عشگ الاربعين (هديه فصل)

البارت الرابع عشر

مابيه دمع ينزل بغير اسباب
انه امن اهل الله تدريني
والبگلبي عله ارداني ..
ولك يمحيّر الرادك
اشو بولاية ظنوني ،
ثوبك يستحي يجيسك ، مساماتك تصب عفّه ..
و اشو من ردلي محرابك بعد سفره
لگيت جيوش مهزومه وحدر كل جيد اثر شفه ..
عايشلك اسير آنه
ولك يمك اسير آنه ..
بنص اهلي عشت مسجون وبراسي تدور اثنعش زنزانه ..
***********************************
علاء : لكً حسسسسسسسن
حسن : نعم بويه شبيك شصاير
علاء : لك حسن تجذب عليه لك تضم عليه
حسن : شضام بويه
علاء : حسنن يمته ناوي تكلي لمن تموت حسسسسسسن
غيده : يمه ستهدي بالرحمن شبيك
سماح : خويه شصاير
علاء : اسالي هذا الحيوان الي ضام موضوع نقلته
سماح : وين نقلته خويه احجي احجي انت حسن اباوع على حسن صافن شبيك حسن احجي
علاء : اباوعله بعصبيه بويه احس نار شتعلت بكلبي يلا حسن احجي انتضرك احجي جاي يرد عليه واجت رزق وضعها موتمام حجت حجايه وجان ...
رزق : احس الدنيا خنكه بعيني وصارت حيل صغيره طول الطريق افكر منين الخطا مني لو من علاء لو الوقت الي جمعنه معقوله لو شايفته بغير هاي الضروف هم راح اقبل بيه واحبه مثل ماهسه اوكفي اوكفي رزق شنو انتي تحبينه عترفتي لروحج تحبينه يعني هيج قطع سلسله افكاري من سالني ليش ماشتريتي كتله ماريد عندي بس حجيتها بلا نفس وصلنه للبيت ودخلت لغرفتي من دون ما اباوع عليه بدلت وغسلت ونزلت بديت اشتغل بس الي يحاجيني بالي مويمه كل عقلي اكول ليش انه ماعشت حياتي حالي حال غيري مثل اي بنيه تفرح بعرسها تروح تختار ذهبها وبدلته تختار صالونها شلون راح اتحمل يروح من ايدي شلون راح يصير كلبي وهيه يمه بحضنه بعدت هاي الافكار من راسي حسيت حركه بلعومي ماكدر حتى اشرب ماي وابلعه تعبت يا الله ساعدني خلصت الغده وحتى الشيخ جان جاي بوقتها وما ادري ماحاسه عليه صعدت فوك كتلها سماح
سماح : كولي حبيبتي
رزق : سمًوحه راح اصعد انام مابيه حيل وماريد اكل
سماح : شبيج حبيبتي
رزق : مادري احس حركه بلعومي وعيوني بيهن حراره
سماح : الضاهر لان كاعده امس بالحديقه الجو بعده بارد بالليل الشته بعده
رزق : يا شته سماح الصيف من يمته اجه
سماح : اكول صعدي نامي لا ابدي بيج
رزق : صعدت وانه مبتسمه بس احس جسمي بده بيه الم مادري شنو سببه احس عضامي مكسره نزعت حجابي ولبست تراك خفيف وتمددت على الجرباية وغفيت فزيت وراها ساعه 3 الضهر ماكدر اتحرك احس حراره بوجهي وجسمي كوه يتحرك ضليت بمكاني ماكدر اصيح ولا اسوي شي رجعت غفيت ماحسيت على شي بعدها بس وراها احس بروده صارت على وجهي من وراها تسربت بداخلي رعشه مال صخونه بوقتها اريد بس ادفه رجعت غفيت كعدت بالليل مادري حتى بيش الساعه والتعب بعده بجسمي اسمع صوت الشيخ يصيح باسم حسن وخرت الغطه عني وردت اوكف احس الدنيا دور بيه كضيت بالحايط وتمشيت مادري بروحي حتى حجابي مالبسته شكالتي طاحت وشعري نفتح كله فتحت الباب ونزلت الدرج وصلت يم باب الهول ماطلعت من غير كلمه شيخ راح اموت وبعد مادري شنو صار
علاء : كالت راح اموت وطاحت ركضت عليها احس كلبي فز عليها شلتها بسرعه وياي الولد للمستشفى صحت سماااااااح حجابها وين
علي : على كيفك بويه شويه شويه عليها
علاء : لك باوع حرارتها مرتفعه حيل اخذته طياره للمستشفى وصحت سماااح ابقي يم امي انتي الطريق سويته خمس دقايق وهيه تون وبردانه وصلنه للطوارئ واخذوها مني ودخلت وياها الدكتوره جوه ساعه كامله ياله طالت وكالت
دكتوره : حمدالله على سلامتها شيخ حرارتها مرتفعه وبسبب نقص الحديد الي بجسمها والفيتامينات جسمها يرجف هسه خليت الها مغذي ومابيها غير العافيه
الشيخ : الله يريح كلبج دكتوره عبالي بيها شي
الدكتوره : الحمدالله على سلامتها
حسن : بويه مابيه شي ارتاح
علاء : انت حسابك بالبيت حسن مو هنا
حسن : اجه الوقت الي تتعرفون عليه بيه انه حسن علاء عصام ابن الشيخ علاء الصغير عمري 22 سنه شما اشرح الكمً حب ابونه النه تكول انت تبالغ بس هذا الواقع ابوي رباني من عمري يوم لان امي ماشفتها ولا لحكت اشم ريحتها ابوي صار الي اب وام وانه من شده تعلقي بيه حتى مهنته دخلت بيها جنت حيل متاثر بابوي حتى تصرفاتي نفسه صح عندي شوي خبال وعصبيه من عمري سنه لحد هسه ابوي مافد يوم مد ايده عليه وعلى اخوي علي هواي مشاكل سويت هواي طلايب بس من شده حب ابوي الي ماجان يعاقبني طلعت شخص لا ابالي بس الكليه العسكريه طلعتلي كلب فوك كلبي شاءت الاقدار وحبيت بنت جيرانه جانت حيل حلوه وهاديه ومودبه ودخلت لكلب كلبي مو بس كلبي بوقتها عمري جان 18 سنه اكبر منها بسنتين ابوي اصلا جان يشجعنه نتزوج من وقت ونكمل يعني ناخذ مسيرته صح جنت رافض الفكره بس من حبيت هند تغير الوضع تزوجتها وراها دخلت الكليه وصار عندي وراها بتسع شهور بس توم بنيه ولد علياء وكرم اعز شي على كلبي احبهم اكثر من روحي رغم حبي لهند بس النسوان يمشن بدمي هواي كضت عندي بنات بس لان هيه تحبني سامحني وراها لتحقد بالدائره مالتي وصارلي تسع شهور بس راتبي مخلصه كله على الضباط حتى يكضون مكاني شاءت الاقدار وتوفه ابن اخوي والاحداث هاي الباقيه كلهن تعرفوهن بس صار وياي الشي الي راح يغير حياتي كلها بالدوام ودز عليه المدير وكلي
القائد : انت شخص لا ابالي انت شخص ادبسز وماربتك الكليه العسكريه
حسن: سيدي لاتجاوز عليه واعرفني انه ابن منو وشنو تربيتي يلا تحجي
القائد : لاتجاوز عليه انه اكبر منك
حسن : واذا اكبر مني تهيني ما اسمح الك
القائد: يصير خير ملازم حسن انه اعلمك
حسن : شتريد سوي سوي الماتلوحه باديك لوحه برجليك احنه مو خدم عندك حالنه من حالك نشتغل ونتعب
القائد: اطلع برا
حسن : خليت وطلعت احس دمي صار الف زين ما رتكبت بيه جريمه قررت التزم واداوم وراها بيومين اجتني مذكره من الوزاره محتواها انو انه اجه كتاب نقلي الى مدينه بعقوبه بديالى يعني بنص داعش ومًوقعي جان مهاجم يعني على الجبهه والقرار يتنفذ خلال شهرين من تاريخ اليوم بيومها رجعت بس ماكلت الاحد ماريد اخوفهم عليه احس روحي ايامي قليله ومالحك اشبع من اهلي قدمت اجازه الى ان انفذ القرار الي داخل المذكره انه ادري الي وراها القائد العام بس ماراح اروح اتوسل واعتذر وانه ابن ابوي ضليت كاعد مكابلهم وكاعد وكلساع اكول المرتي شبعي مني قبل لا اموت وتكعد تبجي واكلها جاي اشاقه لاصيرين حماره وبيوم الي صار بيه الحدث اجه ابوي وعاط بيه ومادري شسوي مادري شنو احجي والباقي تعرفونه رديت عليه وكتله صار بويه شتريد سوي بيه بالبيت
علاء : اخ يا ابني طول عمرك شالع كلبي بمشاكلك خلص العلاج دخلت عليه فاتحه عيونها على كيف كتلها شلون صرتي هسه
رزق : فتحت عيني بالمستشفى وحبيبي كبالي سالني كتله احسن
علاء : يلا كومي نروح
رزق : دايخه شيخ
علاء : تعاي انه اسندج
رزق : كمت وسندني وصلنه للسياره وكعد يمي ورا من دوختي خليت راسي على ايده ونمت
علاء : اخ شجاي تسوين بيه يا رزق ليش هيج تتصرفين وياي ليش متعمده تاذيني احس قربها يموتني ياذيني وصلنه البيت كعدتها رزق رزق
رزق : عوفيني نايمه يمه الله يخليج
علاء : رزق اكعدي وصلنه
رزق : فزيت من النوم ونزلت السياره وصعدتني سماح فوك بعد مابوستني نمت بمكاني بدلت ملابسي اول لان احس روحي عركانه حيل ونمت للصبح يلا كعدت احس روحي احسن من امس بشويه سمعت صوت حجي عالي وصياح وبجي هم خفت اتحرك من مكاني بس اخير شي كمت وكفت ولبست حجابي ونزلت جوه محد انتبه النزولي وعلاء مستمر يصير
علاء : لك انه من امس مانايم تعرف شنو يعني اعرف من شخص غريب وانت هنا كاعد
حسن : ماريد اخوفكم عليه وانه اصلا موصغير
علاء : ولك انت لو يصير عمرك خمسين سنه تبقى جاهل بعيني حسن يعني لو ما بتصالاتي عارف السالفه جان هسه انت رايح وماكايل النه انه احل السالفه
حسن : بويه صدكني اذا سويتها ورحت حاجيته لا ابوي ولا اعرفك بعد خوش ولا تكول ماكتلك
علي : حسن انتبه لكلامك
حسن : لا علي لا ابوي يريد يلغي شخصيتي انه رجال وابن رجال ماشرد من عقاب تافه مثل هذا لان والله القائد يريد يذلني اشك حلكه وحلك ابو
علاء : لك حسسسسسسسسسن نسيت روحك لك انه ابوك ادبسز
حسن : وانه مصر اروح وهذا قراري
رزق : اباوع عليهم يصيحون وسماح تبجي تقربت عليها كتلها شبيه حسن
سماح : لج جايله عقاب وذابينه بعقوبه بديالى
رزق : نصدمت من كلمته يمه اسم الله عليه والمكان كله خطر والف قصه بيه الله يحميه
هند : ابوس ايدك حسن عمي الله يخليك حلها قنعه شلون بيه
حسن : اذا انتي وغيرج وغيرج يمنعون حبايبهم مايطلعون منو يحمي الوطن جدي
علاء : انت مو كيفك
حسن : بويه القرار يتنفذ بعد شهرين حاول تتزوج بهالمده حتى اروح
علاء : اذا رحت لا ابني ولا اعرفك
حسن : ميخالف يجي يوم وتسامحني
علاء : لك لاطلع خبالي عليك
علي : فدوه اروحلك بويه ابوس ايدك لا يرتفع ضغطك
علاء : خليني اموت بلكي ارتاح من همكم ولك تريد تموت رايح للموت برجليك ولك هاي المنطقه بس دواعش بعدها ما واصلين الها وعبالك تبقى بيها لا وراها يشمروك للموصل وديالي انت ماتريد روحك عندك ثنين جهال ومره لك افتهم فكر
حسن : ولا اخليك تروح تذب كرامتك ع مودي بمكتب واحد حيوان خنزير خليت وطلعت من البيت ضليت لليل بالشارع مادري شنو صار بالبيت ولا اريد اعرف غلقت تلفوني ورحت لشط العرب بمركز البصره اريد ابتعد عن الناس كلها كعدت وحدي وضليت صافن لحد ماتعبت ورجعت لبيتنه دخلت للبيت وجان اشوف ابوي مدد على القنفه ركضت عليه بويه شبيك
علاء : خلاني وطلع رئسا طحت احس راسي يريد ينفجر اجو كلهم يمي ركضو راح علي جاب دكتور وطلع ضغطي مرتفع
رزق : طاح الشيخ وبطيحته احس روحي طلعت ركضنه عليه بس مااكدر اوصل اله جابوله الدكتور وطلع ضغطه عالي نطاه علاج وراح اجت الشيخه
غيده : ولك يمه تريد تموتني ليش تاذيني وتاذي روحك ولك يمه ماعندي غيركم
علاء : يمه يريد يموتني اكله شي يسوي عكسه راح اموت منه
علي : بويه عوفه يولي يعرف مصلحته
علاء : عود انت اب ولك نار بكلبي شابه عليييي
غيده : يمه اذا تحبني صدك لا تعصب ابوس ايدك
علاء : يمه لاتحجين هيج انه الي اروحلج فدوه وين ياله انتبهت على رزق واكفه باوعت عليها احس روحي محتاجها محتاج حضنها اخ يارزق شسويتي بينه لو مامتصرفه وياي وانه بحاله عصبيتي جان ماتخذت هيج قرار صعبه على شيخ يغير رايه ويفشل بنت الناس وياه بقيت صافن عليه وهيه هم تباوع عليه والدمعه بعينها احسها خافت عليه للعصر همه يمي وسماح بس تون كتلها ولج راح اموت من ورا نوحج شبيج
سماح : من عمري لعمرك يبعد روحي
علاء : يلا حبيبتي روحي سويلي جاي
سماح : هم جاي
علاء : اي اريد راسي يصحه الم موتني وخليلي عليه نومي بصره لان هذيج المرا فادني وباوعت عليها
رزق : عرفت بيه يقصدني هنا بهالموقف عرفت روحي شكد كلبي يمه واحبه راحت سماح ومحد بقى يمه بس انه كتله شيخ شلون صرت
علاء : شلوني يا بنيتي شلوني وانه ابني يريد يروح للموت برجليه
رزق : الله الحارس شيخ انت موتروح وشغلك ورب العالمين واكف وياك
علاء : ونعم بالله شلون صرتي
رزق : بفضلك الحمدالله احسن
علاء : الحمدالله
رزق : متاكد مابيك شي
علاء: لاتخافين حبيبتي مابيه شي
رزق : صدمتني الكلمه ضليت صافنه عليه
علاء: يلا بنيتي كومي رتاحي وشربي علاج من الصبح هاي كعدتج ادري بيج مااكلتي
رزق : انت هم ما اكلت شي
علاء : ما اشتهي رزق كلبي يوجعني هواي بيه هموم
رزق : سلامتك شيخنه مابيك بس العافيه
علاء : الله يعافيج
رزق : طلعت من يمه وانه الابتسامه شاكه حلكي بس بهتت من شفت سحر واكفه باب المطبخ تباوعلي بحقد
سحر : ماتستحين انتي صح كاعده يم الشيخ واحد مايريدج ويكلج بس بنتي انتي لازكه بيه ليش
رزق : احترمي نفسج خاله عيب هالحجي مالتج الشيخ رجلي ومامسويه شي خطا واحتراما اله كاعده يمه لان بوقت مرضي ماعافني وحدي
سحر : باعي لج
رزق : تقربت عليه كلش وكالت
سحر : اذا شفتج يمه لو واصله حده صدكيني اندمج
رزق : دفعتني وراحت دخلت للهول البيه الشيخ كاعده يمه وتبجي عليه عود وهوه يصبر بيها
سحر : يعني ماتتزوجني باجر
علاء : لا الموعد نفسه ومابيه شي ليش اجيتي
سحر : خابرت سماح اسئلها وكالتلي وخليت اخوي يجيبني
علاء : يلا روحي لبيتكم سحر مابيه شي انه
سحر : صار شيخ باجر اشوفكم انشالله
علاء : انشالله
رزق : خلت وطلعت بس حيل غثتني يعني بعدها مو مرته ولازكه اله لوتتزوجه شسوي خليت وكمت كملنه شغل بالكوه سماح خلت علاء ياكل شويه لليل اجه حسن وشاف ابو  متمدد تقرب يمه  كله
علاء : احس بيها تغار بس احساسي ماريد اصدكه يجوز غلطان بأحساسي خليت وكتلها تروح ضلينه كاعدين وسماح اصرت اله توكلني ضليت نايم مكاني لحد ما اجه حسن وكعد كبالي وكال
حسن : بويه شبيك شصار وياك
علاء : وخر حسن مابيه شي
حسن : بسببي صح
علاء : لا تعبان حسن
حسن : بيه ولا بيك بويه ريت المرض كله بيه اروح فدوه الك
علاء : بويه انه اخاف عليك ليش تعاندني
حسن : وانه ماريد واحد كلب مثل هذا يذلني وانه ابنك والحارس الله بويه انت شكد رايح مكانات خطره والله نجاك
علاء : ونعم بالله بس انه اكبر منك انت بعدك شايف من حياتك
حسن : بويه الموت من يريد يجي مايعرف جبير وصغير واذا مكتوبلي اموت هسه اموت وانه كاعد يمك ابوس ايدك بويه لاتزعل مني وخليني اخذ قرار هالمرا يخص دوامي
علاء : باس ايدي وكتله الي شوفه بعد مادخل بيك انت على كولتك جبير وتعرف
حسن : بست راسه وايده مرا ثانيه ربي يخليك خيمه على روسنه ومايحرمنه منك لا دنيا ولا اخره
علي : صاير حنين
حسن : انجب انت ماعولت يرضى عليه طلعت من لصبح وكلبي كله يمه
علي : مو اكلك حنين
سماح : حتى بهذا الوضع تتناكرون
علي : سموحه انتي طلعي منها
حسن : رزق شلون صرتي انتي
رزق : انه زينه الحمدالله
علي : طبعا صير زينه اذا ايد الوالد سندتها
حسن : ماتنلام يخوي
علاء : بسكم شقى ماصخ لا اكوملكم
حسن : انت مريض بويه خليك نايم هنوده وين
سماح : بغرفتها
حسن : مبين زعلانه
علاء : اي حقها تزعل اذا واحد نفسك رجلها هوه انه رفعت ضغطي
حسن : بويه الله الحافظ حبوبتي وين
سماح : امي نايمه عمه
حسن : عمه مديت لساني الها ترا بينه ثلاث سنين بس اذا مو اقل
سماح : ابقى عمتك
علي : دسكت حسن خليها شايفه روحها عمتنه
سماح : غصبا عليك كلب
علي : هههههههههه فديت الغلط منج عسل
علاء : وبعدين وياكم زعاطيط انتم كل واحد بكد جدي
حسن : شيخ ارتاح انته يلا علي امشي نروح نام
رزق : اباوع عليهم تذكرت محمد وساجد هم هيج حسره علينه نكعد على اكل اذا مايصايحون بحجه شقه خصوصا سمر يحبون يضوجونها وتعصب وتوصل بيها مرحله تكوم من الاكل ضليت صافنه اخير شي ستاذنت منهم وكمت صاح عليه الشيخ
علاء : رزق اوكفي انتي
رزق : صار شيخ
علاء : كلها كامت تنام وانه كتلها تعاي سنديني خليني اصعد بغرفتي ماكدر امشي
رزق : تعجبت من طلبه بس كتله صار شيخ تقربت يمه وهاي اول مرا اكض ايده بيها كام ولف ايده على ركبتي وانه كمشته من خصره بس ماذب روحه عليه مشينه وصعدنه الدرج وصلنه لباب الغرفه كتله شيخ تكدر تكمل وحدك لو اوصلك لفراشك
علاء : احلا لحضه هاي عشتها يمكن ماكدر اعيشها مرا ثانيه كتلها لا دخليني فتحت الباب ودخلنه للغرفه وصلت للجربايه وكعدتني عليها رادت تروح كتلها رزق
رزق : نعم شيخ
علاء : انت زينه
رزق : اي زينه شيخ صرت احسن من امس
علاء : باوعت عليه بوجهه احسه قطعه من كمر كمت وكفت كبالها تقربت عليها كلش شويه واطخ بيها
وجان ............

حبايبي هذا البارت اعتبروه هديه مني الكم وانشالله باجر نكمل بارت 15 لاتنسون التصويت على البارت

_________*****

تبعوني على صفحتي في فيس بوك
روايات زينب عقيل الموسوي

وقناتي بالتيليجرام
@zainabakeel9
____________****

الى هنا انتهى البارت اتمنى ينال اعجابكم

الكاتبه زينب عقيل الموسوي