انتَ الكتاب الحافظه
ولليوم ما مفتهمه..!
************************************
رزق : خليت راسي على المخده وغفيت ماحسيت على شي الا لمن فزيت من كابوس حيل يخوف وموذي احس كلبي وجعني لدرجه جبيره ردت اشرب ماي مالكيت يمي كمت اريد اطلع البيت اضلم حيل اضلم اخذت تلفوني ونزلت فتحت الضوه ونزلت على كيف رحت للمطبخ اريد اشرب ماي شربت وخلصت ردت اطلع وجان اشوف شخص واكف كبالي اللحضه جان كلبي راح يوكف بس قبل لا اصرخ خله ايده على حلكي وصاح
علاء : لاتخافين انه علاء
رزق : وخرت ايده وكلته علاء صدك جذب راد كلبي يوكف
علاء : وليش نازله الدنيا ضلمه
رزق : ردت اشرب ماي
علاء : هسه انتبهت انو مايفصلنه شي غير سنتيمترات صغيره كلش بقيت اباوع بعيونها
رزق : نتبهت قرب المسافه البينه وخرت من يمه كتله عن اذنك شيخ راح اروح
علاء : رزق اسمعيني شويه الله يخليج
رزق : نعم
علاء : سمعي رزق انه راح اللتحق ماريد اروح وانتي زعلانه مني وشايله بخاطرج كتلج اسف الف مرا حجيت وكتلج اي شخص بمكاني يسوي هيج واكثر جنت بحاله صدمه وكلبي بوقتها وجعني والمشاكل بدت تنزل عليه مثل المطر من يوم ماتت امي والحد هسه والمشاكل ماراضيه تعوفني انه ادري بروحي خطات من تزوج سحر بس ماجنت ادري بيها حقيره لدرجه تاذيج هاي الاذيه يعني ما اجه بالي تصرفها هذا ماريد منج شي غير تبريني الذمه يجوز اروح امشي يجبوني بتابوت
رزق : من حجه هيج كبل بدون نقاش خليت ايدي على حلكه وكتله اسم الله عليك شيخ يومي قبل يومك
علاء : يعني سامحتيني
رزق : باوعت بعيونه وكتله احاول شيخ بعدني شايله منك بعدني مقهوره بعدني كلبي ياذيني انه نكسرت كسر ومن منو منك انت اقرب شخص لكلبي انه هسه ادعيلك من كل كلبي ترجع بالسلامه وماعليك اي شر وعلي الحاميك انشالله
علاء : ليش تعذبيني
رزق : رغم شوكي اله وحبي بس حاولت ابتعد كتله تصبح على خير شيخ
علاء : خلت وراحت تنام وانه كل عاده اوكف كبالها عاجز وضعيف قررت بعد مادير بال الها ولا راح اهتم لان مصختها من صار الحادث لليوم انه اعتذر منها وكله ما اجه بعينها خليت وصعدت انام
أنت تقرأ
عشگ الاربعين (هديه فصل)
General Fictionفتاه تكافح من اجل البقاء داخل جامعتها للدراسه لكن يحصل امر يقلب حياتها رئسا ع عقب مثل كل مرا ماحب اشرح هواي بالوصف لان احب انتم تقرون وانتم شاهدون بنفسكم وتعيشون الاحداث تحياتي الكاتبه زينب عقيل الموسوي
