عشگ الاربعين (هديه فصل)

البارت السابع والثلاثون

يفتر ياخذ عيوني مغازل دم
وألم أحروفي بشفافي
وشوفنهن نهر عطشان مايلتم
وايامي ورد مذبوح
بچفوف الغشيم
الماعرف يشتم !
************************************
رزق : يلا امشي لاتبقين مبوزه ابتسمت بوجهي وطلعنه  وبطلعتنه صارت ملك بوجهي وهيه دردم كتلها شبيج ردت عليه وكالت
ملك : منو هذا الغبي البرا الي كاعد يصيح بالناس
رزق : ولج شبيج انتي بعد
ملك : رزق هذا واحد وسولفتلها كلشي كالت
رزق : اي يعني ماشوفين الناس كلها برا والدنيا مكلوبه وانتي تفترين هيج حقه يعيط عليج بعدين حسب وصفح هذا لا حسن ولا علي
ملك : مادري يمكن اسمه همام لان اكو ولد صاح عليه
رزق : ها ابن اخو الشيخ
ملك : واذا ابن اخو الشيخ شنو يكعد يصيح علينه والله يا الله
رزق : طالعلج لسان
سمر : اليوم امس من زمان هيه هيج
تقى : رزق هجن تصيح الج
رزق : اي جايه
سمر : شبيج كالبه وجهج بعدج
ملك : اريد اروح للبيت
سمر : هسه شوي وترحين
ملك : اي لان تعبت
سمر : وراها دخلو ولبسو الحلقات بس اول شي محمد بعدين حسن خلصت الخطوبه والكل رجع للبيت صعدت بالسياره وي صلاح وامه كان الهدوء سيد الموقف وصلنه للبيت ونزلت بهدوء وانه افكر بكلام رزق معقوله تجي وحده تاخذه مني ويروح الها بسهوله دخلت لغرفتي الي من اباوع عليها احس ما ناقصها شي كلشي بيها شنو احتاج بقيت التفت بيها وكاني اول مرا اشوفها طلعت ملابسي ودخلت الحمام سبحت ورجعت طلعت لكيت صلاح كاعد على الجربايه كتله الله يساعدك
صلاح : هلا
سمر : رد عليه برود ياربي احسه يريد يموتني
صلاح : سمر بلا زحمه عليج عشه لان حيل جوعان واريد انام وراي شغل الصبح
سمر: صار خليت ونزلت وانه تحجي بيني وبين نفسي وادردم عليه
ام صلاح : شبيج يمه
سمر : مابيه شي خاله بس اريد اسوي عشه
ام صلاح: اي يمه سوي كلشي تردينه موجود
سمر : انشالله
ام صلاح : خليني اكلج شي سمر
سمر : تفضلي خاله
ام صلاح: باعي يمه شكد ما صلاح عصبي تراه ابني وانه ابخص بيه حافظته حفظ ابني اطيب من كلبه ماراح تلكين لان ابن حلال صحيح مرات يقفل بس لو ردتي شي تاخذين عيونه نصيحتي الج يمه كسبي لجانبج تراه يحبج ماتدرين شنو سوه على مود ياخذج بس ماحجه هوه الج يمكن
سمر : ليش شسوه
ام صلاح: ولج بنتي فلش البيت من كتله ماتاخذها هاي مطلقه وانت بعدك مامتزوج رد بوقتها عليه وكال
صلاح : اسمعي يمه لو سمر لو تحلمين اتزوج
ام صلاح: بوقتها يمه كالي ابو روحي خطبيها اله الولد مبين عاشكها وفعلا طلع عاشگج من نخطبتو وهوه يتحرك منا ومنا ويجيب ويخلي وحتار شنو يسوي وكتلج جنت مارايده هذا الشي بس من كلي قصتج بيوم وحتي مستشفى ياله قتنعت بيج وهسه انتي بكيفج اذا تبقين هيج صدكيني تجي وحده وتاخذه منج وبعد ماشوفينه
سمر : كلام خالتي حيل اثر بيه واحس انه حيل ظلمته وتعبته وياي رغم صح من تزوجني لليوم ماشفته يستاهل اذيه خصوصا من عافني وحدي وبعد ماتقرب عليه خير شر صارلنه عشر ايام متزوجين مالمسني ولا حاول اصلا وكله مجاهلني اخ ياسمر اخ منج خلصت العشه وصحتله نزل اكل وبدون كلام وصعد فوك صارت بيه حوسه الا اروح واحجي ويا بعد ماكدر ماتحمل اي شي صعدت وراه بعد ماغسلت المواعين دخلت كتله صلاح انت كاعد
صلاح : اي كولي شتردين
سمر: ليش تعاملني هيج
صلاح : مافهمت شلون معاملج انه انتي ردتي هيج وانه بتعدت شتردين اسوي بعد تردين اطلع انام بالغرفه الثانيه
سمر : ماكلت هيج بس انت حتى كلمه ماتحجي وياي عكس بالبدايه وعلى طول مجاهل وجودي كاني شبح كبالك
صلاح : انتي الي ردتي هيج سمر مو انه تدرين بيه شكد احبج وهواي سويت على مودج بس ما اجه بعينج كلمه والثانيه ماحبك ماريدك انت اخذتني بالغصب
سمر : بقيت صافنه عليه كتله هاي هيه براحتك صلاح
اجيت اروح جراني وكلي
صلاح: شبيج انتي شتردين بالضبط كليلي وانه اسوي
سمر : صلاح مادري شنو اريد انه بس الي اعرفه هسه انو اتضايق من تجاهلك الي يا اخي خليني اتعرف عليك خليني اتعلق بيك عبالك وانت بعيد راح احبك
صلاح: هم رجعنه لنفس القوانه مال ما احبك بس بغير صيغه سمر
سمر : شبيدي صلاح يعني لو ما خاله ماراح اعرف الي سويته على مودي
صلاح : انه كلشي ماسويت بس خلي بالج الي يجي براسي اسويه وشحده الي يكلي لا
سمر : شقصدك
صلاح : حبيبتي الحر تكفيه الاشاره انه خليتج براسي وجبتج ما استبعد اذا دخلت وحده براسي ما جيبها ويلا طلعي برا وسدي الباب اريد انام
سمر : لا والله وشنو الغرفه بس الك
صلاح : اللهم طولج يا روح سمر شتردين
سمر : تقرب عليه وكضيته من قميصه وكتله ماخليك تاخذ غيري وانه اشم الهوى
صلاح : وانتي شعليج
سمر : مو مرتك شنو شعليه
صلاح : ها هسه مرتي بس من اريد حقوقي تكولين انه ماريدك وما احبك انه اكول روحي لا ارتكب بيج جريمه وانتي بعدج مريضه
سمر : كال هيج ودار وجهه وراح وانه احس نار بصدري شاعله مادري وين اروح او شنو اسوي بقيت على هالحاله اسبوع كامل هوه مايحس بوجودي وانه احترك بنار من تجاهله الي وكانو يعاقبني صرت افتر ورا وين مايروح بالبيت صرت احب اشوفه كبالي واضوج من يطلع ويتاخر وخصوصا من يبات برا البيت يجي بالي اتعارك وياه اكسر البيت كله تكسر
ام صلاح: شبيج صافنه حبيبتي
سمر : خاله صلاح وبجيت ماتحملت
ام صلاح: شبيه ولج احجي
سمر : حسيت بوقتها راح انفجر من القهر كتلها على كلشي لان بوقتها صدك حسيت هيه قريبه عليه وجنت محتاجه شخص اسولف ويا ابتسمت وردت عليه
ام صلاح: جا يمصكوعه هذا مو يسمونه حب لو موحب انتي حبيتي وليدي وماتدرين بروحج بس يرادلج شوي نصايح
سمر : بقيت صافنه عليها لان صدك الاحساس الي احسه يم صلاح ماحسيته قبل يم ابن عمي رغم كتلهم احبه واريده كتلها شنو من نصايح
ام صلاح: اسمعي يمه انتي لازم تهتمين بيه لازم تحسسينه بوجودج يعني لبسيله دلعي عليه والاحلى من هذن تحسسينه بحبج وحنانج حتى يرجع وياج مثل قبل
سمر: ستحيت من حجيها بس كلامها كله صح وبقت تحجي وتنصحين انو البنيه بلا رجلها وبيتها ماتسوى وانو اذا طلقت تصير علج بحلوك الناس وصحيح انه طلقت مرا ارجع مرا ثاينه اطلق عليمن المهم بيومها صلاح مااجه صار الليل وبعده ماجاي ضل بالي عليه كلش دخلت للحمام سبحت ولبست ملابس خفيفه جاي افتح الباب وجان اسمع صوته يحجي بالتلفون ويكول...