجي يوم وطيحين بيدي الا اطيح حضج ياسمر بس بنت الكلب طالعه تخبل عود مامخليه مكياج خليت وطلعت وبدينه نصب الاكل وجونه ناس من برا يركضون وجان يكولون ......

حبايبي هذا البارت لعيونكم رغم اليوم المفروض اجازه الي تحياتي الكم وانشالله بعجبكم
لاتنسون التصويت وكثرولي بالتعليقات

_________***
لاتنسون ماصيفوني على صفحتي بالفيس

https://www.facebook.com/profile.php?id=100087899666498&mibextid=LQQJ4d
وهمين قناتي بالتيليجرام

https://t.me/zainabakeel9

وهمين رابط الواتباد لكل شخص ماضايفني يضيفني

https://www.wattpad.com/user/zainabakeel_almusawi

________**********
الى هنا انتهى البارت اتمنى ينال اعجابكم

الكاتبه زينب عقيل الموسوي