عشگ الاربعين (هديه فصل)

البارت السادس والعشرون

إِرحَم غربة اجدامي ..
حَنضل حتى من تنداس ،
الطَعِم يصعد لگلب الراس
إرحَم غربة عيوني ..
هضيمة الباب يتنوع مِن الشباچ
إرحَم گلبي كل ما اجزه يدّمر الشارع شيب
إرحمني و گلي "ما احبك" ، اريد اكتب !
سنتين القصايد باردة بروحي .. قصايد فيّ
************************************
علاء : رجعت من الكورنيش احس الطلعه صارت سم عليه حيل قهرتني وضوجتني يعني موبعينها انه اعترف اذيتها وظلمتها بس ماحب بعدها عني رجعنه للبيت والبيت احسه مسموم مابيه اي حياه صحيح ماجنت مكابلها وكاعد بس نفسها كافي بالبيت
علي : شبيك بويه شو دايخ
حسن : عيفه علي يلا اصعد نام محتاج شي بويه
علاء: لا بويه مامحتاج شي خلوني وصعدو حسن عرف بالبيه يدري بيه احبها وتحبني وشافنه سوه كعدت بالديوان بديت ادخن واتذكر شكو شي حلو مر عليه لل2 بالليل يلا صعدت ردت اروح للغرفه وتذكرت هجن هناك ماكدر ادخل يعني حتى من هاي نحرمت المهم رحت نمت لكيت ست سحر بسابع حلم خليت وتمددت اجتني ذكرياتها كلهن كعدت ثاني يوم الصبح ومالي نفس شي ابد مابقى شي واللتحق اريدها تكون يمي انه ماريد تبقى بعيده عني على الاقل اذا اموت اكون شايفها تعدت يومين وانه اعصاب ياهو يحجي وياي اتنرفز بيوم كاعدين على العشه وحجت هجن وكالت
هجن : بقيت بدون رزق من رجعت من المستشفى احس روحي وحيده هيه الي ملت عليه حياتي مادري شنو اسوي بدونها ملل وهاي سحر ابدي ادوس بطنها المهم ماخلصت من مضايقات حسن
حسن : ها راح تقبلين
هجن : اعتقد مايخصك حسن هالشي حياتي الخاصه
حسن : صدكيني انه اريد منج تقبلين حتى اعرف شلون اتصرف وياج صدكيني اندمج
هجن : شتريد مني انت شتريد
حسن : بعدين تعرفين شريد
هجن : غمز الي وراح وهنا احس دمي فار يصير خير حسن كاعد تستفزني كاعد تنرفزني بسيطه انه اعلمك مر اليوم وثاني يوم هم اجاني
حسن : اليوم ترحين الابوي وتسدين الموضوع هجن صدكيني مايفيدج الله يخليج
هجن : كتلك سابقا هالشي مايخصك
حسن : ماشي يصير خير هجن
هجن : عيونه صارت حمر طك الباب وراح كلت بداخلي وجع حتى وجع شتريد مني ماتكلي خليت وكملت شغلي
سحر : اكول شتغلي عدل بدال ما تفترين ورا الزلم
هجن : شتحجين انتي حترمي نفسج
سحر : انه الاحترم نفسي لو انتي كاعده ضحكين على الولد شفتيه على كد ايدج
هجن : صدك ماتستحين وحده بايعه ومخلصه
سحر : تقربت عليها وكتلها بالج تطاولين عليه صدكيني اندمج والله واخذيها مني اقبلي بالجايج ترا طلعين منا انتي وغراضج مشموره
هجن : عاد انتي استاذه بالتنديم خلت وراحت بدي انتف شعرها تنتف اخ ياربي ماعايزني بس حجي هاي عليه بقيت على هالحاله لليل افكر بالموضوع اخير شي حسمت الموضوع صح الشيخ عصبي بس لازم اخلص لان تعبت الجهتين احس بكلامهم تهديد لا هوه تهديد مو احس دخلت على الشيخ واحنه على العشه وكتله شيخ عندي موضوع وياك باوعت على حسن عاف خاشوكته وضل مركز عليه
علاء : تفضلي بويه احجي
هجن : شيخ انه موافقه على صديقك
علاء : والنعم منج بنيتي ماراح تخسرين شي صدكيني والولد خوش ولد وراح ترتاحين ويا لان ابن ناس
هجن : شكرا عمو صدكني مادري شلون اجازيك صارلي هنا شهرين ومتحمليني
علاء: عيب عليج تحجين هيج هجن انتي مثل بنتي وحالج من حال علي وحسن
علي : مبروك خيتي شايفه الف خير انشالله
علاء: وهسه هم اخابر جواد وانشالله قبل لا اسافر تم الخطوبه
علي : ليش بويه يمته تسافر انت
علاء : مابقه شي بس اربع ايام
علي : انشالله خير
علاء : طلعت التلفون وهجن واكفه كتلها كعدي بويه اذيتيني واكفه على راسي
هجن : ااا اسفه شيخ
علاء : الو
جواد : هلا سيدي
علاء : شلونك بويه
جواد: زين شيخ ماطول بويه يعني خارج اوقات الدوام
علاء : نجب واسكت
جواد : ههههه خرب يومي شكد احبك
علاء : اسمعني بويه تكدر تجي وجيب مشيتك البنيه وافقت
جواد : صدك وافقت شيخ
علاء : ليش بيك شي ينرفض بعد روحي
جواد : ماطول انت تقيمني اكيد مابيه
علاء: ننتضركم بعد باجر زين
جواد : كلش زين
علاء : نهيت الاتصال منه وكمت من الاكل وكتلها عرس العافيه انشالله
هجن : شكرا شيخ
علاء : خليت وصعدت فوك دخلت لغرفه رزق شتميت عطرها الي بالمكان وطلعت رحت على غرفتي نمت لان ماريد هجن تشوفني نمت كعدت ثاني يوم من الصبح اجاني صلاح
صلاح : الله بالخير شيخ
علاء : شبيك من الصبح
صلاح : اليوم تروح وياي
علاء : وين
صلاح : نخطب سمر
علاء: فهمني صلاح شنو قصتك وياها
صلاح : صراحه شيخ وبديت اسولف اله كلشي ابتسم وكلي
علاء: يعني واخيرا شفت ابن عمي وعضيدي السرسري مالتنه عاشك ماصدك
صلاح: هسه جاي تذمني تمدحني
علاء : انت ينحار بيك ابن عمي
صلاح : المهم امشي وياي اليوم والباقي سهل
علاء : تدلل ابن عمي
علي : صباح الخير بويه محتاج شي طالع انه
علاء : الله وياك بس العصر حضر نفسك نمشي وي صلاح
علي : اي واخيرا راح يصير عدنه عرس
حسن : عرس منو بله
علي : اجت الكالب خلقته
حسن : بطل سوالفك علي
علي : يووو خل اروح شغلي احسن
علاء : وانت بويه ماتروح الشغلك
حسن : لا رايح بويه بس رايح اقدم استقاله واجي
علاء : ليش
حسن : تعبت
علاء : الله يساعدك
حسن : ويساعدك
علاء : العصر ويانه تروح لبيت اهل رزق راح نطلب ايد اختها لعمك صلاح
حسن : باوعت لصلاح ها شعجب راح تتزوج
صلاح: كلت كافي اريد اخلص حمار بكدك
حسن : لا يطول يلا يكبر
صلاح : تعترف بروحك حمار
حسن : عمي تمون عليه
علاء : وانت صلاح ماناوي تروح
صلاح : لا اليوم يمك وابوي يجي بعد شويه
علاء : صار خلص الوقت بسرعه بسرعه وهوه بس يكرك براسي اخير شي اجو الشباب وجمعنه وكم واحد جبير من العشيره وخوي عبد هم اجه
صلاح : ليش وديت عليه
علاء : عيب مهما يكون اخوي الجبير هذا
صلاح ؛ وبشنو عارفك حتى بعزا الشيخه اجه مثل الغريب
علاء: صلاح بس كافي
صلاح : مثل ماتريد شيخ
علاء : خلينه ورحنه وصلنه للبيت احس روحي ردتلي مجرد ماشفت عتبه بابهم وادري هيه جوه دكينه الباب وفتحه النه ابوهم وسلمنه عليه ودخلنه للديوان وبدينه نحجي كتلهم الله بالخير
ابو جبار: الله بالخير والكرامه
علاء : انه راح احجي نيابه عن الحاضرين بعد اذنهم يعني
الكل : تفضل شيخ
علاء: اسمعني ابو جبار احنه اليوم جايين كاصدين بيتكم نريد القرب منكم
احمد: بمنو شيخ
علاء : ابنتك المصون الانسه سمر
احمد : انت تكبع وتاخذ شيخ وبلنسبه الي بس البنيه مطلقه يعني تدرون بيها
علاء : احنه ندري بكلشي وابن عمي سال عن كلشي يلا اجه وحاجاني وهوه شاري
احمد : بعد ماالي حجي ثاني ورا حجيك شيخ
علاء: والنعم منكم يعني نقرا الفاتحه
محمد: بس شيخ غير ناخذ راي البنيه
علاء : وحقكم تاخذون رايها انه مو ضد هالشي
جبر : والنعم منك شيخ
احمد : نقرا الفاتحه على نيه التوفيق وانشالله ناخذ راي البنيه ونردلكم خبر
علاء : نقراها بدينه نقرا سوره الفاتحه بنيه التوفيق انشالله كملنه وخلصنه وطلعنه للبيت بوجهنه كلت بعدين نحجي بموضوع رزق خليها مرتاحه هسه ولو كلبي طاح على شوفتها ومسامعي كلها مشتاقه لرنين صوتها
وصلنه البيت وصلاح اكل كلبي كتله ولك اثكل شويه عيب على عمرك
صلاح : شسوي شيخ ادري بيها هسه ترفض صدكني بعدين منين طلعلي هذا وكال ناخذ رايها
علاء : موضوع رزق يختلف ابوها شالها ونطاها انت هسه رايح تخطب خطبه رسميه يعني لازم ينوخذ راي البنيه حتى نعرف اذا تريدك او لا
صلاح : اوف منك
علاء : وحضر نفسك باجر تجي مشيه على هجن
صلاح : ياهجن
علاء : البنيه الي اجت من ديالى وي حسن
صلاح : قصدك الموصل
علاء : اي هيه
صلاح : صار واجيب العشيره كلها هم حتى يكولون عدها اهل وعزوه
علاء : اول مرا تفكر صح
صلاح : يلا شيخ اودعناك اي خبر يصير خابرني
علاء : صار مع السلامه
صلاح : طلعت من يمه بوجهي لمكتبي وكالعاده رفيقي كاظم موجود
كاظم : هلا عاش من شافك
صلاح : يعيش غاليك
كاظم : شكو ماكو
صلاح : اول خطوه سويتها استغنيت عن فكره انو انتقم من الشيخ
كاظم : شعجب
صلاح : حبيت كاظم حبيت
كاظم : عمي بعيد احنه هسه صلاح يحب
صلاح : بس خايف ترفضني بنت الكلب
كاظم : ليش
صلاح : والله شنو ياخذون رايها وهيه منا كلما شوفني تكلي لو تموت ماتاخذني
كاظم : شعجبك بيها تولي
صلاح : لك يا تولي كاظم احلا شي بيها شخصيتها حيل قويه ولسانها طويل احب هيج والاكثر من هذا ماشمرت روحها عليه عكس غيرها مجرد ما اباوع عليهن هنه يجني
كاظم : بنت الاصول تختلف
صلاح : هسه راح تكعدني على نار ادري بيها
كاظم : الله يسهل عليك
صلاح : يلا ولي لبيتك وسلملي على امك
كاظم : مع السلامه
صلاح : بقيت كاعد منتظر منتظر ماجاني النوم بيومها من رجعت للبيت الف فكره اجتني الثاني يوم العصر رحت لبيت الشيخ ننتضر مشيه هجن وفعلا اجو الناس وتم الاتفاق انو بعد نزول الشيخ يتم العقد لان راح يلتحق خلو وراحو بس اباوع على حسن يلوج دنيت عليه شبيك ولك وجهك احمر
حسن : اسكت عني عمي لا هسه احط طلقه براسي
صلاح : عليش بويه شصاير
حسن : ماشوف الصار قبل شويه
صلاح : شصار يعني بنيه وقرينه فاتحتها
حسن : اخ عمي اسكت احسن
صلاح : الحمدالله والشكر جنك عاشگ البنيه
حسن : شهالحجي عمي ماكو هيج شي
صلاح : مبين من وجهك اصفر
حسن : عمي اسكت
صلاح : سكتت بس اذا تحبها احجي قبل لا تتزوج وضل ندمان طول عمرك خليت وكمت كعدت يم الشيخ بدينه نسولف الحد ماراحت الناس وجان يدك تلفون الشيخ رد وكال ......