الـ يصَير مرايتك !
يندل حَسرتك وينَ ،
ويعّرف وين بيك ..
مچودرةَ الجمرةَ ؟ 🖤.
***********************************
علاء : بعد مارحت الها للكليه وشفتها وردت عليه هيج رد رغم جنت عطشان لشوفتها وحيل مشتاقلها كتلها شلونج يابعد العافيه المارهمت بلياج بس للاسف رجعت والعافيه بقت يمها مكسوره الخاطر وصلت البيت وماجان الي خلك اي شي تعبان نفسيا وراها صار عرس سماح ثاني يوم العرس كتلهم انه قررت التحق باجر
حسن : ليش بويه موعلى اساس تحضر ولاده هجن
علاء : صار عندي شغل ضروري
علي : ترجع بالسلامه يابعد العافيه
علاء: الله يسلمكم خلص اليوم مابين الديوان وسوالف صلاح الي ماتخلص صار الليل خليت راسي على المخده كعدت ثاني يوم الصبح والتحقت وهالمرا رحت لبعقوبة وشمرت روحي باخطر نقطه ضلينه ايام هناك ماندري بشي والدعم شبه نعدم من يمنه ضلينه بس احنه وجماعتنه خلصت الذخيره عدنه وتقريبا ضلينه على القدره محافضين على روحها الى ان بيوم كاعدين وجاني الجندي يركض
الجندي : سيدي سيدي راح يصير هجوم علينه شلون شنسوي
علاء : يا منتسب خليك هادئ لاتتوتر واذا متنه فهالشي فخر النه نصير شهداء مدافعين عن الوطن بهالفترا الي فاتت ترقيت وصرت عميد بس مافرحت بهالشي لان الي شفته كرهني بروحي ضلينه منتضرين والكل خايف شخص منتضر موته انه اعترف بوقتها حيل فرحت انو انال الشهاده وبنفس الوقت راح اخلص من الم كلبي الي محاوطني من كل جانب الحب والاشتياق راح ينتهي بقيت صامد بمكاني الى ان سمعنه صوت اطلاق النار الى ان سمعت صوت طكه كلش عاليه وانه اشوف الي وياي يطيحون وانه انتظر مصيري وانه جاي اسعف بيهم ماسمعت غير ضربه قويه وبعدها فقدت الوعي مادري باي شي حسيت على رويا اجتني علياء كاعده على نهر كلش حلو وداير مادايرها خضار كتلها انتي شنو تسوين وياي
علياء : شتاقيت الك اريد اشوفك
علاء : انه هم شتاقيت الج
علياء: حبيتها مو
علاء : منو اشرت على كلبي وكالت
علياء : الي ساكنه بروحك وبكلبك
علاء : اي حبيتها واكثر من ماتتصورين
علياء : نسيتني
علاء: بحياتي مانسيتج ولحد هاي اللحضه افكر بيج واترحم الج
علياء: بس حبيتها اكثر
علاء : بقيت ساكت واباوع عليها
علياء : تجي وياي
علاء : وين
علياءً: المكان ثاني احلا من الدنيا بهواي
علاء : خليت ايدي بيدها والتفتت وانه اسمع صوت يصيح وراي الله يخليك اكعد لا تروح وتعوفنه الله يخليك
اوكفي ام علي منو هذا الي يصيح عليه
علياء : الضاهر ماتريد تجي وياي ماشتاقيت مثل ماكلت بس انه هم ماريدك تعوف حياتك واولادنه على مودي ارجع الدنيتك افتح عينك
علاء : بوقتها اختفى كلشي واحس ثكل بعيوني قوي وصوت بجي وصياح مادري منين سببه او شنو سببه فتحت عيني شوي شوي وضرب بعيني ضوه كلش قوي والدكتور حجى الف حمدالله على سلامتك يابطل ماكدرت ترد احس الم بصدري قوي باوعت عليه وهزيت راسي بس نطقت كلمه وحده وهيه رزق
الدكتور : انت صير زين واهلك كلهم بره
علاء : عافني وراح وانه مادري باي شي بالدنيا غير سمعت صوت حسن وهوه يصيح
حسن : الحمدالله يارب ياعلي ماقصرت ياعلي
علاء : وراها نمت وماحسيت باي شي
رزق : طلع الدكتور المساعد وكال للاسف راح نفقد المريض بس بقى اخير شي الصدمات الكهربائيه اذا ما نفعت ف نعتذر منكم ضليت صافنه بوجهم وانه فاقده بقيت ابجي وابجي وصحت لاتروح وتعوفنه علاء ابقى الله يخليك والكل بقى يبجي على حالي اجتي امي حضنتني وكالت علىً كيفج يمه شوي وطلع الدكتور مبتسم وكال الحمدالله على سلامته نكتبله عمر جديد قره عينكم بقيت اضحك وابجي بنفس الوقت مادري شنو الاحساس الي دخل كلبي وحسن صاح الف الحمدالله والشكر ياعلي ماقصرت بقينه كلنه نضحك بوجوه بعض رجع كال الدكتور بس يرادله شوي متابعه ويبقى بالعنايه لان اصابته مكانها خطر كلش
صلاح : كلشي سهل بس كون يكوم بالسلامه
الدكتور : بطل صدكوني وقوي ومتمسك بحياته الله يطول بعمره
علي : طبعا هذا الشيخ
همام : الحمدالله على سلامته
علي : جاي احجي وي همام وتقربت رزق عليه وكالتً
رزق : بعد ما طمئنيت عليه تقربت العلي وكتله علي اريد اطلب منك طلب انت وحسن وسماح
علي : تفضلي
رزق : بروح الشيخه غيده عدكم ماريد الشيخ يدري انه هنا اجيت وبقيت اسبوع
علي : اي ليش خليه يعرف بلكي هالشي سبب لرجعتكم
رزق : ماكو امل لرجعتنه واحنه بعاد عن بعض احسن
علي : والحب رزق
رزق : الحب ابقيه بداخلي بس ما اتنازل عن كلامي
سماح : الله يخليج لاتسوين هيج
رزق : سماح انتي الله يخليج كافي الاذيه الي تاذيتها
علي : بس الي يشوفج هسه يكول مستحيل تعوف الشيخ بحياتها
رزق : هذا المكتوب رجعت للبيت بعد مااكدت عليهم محد يجيبله سيره رجعت اداوم طبيعي واسمع اخباره من محمد اخوي حتى سماح ماتحاجيني كتلها كيفج وهمين ملك جيبلي اخبار والعرفته ورا سبوع طالع من العنايه وباجر يروح للبيت لان صحته صارت لا بئس وتعدت الايام وانه اداوم فتره امتحانات جانت وحيل مضغوطه بوقتها وجان اخير يوم امتحانات نصف السنه هالحجي 2015 يعني حتى الدواعش تقريبا راح نخلص عليهم طلعت من قاعه الامتحانات جاي امشي وندعمت بواحد رفعت راسي وجان اشوف ....
أنت تقرأ
عشگ الاربعين (هديه فصل)
General Fictionفتاه تكافح من اجل البقاء داخل جامعتها للدراسه لكن يحصل امر يقلب حياتها رئسا ع عقب مثل كل مرا ماحب اشرح هواي بالوصف لان احب انتم تقرون وانتم شاهدون بنفسكم وتعيشون الاحداث تحياتي الكاتبه زينب عقيل الموسوي
