أدمنت حبك

بارت ١٢

السلام عليكم
*********

#بقلم - الكاتبه - سانسا
****************

شهد،،،،، اني ابغرفتي ونايمه عل سرير وحاضنه المخده وأبجي وتفكيري امشوش والهتفون ابئذني واسمع اغنيتي المفضله (ياما كلت ياما حكيت )
وعاصره المخده وألوم ابنفسي ليش اريد قربه ليش احبه ليش ابسرعه اتعلقت بيه ليش عجبتني شخصيته

صح اني جنت اتمنه زوجي يكون اكبر مني لان اريده فاهم الحياه واريده يكون الي أب قبل الزوج بس
مع ألأسف سامر مو اليه ليش هيج ديصير وياياا
صافنه عل سقف الغرفه واتذكر من ارتب اغراضه ولو هوه كلش امرتب وملابسه من اغسلهن اشمهن وأكويهن
عطره كلش طيب احس فقدته اريد اروي روحي ابعطره الوم ابنفسي اكول لو اعرف راح يصير هيج ويايا اجيب عطره ويايا احس نفسي محتاجه عطره ابد ما انسه هذاك اليوم من شفت سامر اشلون يحجي ابنبرت لا

هيه غضب ولاهيه عتب ولاهيه حسره ولاهيه لووم من اباوع علئ أيده احس دمراته راح تطلع من كدما عاصر
ايده ويحجي ويكلها مره ثانيه انتبهي السجاد خاف يضيع منج مثل( ما.ضاع القبله) احس هاي كلماته تطلع منه ابحسره وهيه جاوبته وعيونها مارمشت كلها دموع بس اترف عينها ينزلن ادموعها وجاوبت ابحسره الضاع مني قبل مو اني الضيعته خلي يحاسب نفسه قبل

يحاسبني وغمضت عينها ونزلن ادموعها ودنكت وكالت شكرآ واندارت راحت تمشي وسامر بقه ابكانه ولا اتحرك
بس احسه يجر نفس عميق ودمارات ايده برزن كلش
وكتله سامر شنو تعرفها لبنيه وماجاوب وكررت كلامي هم ماجاوب وكمشت ايده والتفت عليه وكتله تعرف لبنيه وجر نفس عميق وبحسره وكال ليش ما اعرفها

هيه راحت من بالي حتئ ما اعرفها حجه كلماته احسها اسهم ابصدري دخلن مو كلماات وحسيت الهوا قل عندي وخرت ايدي من علئ ايده وهوه بعده يباوع عل الطريق الي تمشي بي لحد ماختفت منه وهوه بعده
وكتله ابصوت مخنوك سامر خلي اروح البيت اهلي
والتفت الي وشوف جفن عيونه اشلون صارن علئ حمار

ووجها رايح محتقن وجر نفس قوي وكال شهد دنكت راسي ماخليته يكمل كلامه وكتله حباب سامر اريد اروح الأهلي ومشه للسياره وصعدنه بس عاصر لستيرن عصر حسيت راح يطك بيده وينفخ واني اباوع من الجام وكلبي معصور عصر واحس ابراسي يئذيني كلش ضلينه ساكتين وشويه حسيت السياره وكفت التفتت

عليه ومد ايده من الصندوق السياره علبه جكاير وجداحه اني ابد ماحب ريحت الجكاير تلعب نفسي منها ونزل من السياره واشوفه ينفخ الدخان اني بس عيوني يجرن ادموع اريده بس يحجي بس يفهمن هاي منو ما اريد اني افكر اريد يبررلي الموقف الحطني بي حسيت نفسي ابنصهم مثل الغبيه ومامهتم الوجودي ماخذ راحته ويعاتبها ابطريقت كلامه وطول بره كمل

الجكاير وبقه واكف واني احرك ابدمي علئ تصرفه نوبات اكول هوه ما اله ذنب احس نفسي تعبت وعيوني يحركني وحسيت طعم ابشفتي وأحروره امد ايدي عليها واشوف دم من كد ما عضيت عليها اكتم بجيتي
ومسحت شفتي بل اكلنس وخليته ابئيدي وكل اشويه امسحها الشفتي شفته اتحرك واجه صعد بل سياره