عشگ الاربعين (هديه فصل)

البارت الخامس والعشرون

انا الما طگ ضحچ سنه
انا الماخوذ حزن الناس من حزنه
انا المكتوبله مايوم يتهنه
انا التعبان بس محد مسح متنه
انا الخلصها كون وكون يتمنه
**********************************
سحر : اول ماسمعت بيهم قريبين على البيت كلت الاخوي ياخذني للبيت واول ماصعدت سمعت حجيها كلها فتحت الباب ودخلت
هجن : هوب هوب وين داخله هيج لا احم ولا دستور
سحر : ضحكت عليها وكتلها حجيي مو وياج بعدين اتفرغلج هسه ما فارغتلج وانتي سمعي لج ايام قليله بس انتضريني وتنشمرين شمره الجلب
هجن : صدك ماتستحين انتي
سحر : باوعت عليه بطرف عيني وكتله خليت المستحى الج
هجن : ماعرفت شنو ارد عليها بس رزق كالت
رزق : شتردين تسوين سوي بعد مايهمني اي شي ويلا طلعي برا سحر
سحر : يصير خير وطرديني ليش بيت ابوج هوه خليت ورحت للغرفه كعدت اسوي روحي ابجي دخل الشيخ عليه
علاء : شبيج تنوحين ماصارلج عشر دقايق من اجيتي
سحر : شيخ تقبلها اروح اسلم على رزق واتحمد الها السلامه تطردني من الغرفه هيه وهاي الاسمها هجن
علاء : باوعت عليها وكتله عوفيها بحالها ميخالف تولي انت اكبر منها خلي عقلج اكبر منها هم
سحر : انت تامر شيخ تقربت عليه كضيت ايده كتله مشتاقتلك
علاء : تشتاقلج العافيه سحبت ايدي منها ورحت للحمام غسلت وبدلت وطلعت خليت راسي على المخده كتلها ماريد اسمع صوتج ابد اريد انام ارتاح
سحر : صار شيخ
علاء : خليت ونمت ماكعدت غير الثاني يوم الصبح بدلت ملابس الدوام وطلعت كبل بوجهي القياده اريد اشوف وين توصل وي هذا الكلب وصلت للقياده وشفت جواد
جواد : صباح الخير سيدي
علاء : صباح النور وينه
جواد : من الصبح دخل يم القائد
علاء : يصير خير خليت ورحت صاح عليه
جواد ؛ سيدي دير بالك لا تتعصب حتى لا تكلب كلشي ضدك
علاء : خليت ورحت دكيت الباب وفتت اديت التحيه للقائد صبحت عليه
القائد : صباح النور شيخ تفضل ستريح
علاء : شنو الخبر الي سمعته
القائد : ياخبر منهم
علاء : خبر نقلي
القائد: والخبر سليم ميه بالميه لان محتاجين دعم بالرمادي
علاء : يعني تفهمني هالشي رسمي مو شخص لعب من جوه ليجوه
القائد : انتقي الفاظك حضره العقيد
علاء : اسف سيدي بس الخبر صدمني انه صارلي سنين منا اخطط ومنا ارتب الوضع
القائد: وانا اشهد على هذا الشي انه احبك لانك عنصر مهم بالمجموعه والاهم انك اذكى المنتسبين عندي بالقياده
علاء : انه مديحك الي يشرفني سيدي بس
القائد: من غير بس والاسبوع القادم راح التحق على الرمادي وياريت بسرعه لان المجموعه يحتاجلها ترتيب وتكتيك ويحتاج دعم وخلي بالك اسمك اجه من الوزاره
علاء : حاضر سيدي كمت دكيت تحيه وطلعت
القائد: وراك ترقيه حضره العقيد
علاء : تمام سيدي خليت وطلعت بقيت الوج خره بحضي هم
جواد : بشر سيدي
علاء : الاسبوع الجاي اللتحق
جواد : مانحلت
علاء : لا جواد لا وتعال وراي للمكتب اجه وراي وكتله انت مو موصيني على عروس
جواد : اي سيدي
علاء : بديت اسولف اله قصه هجن وكتله البنيه حيل مودبه وجميله شرايك
جواد : ماطول. انت كلت خوش بنيه بعد ماعندي كلام فوك كلامك احنه اصدقاء قبل لا نكون زملاء عمل سيدي
علاء : اليوم احاجيها يعني
جواد : تمام سيدي وانت تدري بوضعي ماعندي احد انه بس اختي ومتزوجه بعيد عني
علاء : البيه الخير يقدمه الله كملت شغلي ورجعت للبيت كبل بدلت وصليت ونزلت اتغده واحنه على الغده حجيت كتلها هجن
هجن : كعدت الصبح ثاني يوم اباوع لرزق حيل تعبانه عيونها سود من جوه كلت حسبي الله عليج يا سحر اشوف بيج يوم الكلبه نزلت بعد ماغسلت صار بوجهي حسن درت وجهي عنه صاح
حسن : الناس تكول صباح الخير
هجن : نكول صباح الخير للناس مو الواحد نفسك
حسن : شقصدج
هجن : مارديت عليه رحت للمطبخ خليت الجاي اجت سماح اليوم ما مداومه تكول تعبانه
سماح : صباح الخير هجن
هجن : صباح النور
سماح : جا رزق وين
هجن : خليها نايمه سماح البنيه حيل تعبانه وضعها ماعاجبني
تقى : صباح النور
سماح وهجن : صباح الخير
سماح : نورتي بيتج ام عمر
تقى : منور بيكم لعد المسعده وين
هجن : قصدج منو
تقى : رزق اكو غيرها
سحر : مطموره تقاوي صباح الخير
تقى : خليها نايمه خلصانين منها
سماح : ها تقى بديته
تقى : ماحجيت شي عمه
سماح : بداخلي كلت عمه العماج انشالله
تقى : كلتي شي عمه
سماح : لا ماكلت
هجن : دنيت على سماح وكتلها سماح شبيهن وين رزق
سماح : من مات ابنها واجت لبنيه هديه وهيه شاده الحرب اخير فترا زينه مادري شكلبها
هجن : الله يهديها
سماح : امين
حسن : صباح الخير عمه سحر
سحر : عمه لاتكلي عمه
حسن : ليش ياعمتي بكد امي انتي واجب عليه اكول عمه
سحر : لا تشبهني بامك
حسن : سحرررررر بالج جيبين اسمها على لسانج اكصه الج لو مو مرت ابوي وجبيره وطلعي من راسي
هجن : اول مرا اشوف حسن هيج جدي بالكلام وعيونه يطافرن شرار حتى من تعاركنه وصيح عليه ماشفت بعينه هيج شراره
سحر : وهسه شكتلك انه
حسن : الضاهر بعدج ماشايفه خبالي عدل
سحر : اسفه
حسن : اي اعتذارج مقبول بس لا تعيديها ها سموحه شلونج
هجن : عجيب هالبشر بثانيه ينكلب مزاجه
سماح : زينه بعد روحي شبيك من الصبح
حسن : اكو ناس ماتستحي تضوج من صباحيات احجي واباوع على هجن
سماح : موخوش ناس هذول ابتعد عنهم
هجن : بقه يدردم بينه وبين نفسه
علي : صباح الخير بنات
هجن : هاي شنو ماكو دوام اليوم
علي : والله ياخويه تعبانين
هجن : الله يساعدكم
تقى : هوب هوب عليش تحجين وي رجلي وانه واكفه موعيب عليج
علي : تقى هسه شحجت هيه ماتكليلي روحي شوفي جمال يبجي اسف خويه هجن مسحيها بوجهي
هجن : على بختك ابو عمر عيني مازعل عادي اباوع الحسن يريد ينفجر اموت واعرف شعليه هوه بيه شعليه اف صارت الساعه 10 ونص والبيت هوسه من ورا اولاد حسن وعمر ابن علي وانه كلش احبهم لدرجه بالي يم رزق جاي اصعد وصارت بوجهي كتلها صباح الخير حبيبتي
رزق : كعدت مابيه حيل اكوم احس روحي مكسره حيل مرهقه احس نفسيتي تتعب كمت غسلت وباوعت بالمرايه عيوني جواهن اسود استغفر الله يا ربي شوكت اخلص بس اريد افتهم شوكت بدلت ولبست حجاب ونزلت جوه صبحت عليه هجن رديت عليها الصباح
هجن : شبيج رزق وضعج مو عاجبني
رزق : عادي هجن مرات يصير بيه هيج من اتعب او يجيني ارهاق يصير عندي كبل نقص حديد يبين جوه عيوني
هجن : هالوجه الحلو مايستاهل يتعب رزق
رزق : ضحكتيني ولج ههه يلا جوعانه شو
هجن : صلاوات من صحتي جوعانه انه عبالي نسيتي شي اسمع غذاء
رزق : ذكرتيني بالابتدائيه العلوم ماء وهواء وغذاء خليت ومشيت للمطبخ وانه يائسه من حياتي احس ايامي فعلا بلشت تقل شوي شوي صبحت محد رد الصباح بس سماح لان جاي سوي اكل
سماح : شبيج رزق شو تعبانه
رزق : اي شويه مرهقه من الطريق
سماح : خو مابيج شي
رزق : بكلبي اخ ياسماح كلشي بيه انه كلشي بيه
سماح : يلا سوي لفه صغيره الغده اليوم كلش حلو
رزق : شراح سوين
سماح : مندي لحم
رزق : الله احبه كعدت اكل بس احس بطني تتكطع من الوجع مادري شنو الفلم اي كل مرا تجيني الشهريه بس الم خفيف هالمرا كلش قوي بقيت كاعده مااكل
هجن : وجهج اصفر رزق
رزق : مابيه شي هجن راح اصعد اسبح بماي حار وتمدد بلكي يروح الالم
هجن : تمام صعدت رزق تنام واجه وقت الغده ودخل الشيخ بس مثل الاعصار مبين عليه عصبي كعدنه على الغده وحتى ماسال على رزق ليش هيج كلما تفرح البنيه ماتكمل فرحتها وهوه رغم يحبها بس مادري ليش هيج يتعامل وياها المهم جاي ناكل جان يكول شلونج هجن رديت عليه بخير شيخ بفضلكم
علاء : انشالله دوم اسمعيني وانتم هم سمعوني البنيه هنا امانه عندي اليوم الي جابها النه حسن طلعت من ذمته صارت بذمتي وبركبتي ولازم ابري ذمتي واامن عليها يم شخص يناسبها ويحميها لان ماكدر اخليها هيج وحدها بهالدنيا
حسن : شقصدك بويه
علاء : افهم حسن انه وياي واحد بالدوام خوش رجال وزلمه كلف ويتحمل مسوليه وانه اضمنه وجان موصيني على بنيه زينه للزواج وانه ماشفت غير هجن كبالي خوش بنيه وصارلها يمنه شهرين ماشفنه منها بس الخير احجي واباوع بعيوني ادور على رزق ف هسه شكلتي يابويه نتوكل على الله
حسن : ابوي يحجي وانه احس دمي صار يفور من العصبيه مادري احساس حيل موذي اعترف انه عندي مشاعر تجاهه بس ردت ادفنها ماريد تطلع ماريد بيتي يخرب بس شيخرب اذا انه مرتي ماوصلت يمها من رجعت لحد هسه احس عقلي كله يمها افكر بيها اغار عليها من الهوى الطاير ماريد شي يوصل يمها مستحيل اخليها تتزوج مستحيل هجن باسمي من يوم مافكيت عيني جريح وهيه يمي كتله بويه نطيها على الاقل فرصه تفكر
علاء : الها شكد ماتريد وقت بس كون قبل الاسبوع الجاي لان راح اللتحق للرمادي
الكل : شنووووووو
علي : بويه تحجي صدك
علاء : مشاقي وياكم قبل بهيج امور شوفو انه اجه اسمي من بغداد يعني من الوزاره ماكدر اسوي اي شي وراها ترقيتي ماريد اخسر ترقيتي على مود شي تافه
حسن : بويه رحمه لحبوبتي يا تافه هيه غير الرمادي وشايف الاوضاع
علاء : حسن كتلكم الوضع هيج والكل يتقبل غصبا عليه
سحر : بس شيخ احنه نخاف عليك
علاء: لاتخافون عليه الله الحامي مثل مارجعلي هالاسد سالم يرجعني انشالله بخير وسلامه
الكل : ترجع بالسلامه شيخ
علاء : ها هجن شكلتي
هجن: اباوع على حسن يخزر بيه كتله شيخ خليني افكر كم يوم وارجعلك خبر خلصنه اكل بعد ما كال براحتج بويه يمته ماتردين رديلي خبر كمنه عزلنه المطبخ وغسلت ماعين انه لان هنه على رزق وهم ماعين الدنيا سحر ادبسز تصب وتفرغ بحجه ماعاجبه الصحن وتسوي يوميه تل ماعين حتى الجدوره من تعزل كلساع تفرغ بواحد في سبيل يكثرن الماعين وتتعمد من تصب توصخ الطباخ وحتى الارضيه توصخه مادري شنو من بشر خلصت الماعين بعد ما نسكر ضهري
سحر : ليش الخاتون وين
هجن : معليج بيها ماطول انه شلت شغلها لاتسالين عليها
سحر : انشالله نخلص منج
هجن : عدوينه انشالله ولج والله البنيه الها حوبه وراح شوفين
سحر : ضحكتيني لاحبيبتي لا حوبه ولا شي كلشي مايصير بيها صل
هجن : خلت وراحت كبل كلت تف عليج مرا وصخه اخلاق وصخه طيح الله حضج بكد امي جاي ادردم ودخل حسن
حسن : ها مبروك هجن
هجن : على شنو
حسن : على العريس
هجن : شكرا
حسن : وتوافقين
هجن : اذا خوش ولد ليش لا وكافي من طرف عمي علاء
حسن : تقربت عليه حيل وكتلها سمعي لج اذا فكرتي توافقين عليه اندمج والله
هجن : خوفتني
حسن : شوفي جربي وشوفي
هجن : حيل عصبني ماشي ياحسن الا اقبل واريد اشوف شنو تسوي الي خليت ورحت لغرفتنه انه وهجن وانه افور كتلها يلا رزق كعدي شوفي حضي وضيم الي على راسي طاح كومي رزق بقيت اصيح وانه افتر اعدل بملابسي شو ولا حس ولا نفس البنيه تقربت عليها وجهه اصفر حيل اصفر عبالك من الاموات وخرت الغطى وجان اشوف الفراش ناكع دم كعدتها ماتكعد صحت رزق رزق ماكو اخير شي صرخت ررررززززق لحكونه شيييييخ
علاء : كاعد بغرفتي وبالي يم التحاقي والهنا البيت شلون بيه ورزق منا شويه وسمعت صوت هجن تصرخ الحكونه وتصيح شيخ طفرت من مكاني رحت للغرفه كتلها شصاير شصاير
هجن : شيخ اللحك رزق راح تموت
علاء : احس روحي من الي نصدمت نصكيت بقيت واكف بمكاني مادري شنو اسوي هيه اجت تحرك بيه شيخ الحكني شيخ ماعدها نبض علييي حسسسسسسن
تصيح
هجن : حسن الحك عليه البنيه راح تموت
حسن : شبيها شبيها كبل دخلت عليها وشلتها وديتها للسياره واجه وياي علي وهجن وسماح صحت ابوي وين
هجن : يا ابوك حسن البنيه راح تموت بسررررعه هالحجي اصرخ صريخ
حسن : جاي نطلع وصار بوجهنه صلاح ودرى كتله بس شوف ابوي بقى بمكانه واكف
صلاح: مابيها شي انشالله
حسن : اخذناها للدكتور ودخلوها للطوارئ شويه وطلعت الدكتوره كالت ضروري دم وراح نحولها عنايه البنيه حالتها موتمام باقيه تنزف هواي وين جنتو انتم
هجن : يمها والله يمها بس هيه كالت تعبانه اريد انام كتلها روحي مثل الي تهسترت تقرب عليه حسن وحضني كلي كافي حبيبتي لاتبجين مابيها شي انشالله وخرت عنه ورا ساعه اجه الشيخ وياه صلاح وكال
صلاح : خليني انه اسولفلكم موقف الشيخ دخلت عليها مالكيته جوه كبل صعدت فوك وهاي الحيه واكفه وكالت
سحر : انشالله اسمع خبرها يارب
صلاح : لج حرام عليج ليش سوين هيج
سحر : وبعد مامسويه شي بيها لحد هسه
صلاح : ليش انتي سبب بطيحتها بالمستشفى
سحر : شعليه انه مالي دخل بهاي السالفه
صلاح : وخري عني ادبسز دفعتها ورحت للشيخ واكف بمكانه هزيته شيخ شيخ تسمعني
علاء : ماتت صح
صلاح : لاتفاول عليها مابيها الا العافيه
علاء : جذب عليه صلاح ماتت رزق ماتت بسببي بسبب ضلمي وقهري الها ماتت خسرتها مثل ماخسرت علياء نفس الموقف نعاد عليه صلاح نفسه
صلاح: صلي على محمدً علاء صدك جذب هاي عود انت الجبير والحاج بيت الله هيج تسوي بروحك
علاء : ماريد اخسرها صلاح
صلاح : امشي نروح للمستشفى ونوب نحجي
علاء : اي صح خلينه نروح
سحر : وين رايحين ماشوف وضع الشيخ تعبان
صلاح : انت بس طلعي منها اختي
علاء : وخري سحر خلينه ورحنه للمستشفى بوجهي الهجن كتلها احجي شنو صار كولي هجن احجي
هجن : الدكتوره تكول حالتها موزينه رادو دم وحولوها للعنايه
علاء : ليش شنو بيها
حسن : بويه تعال اكعد هنا وخلينه ندعي الها احسن على ما تطلع الدكتوره وطمنه عن حالتها
علاء : كعدنه وسماح يمي كلساع تجي وعلي وصلاح شويه وطلعت الدكتوره وكالت بسرعه اريد بطل دم ثاني كمت وكفت كتلها اخذي دمي كله دكتوره اهم شي هيه تعيش كالت تفضل وياي سوت تحاليل شويه وطلعت نفس الزمره سحبت مني بطلين دم كتلها اخذي بعد كالت ماكدر بعد اخذ اكثر لان هيج راح انت تتاثر كتلها خليني اتاثر ما هيه شلعت كلبي وخلاص انه سبب طيحتها جوه دكتوره كلتلي الله يلطف بحالها بس لوجايبينها من وقت مايصير بيها هالشكل اخذت الدم وانه كمت احس راسي يفتر كمت ورحت يمهم وكفنه لليل على رجلينه وراها طلعت الدكتوره وكال الحمدالله على سلامتها هسه فاقت بس يراد الها عنايه شويه وباجر انشالله تطلع الصبح كبل كتلها خليني اشوفها دكتوره كالت اي عادي بس بس انت تفوت كتلها عادي خليت ودخلت عليها باوعت عليه وغمضت كتلها شلون صرتي ردت عليه وكالت
رزق : صعدت من الصبح لغرفتي سبحت بماي حار تفاجئت من كميه الدم الي طايحه عليه اول مرا يصير وياي هيج شربت بندول ونمت ماحسيت على. شي وراها لمن فتحت عيني طك بعيني ضوه ابيض قوي فتحت عيني على غرفه معقمه والديتول يكتل بيها تقربت مني الدكتوره وكالت الحمدالله على سلامتج يا ورده طلعتي من الموت بس عندج رجل والنعم منه راد يموت من القلق عليج الله يديمكم سوه كتلها ليش انه شبيه كالت مابيج شي شوي نزيف صار بيج وغبتي عن الوعي وهوه الي نطاج دمه يا حلوه يلا كومي على رجليج وبطلي دلع خلتني وراحت ابتسمت على كلامها مبينه حبابه خوش بنيه كلش شويه ودخل عليه الشيخ كبل غمضت عيوني كلي شلون صرتي وانه مغمضه كتله احسن
علاء : خوفتيني عليج
رزق : مايحتاج تخاف شيخ الله الحافظ
علاء : وماخذه كلمتي هم
رزق : شيخ اريد انام
علاء : نامي بويه نامي
رزق : غمضت عيني ماكعدت غير ثاني يوم الصبح كعدت على نفس الكابوس النار والصوت الي ماجاي يطلع من راسي ابد الضحكه والتوعد الي موجود بالحلم فتحت عيني شفت الدكتوره كالت لا اليوم انتي تمام التمام بس ديري بالج على روحج وانشالله صيرين احسن وهسه اكتبلج خروج خلت وراحت شويه ودخلت عليه هجن عيونها حمر من البجي
هجن : شسويتي بيه رزق هيج يعني تردين تشوفين غلاتج عندي شكد يعني لو شنو تتقصدين تسوين هيج مو
رزق : شبيج يا هجن راسي يوجعني مو وكتج
هجن : لج طيحتي حضنه كلنه برا واكفين والشيخ رتفع ضغطه راد يموت امس لو علي وحسن
رزق : كلبي وجعني من كالت الشيخ بس دست على احساسي وكتلها مايشوف شر هجن اريد اهلي
هجن : ليش تردين اهلج واحنه شلون بينه
رزق : اريد ارتاح نطيني تلفونج شويه
هجن : نطيتها تلفون خابرت على ساجد
ساجد : الو منو
رزق : خويه انه رزق بديت ابجي اله وسولفت اله كتله تعالو عليه اريد ارجع وياكم اريد ارتاح حتى لو كم يوم
ساجد : شتحجين رزق هسه اجيب امي وسمر ومحمد ونجي
رزق : انتضركم
هجن : ليش سويتي هيج ليش مااخذي راي الشيخ بله ماقبل
رزق : مو كيفه اريد اروح وي اهلي
هجن: كيفج بعد روحي
رزق : ورا ساعه سمعنه هوسه برا طلعت هجن دخلت سماح يمي
سماح ؛ ولج شسويتي
رزق : هذا الي لازم يصير بعد ماتحمل
سماح : ميخالف روحي كم يوم ونوب تعاي رجعي الشيخ هسه كلب الدنيا وضل يصيح وراسه راح يطك من القهر كافي مشكله ورا مشكله رزق حسي بي شويه كافي موت امي الي مر علينه واخذها من عدنه بلمح البصر كافي
رزق : وانه سماح وانه دخل عليه ساجد وامي ومحمد
محمد : ياروح اخوج شبيج شلون صرتي احسن
بيارق: سوده بوجهي يمه بيه ولا بيج
رزق : اسم الله عليج يمه بس تعالي لبسيني خلينه نروح
سمر : سلامتج رزق تعاي انه اكومجً
رزق : وفعلا كومتني ولبستني ملابسي هالحجي ناقليني غرفه بالليل وانه نايمه وماحاسه عليهم ابد
هجن : خليني اساعدج سمر
سمر : اي خيه تعاي
محمد : كاعد على الكرسي وعيني على سماح الي ماكدر اوخرها منها وكتلها مابقى شي يا سماح انشالله بس القليل يلا رزق كملتي
رزق : اي خويه ساجد تعال اللزم بيك
ساجد : اجيت يمها وانه مفور من العصبيه كتلها يلا يانضر عيني
رزق : نسندت عليه وكمشت ايده وكتله يلا بقيت امشي شوي شوي بعدني مامتوازنه واحس شي يطيح عليه طلعت صارت عيني بعينه تقرب عليه و كال الساجد شوي بس احاجيها اخذني على صفحه وكال
علاء : هيج تردين تعوفيني هيج بسهوله رزق ليش شنو سويته ادري اذيتج هواي بس صدكيني مو قصدي ولا بيدي وشتردين اسويلج
رزق : شيخ تعبت اريد ارتاح يم اهلي
علاء: اخليج ترتاحين بس كم يوم واجي عليج ارجعج
رزق : ماحجيت ضليت ساكته باوعت عليه بعيون مدمعه وكتله يلا ساجد اجه سندني ورحنه للبيت وصلت هناك بحدود 11:00 الصبح دخلت وسلمت على الكل ولكيت عفاف جايبه ومي جنها بطه صايره سلمت عليهم كلهم وابوي موجود هم بوسته اليوم عطله عدهم مارايحين للدوام رحت لغرفتنه وتمددت شويه واجتني سمر
سمر : بعد مارجعنه من الزياره شفت المايسمى يم بيتنه مره وحده يعني ثاني يوم من رجعتنه باليوم الثالث خابرت رزق لساجد واجه كلنه وامي ماقصرت بالبجي حتى ملك والبنات بدلنه ورحنه للمستشفى وهم شفته اخرني من وكفني وكال
صلاح : حبيبتي مابقى شي وتجين بيتي تنورينه
سمر : بحلمك بس جريت ايدي منه ورحت يم اختي والباقي تدرون بيه وصلنه للبيت وكلت خليني اسولف الها رحت يمهاا وكتلها رزق اريد احجي وياج
رزق : اي كولي
سمر : بيج حيل يعني
رزق : اكيد
سمر : بديت اسولف الها كلشي من البدايه لحد مساع الصبح ضحكت وكالت
رزق : لج صلاح خوش ولد كلش وابن ناس وخير صدكيني صح مرات يصير مكروه بس حيل كلبه طيب
سمر : شالفايده كلبه طيب وانه اكرهه
رزق : سمعي سمر اذا اجت وتقدملج قبلي بيه صدكيني راح يدللج دلال
سمر : شتحجين رزق شايفه الفرق البيني وبينه
رزق : ليش ابوج مونطاني هديه لواحد اكبر مني ب 25 سنه
سمر : وشعبالج قابلين عليه
ملك : لج سمر دوختي البنيه
سمر : نجبي
ساجد : انا اشهد
رزق : باوعت الهم وكلت الله لا يحرمني منكم يا حبايب كلبي بقينه نسولف ونضحك كتله ساجد
ساجد : عيون ساجد
رزق : اريد.اروح لشط العرب
ساجد : بس هاي غالي والطلب رخيص
رزق : فدوه رحتلك وفعلا لليل خلصنه عشه وكال لاتاكلون هواي ولو ماتتعشون افضل انه اوكلكم تذكرت ساعتها ناسيه تلفوني بيت الشيخ وكلشي حتى ملابس من سمر اخذت لان ماشالله صايره اضعف منهن طلعنه ورا العشه انه وساجد ومحمد وملك وسمر وامي ماقبلت تجي اجت ويانه سماء تدرون بكل عزا لطامه بس لاخير لحضه كالت ها ماروح مابيه حيل كنالها براحتج رحنه وصلنه يم الشط ونزلت اول مانزل شتميت هوه من الشط احس روحي رجعتلي هسه احس الدم بده يمشي صح بجسمي صارلي ست شهور ماطالعه ولا شامه الهوه ابد جاي ابتسم ماسمع غير صوت الشيخ وراي درت وشفته هوه والولد
علاء : احس الدنيا صارت سوده بعيني خسرت احلا ثنين بحياتي امي وهسه رزق بعد ماتحمل خسارتها وهاي منا سحر احسها فرحانه كلش للعصر اجه صلاح
صلاح : هسه ماتكلي شبيك ياشيخ
علاء : دايخ شويه ابن عمي
علي : شرايكم اعزمكم على الشط
صلاح : احلا فكره
حسن : الحب عليه
علاء : هيج شوفون
حسن : اي هيج نشوفً
علاء : على بركه الله صلينه وخلصنه وطلعنه وصلنه هناك واكلنه يعني انت خبصتنه وتاليتك لفات وفلافل
علي : وشبيها الفلافل ابو علي
علاء : كلها خير وبركه ورا ساعه شفت سياره وكفت نتبهت من الي نزل منها باوعت ولاول مرا بحياتي اركز هيج تركيز على بنيه لان اعرفها هيه اي هيه رزق بنت كلبي احس كلبي فز وبده يدك حيل حيل بس هاي شنو لابسه اليوم اطيح حضها تطيح رحنه يمهم
حسن : لك شوف منو هنا رزق واهلها
صلاح : درت وجهي وشفت المصيبه شلابسه بنطرون وقميص همه عائله شوي مثقفه يعني مو مثلنه نلبس عبي وكلشي عدنه ممنوع المهم احس كلبي شب نار بيه كلت بداخلي بسيطه يا سميره الا اشك حلكج بس صيري اليه رحنه تقربنه عليهم وسلمنه خزرتها هيه باوعتلي صفح وراحت يم رزق وكفت كتلها ها خيتي رزق شلون صرتي
رزق : صرت احسن خويه اباوع على الشيخ الي ماشال عينه من عليه جنت لابسه بنطرون وفوكه بدله فوك الركبه وشال وخليت شوي حمره تقرب عليه
علاء : هاي شلابسه رزق
رزق : هدوم
علاء : ليش تردين شلعين كلبي
رزق : هذا لبسي شيخ ومابيه شي عريض خليني براحتي كتلك اريد ارتاح
علاء : ترتاحين موً
رزق : اي
علاء : خير انشالله صحت علييي يلا امشي نرد لبيتنه
رزق : خوفتني نبره صوته بس ماهتميت بقيت يم خواني اكلنه شاميه وعرنوص ولبلبي احس معدتي راح تنفجر من الاكل كتله كافي علاء خليت ايدي على حلكي
ساجدً: هلا عيني هلا يمه الحب يمه
رزق : اي هسه شيفكني منك
سمر : تحملي
رزق : رجعنه للبيت وجان هذا احلا يوم بحياتي من طلعت من بيتنه هديه لحد هسه مرت ثلاث ايام وانه مرتاحه احس حتى وجهي صار احسن ورجع الدم بيه اباوع لروحي صدك بيت الاهل راحه وسكون حتى لو ناكل خبز وجاي للعصر ندكت الباب وطلع بابا والولد ورا ساعه ماندري منو اجه بس كالو جاي جاي سوينه جاي ورا ماراحو الناس دخل ابوي وخواني ابوي فرحان بس خواني كالبين وجهم امي حجت
بيارق : شبيكم ماتحجون منو اجه
رزق : ابوي باوع علينه ورجع دنك وكال ......

حبايب كلبي بخصوص النشر انشالله منا ورايح راح يرجع يوميه انشالله ماعدا الجمعه استراحه وانشالله خير
وتحياتي الكم واعتذر على التقصير لان حيل مشغوله وضغط عمل

__________***
لاتنسون تابعوني على الفيسبوك روايات زينب عقيل الموسوي

https://www.facebook.com/profile.php?id=100087899666498&mibextid=LQQJ4d

وايضا قناتي على التيليجرام
@zainabakeel9

ورابط الواتباد للي ماضايفني يضيفني

https://www.wattpad.com/user/zainabakeel_almusawi

________*****

الى هنا انتهى البارت اتمنى ينال اعجابكم

الكاتبه زينب عقيل الموسوي