ندى رموشك سنابل طيف
خاوتني ضحك بيبان
تبدى اعلى الشمس گيظين
راويت العطش للبير
ما يكبر بخلگي الماي
يا گمرة المامش لم عتبنا چفوف
كل خطوة نهر تثلم بروحي انسان
لا نبچي الدمع مو راي
گاع الما يغصها الغيم
يعبرها الصبر مجبور
ويصلي اعلى چفها افياي
ليلية الجفا يشدني ضوه
اعلى الروج
ويسافر بعمري شراع
وارد مهموم لثيابي ، لهلي
لكل ضحكة منك ما مشت وياي
**********************************
بيت ابو جبار (احمد)
سمر : كتلكم مارجعله مستحيل لو شما سوون
احمد : ترجعين ورجلج فوك راسج شيكولون الناس علينه ماتكليلي
سمر : وخلي يكولون شمايكولون واثقه بنفسي انه
بيارق : ولج يمه رجعي العقلج
سمر : كتلكم ما ارجع وخلي ياخذ اهله ويروح وهسه لو مو عمي
احمد : اخ منج اخ خليها بعدين تندم
سمر : خلو وطلعو وضليت كاعده بمكاني ودموعي ع خدي تصب المريت بيه موقليل وهسه اكلكم شنو صار وياي بعد مارحنه الصالون الصبح ورجعنه صار الحادث واخوي دعم شخص اخذونه للبيت كبل ودخلونه لغرفنه وهنا خرب عرسي وصار اتعس يوم بحياتي شمسويه بحياتي حتى هيج يصير بيه بدت ام رجلي تكلي فكر ورجلج فكر مثل اول يوم خطبناج بي وابني سوه حادث وراد يموت انتي ططوه واشكال الحجي لليل ضليت بغرفتي واسمع عمتي تلعلع اجه رجلي بالليل بيومها لوميته ولا تصرفه هذا خلاني ونام ولا كاني موجوده كعدت ثاني يوم الصبح ع صوت عمتي
ام سجاد : لج كعدي نايمه للضهاري عرس وخربتيه برجلج الوصخه الططوه الفكر
سمر : ضلت تسب اشكال المسبات والغلط كعدت رجلي الي عود يسمى رجلي كتله سرمد سرمد كوم اكعد شوف امك شجاي تسوي
سرمد: اهو لا تكعديني وكومي شتغلي مثل مكالت امي وبعدين صحيح انتي وحده ططوه خذيتج وبتليت
سمر : ليش تحاجيني هيج موصوجك صوج الي تزوجك ضليت اصيح واعيط كام وضربني صل يضرب بيه بقسوه احس روحي طلعت كام وشمرني ع الارض ودفرني بطني وكالي
سرمد : حتى بعد تحرمين ماتعلين صوتج عليه فاهمه
سمر : دفرني بطني وراح ضليت ادعي عليه واسبه كمت غسلت وبدلت ونزلت وستلمتني عمتي غلط ومسبه فوك هذا كله متشمته وتكول عاشت ايد ابني لان ضربج رجال ترباتي مارديت عليها كملت تنضيف وشغل وطبعا مرت حماي نفس الحاله حسيت بوقتها انو ختاريت خطا وصممت الا اتزوج بوقتها كالت الي رزق لاتاخذيه موخوش ناس بس انه الا اخذه حبيته امداني ومده الحب تعدت الايام وسمعت صار رمي ع بيت عمي بسبب الفصل بعدين سمعت بالي صار من سرمد كال اختج نطوها هديه وانتي بومه بوقتها حيل حتقرته من غير الضرب الي ينطي الي ولحد هسه ماتقرب عليه عدت الايام وصار شهر ع زواجي وانه يوميه نفس الحاله يوميه ضرب وتنضيف ورزاله اخير شي حضرت ملابسي وطلعت بالليل بدون محد يشوفني واخذت بس الملابس مالاتي وفلوس حتى اخذ سياره ورحت لبيتنه وصلت ساعه 9 بالليل طبعا لابسه بوشيه دكيت الباب فتحلي الباب محمد
محمد : جايك جايك فتحت الباب كلت تفضلي منو انتي
سمر : حضنته كتله انه سمر وضليت ابجي
محمد : سمر شبيج حبيبتي ياهو وياج ليش هيج تبجين رفعت البوشيه وشفتها شلون عينها مزوركه وركبتها بيها اثار ضرب صحت احجي منو سوه بيج هيج سمر
سمر : سرمد سوه هيج خويه وكله من امه
محمد : اذا ماشك حلكه ماطلع محمد
سمر : دخلت وانه ابجي شفت امي وحضنتها هسه تندمت لان ماسمعت كلامهم واصريت الا ابن عمي لان عود احبه
بيارق : شبيج يمه شصاير
سمر : سولفت الها كلشي من البدايه لحد هسه كتلها بعد ماريده لويموت
سماء : بس انتي غلطانه شلون طلعين بدون علمه
سمر : انتي معليج سماء لاتدخلين بشي مايخصج
سماء : لسانج شطوله اكيد من ورا نكتلتي
سمر : سكتين لو شلون
بيارق : سماء روحي هنا وانتي سمر كعدي ع مايجي ابوج
سمر : اي كعدت اريد اشوف شنو سوون الي
بيارق : بعده لسانج هوه هوه
سمر : خلت امي وطلعت شويه ودخل عليه ابوي
احمد : انتي ع اي ساس تجين وحدج خابر رجلج عليه وكلي تقبلها
سمر : شوف وجهي اول شوف جسمي اول شنو مسوي بيه الباشا يلا تجي تحاسبني ماسويت شي خطا
احمد : ماصيرلج جاره صلفه
سمر : مايهم رجعه مارجع ويطلكني هسه
احمد : موهوه لعب تعاي شوفي بنتج شتكول
بيارق: ولج تردين الناس تاكل وجهنه شنو شهر وطلكت
سمر : مايهمني كلام الناس انه ختاريت خطا خلصوني لو احرك روحي
احمد : عوفيها ترجع لعقلها
سمر : خلوني وطلعوا تعدت يومين
ساجد : ها لج ام لسان شلون صرتي
سمر : زينه
ساجد : محمد وين يلا تاخرنه ترا
سمر : فوك محمد ليش وين تردون ترحون
ساجد : لرزق نريد نشوفها
سمر : خليني اروح وياكم
ساجد : منين هالحب اجه
سمر : ساجد بطل سوالفك
ساجد : غير مرا هسه خلينه نروح نشوف شكو ماكو
سمر: انشالله
ساجد : لك مححححححمد
سمر : طرشت اذني
ساجد : عساها بالطرش
محمد : شبيك خبصتنه خبص خير
ساجد: تاخرنه ولك
محمد : يلا طالعين
سمر : طلعوا ول 8 يلا رجعوا ضلو يسولفون عنها وكالو محتركه بالجاي صراحه اخير شي كتشفت انو الصار بيه حوبتها لان مجنت اعاملها زين راح اتغير واصير زينه واتعامل وياهم بحب وخصوصا رزق اعتذر منها يلا اروح من امي وملك يرحن بس محمد مو ع بعضه جان محمد شبيك صفن شويه وكلي
محمد : بعد الحادث الي صار وروحه رزق وتوديعها اثر بنفسيتي حاولت قدر المستطاع انو اروح وشوفها والحمدالله كدرنه نروح بس شفت البنيه الي كالت اسمها سماح موبس بعقلي دخلت احس اخترقت روحي وكلبي عيونها وطولها وبياضها مثل الثلج هيج شفتها انه ضليت طول الطريق صافن وساجد يضحك عليه
ساجد : لك ها حبيت ها
محمد : انجب ساجد وسد حلكك وصلت للبيت وسولفنالهم على رزق هناك ورجعت صفنت فزيت على سوال سمر كتلها ها مابيه شي
ساجد : لك يا مابيك شي انت ذبت انتهيت
محمد : اهو ساجد ماتسد حلكك
ساجد : يا حبيبي الحب مو عيب وبعدين البومه تساعدنه
محمد: باوعتله صفح ويجوز بالها مو يم الحب
ساجد : هالشي نعرفه من البومه
محمد : ماتنلام من سميك سلبوح
ساجد : ههههه لك مامسموح الاحد بس رزق تصيحلي هالاسم ياقرد
محمد: قرد بعينك
ساجد : شيدخله بعيني جذبت منا لهنا
محمد : اكلج سمر شو هدوء وين نسوان خوانج
سمر : كلهن لاهلهن راحن بالجمله
ساجد : ها خوش فتكينه يلا صاعد ارتاح
محمد : صعد ساجد وبعدني افكر بيها معقوله هيه نصيبي يعني بوقت الشفتها حسيت بيها نصفي الثاني يعني احسها نصيبي من هالدنيا مرات من شوف انسان يدخل كلبك بدون مقدمات وهالشي حيل حلو ويصير وي اغلب الناس فلاتكولون شدعوه ويمته لان الاعجاب والحب ماله وقت محدد يجي فجئه خليت وصعدت ماشتهيت اتعشه يوميه واهس وضحك نزلت ثاني يوم الصبح هوسه وسمر تصيح
سمر : كتلكم مارجع اله مستحيل لوشما يسوون
احمد : ترجعين ورجلج فوك راسج شيكولون الناس علينه ماتكليلي
سمر : وخلي يكولون شمايكولون واثقه بنفسي انه
بيارق : ولج يمه رجعي العقلج
سمر : كتلكم ما ارجع وخلي ياخذ اهله ويروح وهسه لو مو عمي
احمد : اخ منج اخ خليها بعدين تندم
محمد : بويه شصاير
احمد : عمك هنا وسرمد يردون يرجعون العله
محمد : بس بالاجبار مايصير يابويه
احمد : هيه قافله خليها بعدين تندم
محمد : رحت ورا ابوي ودخلنه للاستقبال
ابو سجاد : يا احمد عقلها الولد حس ع غلطه ويريد يرجعها
احمد : اسمعني ابو سجاد انت اخوي وابن امي وابوي وماريد اتفاشل وياك البنيه ماتريد ترجع وخلي يطلكها
سرمد : بس عمي انه اريدها
محمد : هسه تريدها بس من جايه وجهه ازرك ماهتميت
سرمد : انت لا تدخل عمي موجود وهوه يحجي
احمد : وكلام ابني صح واي بنيه يمنه مالكم وروحوا شسوون سوو
محمد : طبعا ابوي من اجت سمر وشافها هيج خابرهم وهم كلهم مالكم مره يمنه وسداه بس مادري شغير رايهم صح كبالها رزلها وكله ترجعين بس ماقابل عليهم ابوي من يومه هيج حتى لو وياك الحق مايوكف الك بس بضهركً لا ياخذ حقك لو جان بحلك السبع
احمد : ابو سجاد احنه خوان ومايخربنه شي قسمه وماصارت وخلي ابنك ياخذله وحده رجلها خير عليه ماطول بنتي نحس
سرمد : هيج صار لحجي
احمد : اي هيجً
سرمد : لعد هسه روحو جيبو لسيد واطلك
احمد : روح بويه محمد جيب السيد الي بلمنطقه
محمد : صار بويه رحت جبت السيد ورجعت وفعلا صحنه سمر وسالها الشيخ قرار نهائي ردت عليه نهائي وطلكها وهنا انتهت حياه اختي سمر كبنيه متزوجه وهسه صارت مطلقه طلعو بيت عمي وابوي كب بوجهه سمر وكلها خربتيني وين بيت اخوي رتاحيتي ردت عليه
سمر : بعد ماطلعوا من يمي نص ساعه وصاحولي ورحت دخلت بعد مالبست عبايه وشال ودخلت لكيت الشيخ كاعد وسالني قرار نهائي كتله اي وطلكنه وفتكيت حسيت هم ونزاح وانه مسووله عن قراري شنو يصير اتحمله ابوي ضل يصيح عليه من راحو كتله انه مسووله عن قراري بويه وماعيش ويا ماكدر هسه يلا رتاحيت ماصير مثل رزق بس نطيتها هديه راحت ومشت وهسه ساكته
محمد : صوتج سمر
سمر : لا ماسكت ماخلي حقي يضيع ماعيش خدامه يم شخص حتى مافكر يلمسني والحد هسه انه بنيه مخليني خدامه ويضرب بيه شفت ابوي مثل الي نصدم كلي شجاي تحجين انتي كتله اي وامي تدري بالموضوع بويه سولفت الها
احمد : بياااااااارقً
بيارق: نعم ابو جبار
احمد : صدك حجي بنتج
بيارق : ياحجي
احمد : تعرفين كلش زين ياحجي
سمر : كليله يمه كليله انه بنيه ولحد هسه ماماد ايده عليه كليله
بيارق: صحيح حجيها
احمد : وليش ماكلتي ليش ماحجيتي
بيارق : كلت بلكي تعقل وترد لرجها ماعبالي يصير الي صار
احمد : وهسه بنتج طلكتً وابن اخوي طلع مابيه خير تعرفين هاي عيبه لو ماتعرفين
سمر : دنكت امي وابوي ضل يصيح ويصيح خله وطلع ومحمد ورا للضهر اجه ساجد
ساجد : وين محمد
سمر : شتريد منه بعدً
ساجد : شكد حشريه المثلج هسه كون كاعده تبجي
سمر : وع عليمن ابجي ع سرمد ايع همزين خلصت منه
ساجد : لسانج رشاشه ماشالله
سمر : اي ادري
ساجد : القزمه العبده
سمر : مارد عليك مضغوط
ساجد : جاي احجي وجه محمد
محمد : طلعت وي ابوي اهديه بعد ماعصب وكلي لرجع للبيت رجعت الضهر والبنيه بعدها بعقلي متمركزه مادري شنو السبب دخلت ولكيت ساجد وسمر يتعاركون كتلهم بسكم عرايك راسنه نسطر
ساجد: لك محمد جبتلك اخبار تازه
محمد : شنو اخبارك يا باشا
ساجد : غمزتله كتله رزق خابرتني
محمد : بس كال رزق كلبي دك سريع عبالك جنت راكض المنطقه كلها
ساجد : اويلي ع الحب
محمد : نجب
ساجدً: دتعال
سمر : احجو يمي
ساجد : انجبي وروحي شوفي امي وين
سمر : رايحه
محمد : احجي اخباريش رد عليه وكال ....
أنت تقرأ
عشگ الاربعين (هديه فصل)
General Fictionفتاه تكافح من اجل البقاء داخل جامعتها للدراسه لكن يحصل امر يقلب حياتها رئسا ع عقب مثل كل مرا ماحب اشرح هواي بالوصف لان احب انتم تقرون وانتم شاهدون بنفسكم وتعيشون الاحداث تحياتي الكاتبه زينب عقيل الموسوي
